وزیراعظم پاکستان شہباز شریف کا جنرل اسمبلی سے خطاب، اہم نکات کیا تھے؟
اشاعت کی تاریخ: 26th, September 2025 GMT
01: پاکستان بھارت کے ساتھ تمام تصفیہ طلب امور پر جامع اور نتیجہ خیز مذاکرات کے لئے تیار ہے۔
02: مشرقی محاذ سے بھارتی جارحیت کا فیصلہ کن جواب دیا، سات بھارتی طیارے مار گرائے، جنگ جیت لی، اب امن جیتنا چاہتے ہیں۔
03: صدر ڈونلڈ ٹرمپ کی بروقت مداخلت سے بڑی جنگ روکی گئی، پاکستان نے امن کی خاطر جنگ بندی پر آمادگی ظاہر کی۔
04: سندھ طاس معاہدے کی خلاف ورزی اعلان جنگ کے مترادف قرار، پاکستان اپنے آبی حقوق کا بھرپور دفاع کرے گا۔
05: مقبوضہ جموں و کشمیر میں بھارتی ظلم و جبر جلد ختم ہوگا، کشمیری اقوام متحدہ کی نگرانی میں حقِ خودارادیت حاصل کریں گے۔
مزید پڑھیں: بھارت کے ساتھ نتیجہ خیز مذاکرات کے لیے تیار ہیں، جنگ جیت لی اب امن جیتنا چاہتے ہیں: وزیراعظم کا جنرل اسمبلی اجلاس سے خطاب
06: غزہ میں اسرائیلی جارحیت ناقابلِ بیان، فوری جنگ بندی ناگزیر ہے، فلسطین کو آزاد ہونا ہوگا اور 1967 کی سرحدوں پر ریاست قائم کی جائے۔
07: دہشتگرد گروہ افغان سرزمین سے آپریٹ کرتے ہیں، افغان عبوری حکومت مؤثر کارروائی کرے۔
08: پاکستان نے دہشتگردی کے خلاف 90 ہزار جانوں کی قربانی دی، 150 ارب ڈالر کا معاشی نقصان اٹھایا۔
09: ٹی ٹی پی، بی ایل اے اور دیگر دہشتگرد گروہوں کو پاکستان کے دشمن قرار دیا، کہا کہ یہ بیرونی سرپرستی میں سرگرم ہیں۔
10: ماحولیاتی تبدیلی سب سے بڑا عالمی چیلنج ہے، 2022 اور 2025 کے سیلابوں سے اربوں ڈالر کا نقصان ہوا، قرضے معیشت کے لیے تباہ کن ہیں۔
11: پاکستان عالمی گیسوں کے اخراج میں ایک فیصد سے بھی کم حصہ ڈالنے کے باوجود شدید متاثرہ ملک ہے۔
مزید پڑھیں: 7 بھارتی طیاروں کو مٹی کا ڈھیر بنایا، ہمارا جواب تاریخ میں ہمیشہ یاد رکھا جائے گا، وزیراعظم شہباز شریف
12: معیشت کی بحالی کے لیے ڈھانچہ جاتی اصلاحات، سرمایہ کاری، ٹیکنالوجی، زراعت اور توانائی پر توجہ دی جا رہی ہے۔
13: چین کے بیلٹ اینڈ روڈ انیشی ایٹو اور سی پیک کو پاکستان کی ترقی کے لیے کلیدی قرار دیا۔
14: پاکستان نے صدر ٹرمپ کو امن کے لئے نوبل انعام کے لئے نامزد کیا، ان کی کوششوں کو خراج تحسین پیش کیا۔
15: نفرت انگیزی، اسلاموفوبیا اور ہندوتوا پر مبنی انتہا پسندی کو عالمی امن کے لئے خطرہ قرار دیا۔
16: پاکستان فلسطین، افغانستان اور یوکرین تنازع کے پرامن حل کا حامی ہے۔
مزید پڑھیں: ہم سرحد پار دہشتگردی کو شکست دے رہے ہیں، وزیراعظم شہباز شریف کا بھارتی صحافیوں کو جواب
17: پاکستان اقوام متحدہ کی سلامتی کونسل کے غیر مستقل رکن کے طور پر تعمیری کردار ادا کرتا رہے گا۔
18: وزیراعظم نے شہدا اور ان کے ورثا کو خراج تحسین پیش کیا اور عہد کیا کہ ان کی قربانیاں رائیگاں نہیں جائیں گی۔
19: پاکستان امن، انصاف اور ترقی کا علمبردار رہے گا، آنے والی نسلوں کے لیے بہتر دنیا بنانے کی ضرورت ہے۔
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: اہم نکات جنرل اسمبلی شہباز شریف وزیراعظم پاکستان شہباز شریف کے لئے کے لیے
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ