آصف زرداری سے ملاقات کے بعد ن لیگ اور پی پی کی بیان بازی کا ماحول ٹھنڈا ہوچکا ہے، شرجیل میمن
اشاعت کی تاریخ: 16th, October 2025 GMT
سکھر میں میڈیا سے گفتگو کرتے ہوئے سینئر صوبائی وزیر نے کہا کہ سندھ میں کوئی بھی غیر قانونی افغان شہری مقیم ہے تو حکومت اس کے خلاف سخت ایکشن لے رہی ہے، کراچی میں غیر قانونی مقیم افغان شہریوں کی متعدد گرفتاریاں کی گئی ہیں اور گرفتاری کے بعد کئی افراد کو ڈی پورٹ بھی کیا گیا۔ اسلام ٹائمز۔ سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہے کہ آغا سراج درانی ایک ہنس مکھ انسان اور اچھے پارلیمینٹرین تھے اور سندھ اسمبلی کے بیلنس اسپیکر رہے، اسپیکر کے طور پر ان کی خدمات بہترین رہی ہیں، یہ ان کے لواحقین کے لیے انتہائی دکھ کی گھڑی ہے، اللہ تعالی مرحوم کی مغفرت فرمائے۔ بیگم نصرت بھٹو ایئرپورٹ سکھر پر میڈیا سے گفتگو کرتے ہوئے سینئر وزیر شرجیل انعام میمن نے بتایا کہ نوابشاہ میں پی ایم ایل این کے اعلی سطح کے وفد نے صدر آصف علی زرداری سے ملاقات کی تھی اور ملاقات کے بعد دونوں جانب سے بیان بازی کا ماحول ٹھنڈا ہو چکا ہے۔
انہوں نے کہا کہ کچے میں امن و امان اسی وقت بحال ہوگا جب سندھ اپنے اور پنجاب اپنا کچہ علاقہ ایک ساتھ آپریشن کے ذریعے کنٹرول کریں گے، کیونکہ ایک ساتھ آپریشن ہونے کی صورت میں جرائم پیشہ عناصر کو چھپنے کی جگہ نہیں ملے گی، باہمی کوششوں کی ضرورت ہے اور ہماری کوشش ہے کہ پنجاب حکومت بھی ایک ساتھ آپریشن کرے، سندھ حکومت نے ایک اقدام اٹھایا ہے کہ جو ڈاکو رضاکارانہ طور پر سرنڈر کرے گا اسے ایک الگ طریقے سے ڈیل کیا جائے گا، بھلائی یہی ہے کہ ڈاکو خود رضاکارانہ طور پر سرنڈر کریں تاکہ کسی پولیس مقابلے کا شکار نہ ہوں، سب کے جان و مال کے تحفظ کو یقینی بنانا حکومت کی کوشش ہے۔
شرجیل انعام میمن نے کہا کہ سندھ میں کوئی بھی غیر قانونی افغان شہری مقیم ہے تو حکومت اس کے خلاف سخت ایکشن لے رہی ہے، کراچی میں غیر قانونی مقیم افغان شہریوں کی متعدد گرفتاریاں کی گئی ہیں اور گرفتاری کے بعد کئی افراد کو ڈی پورٹ بھی کیا گیا، غیر ملکی تارکین وطن کے بارے میں حکومت کی بالکل واضح پالیسی ہے۔ انہوں نے کہا کہ پاکستان نے اپنے تمام برادر ممالک کے ساتھ اچھے تعلقات برقرار رکھنے کی کوشش کی ہے اور ہر دور میں پاکستانی حکومتوں نے افغانستان کی مدد کی ہے۔
انہوں نے خبردار کیا کہ جب آپ کسی کی پراکسی بنیں گے اور آپ کے نمائندگان دوسرے ملک میں بیٹھ کر ہمارے معصوم شہریوں پر حملے کروائیں گے تو پاک افواج کے جوابی اقدامات سب کے لیے پیغام ہیں کہ ہم پرامن لوگ ہیں مگر پاکستان کے ساتھ کسی قسم کی چھیڑ چھاڑ برداشت نہیں کی جائے گی، اگر کوئی شروع کرے گا تو پاکستان اس کا منہ توڑ جواب دے گا، البتہ پاکستان کبھی شروعات نہیں کرے گا لیکن اختتام ضرور کرے گا۔ شرجیل انعام میمن نے کہا کہ حکومت سندھ کراچی سے سکھر تک فاسٹ ٹرین چلانے کی خواہاں ہے اور اس کے لیے محکمہ ٹرانسپورٹ بین الاقوامی سرمایہ کاروں سے مذاکرات کر رہا ہے۔
ذریعہ
ذریعہ: Islam Times
کلیدی لفظ: شرجیل انعام میمن نے نے کہا کہ کے بعد کرے گا
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ