امریکا نے وینزویلین صدر کے نیٹ ورک کو دہشت گرد قرار دیدیا
اشاعت کی تاریخ: 25th, November 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن (انٹرنیشنل دیسک) امریکی صدر ڈونلڈ ٹرمپ نے وینزویلا کے منشیات فروش نیٹ ورک ڈی لاس سولز کو غیر ملکی دہشت گرد تنظیم کے طور پر نامزد کردیا۔ اس سے امریکا اور وینزویلا کے درمیان کشیدگی میں اضافہ ہونے کا امکان ہے۔ امریکی حکومت واضح طور پر اس گروپ پر الزام عائد کرتی ہے کہ اس کی قیادت وینزویلا کے صدر نکولاس مادورو خود کر رہے ہیں۔ اس کے نام کا انگریزی ترجمہ کارٹیل آف دی سنز ہے۔ وسیع پیمانے پر امریکی فوج کی موجودگی اور فوجی قوت میں اضافے اور جزائر غرب الہند اور بحرالکاہل میں منشیات کی مبینہ اسمگلنگ میں ملوث تنظیموں کو نشانہ بنانے کے لیے شدت اختیار کرتی ہوئی کارروائیوں کے درمیان یہ نامزدگی ہوئی ہے۔ دنیا کا سب سے بڑا طیارہ بردار بحری بیڑا یو ایس ایس جیرالڈ آر فورڈ نومبر میں اس خطے میں پہنچا جس سے مادورو انتظامیہ کے اندر یہ خدشہ پیدا ہو گیا کہ شاید امریکا وینزویلا کے اندر اہداف پر حملہ کرنے کی تیاری کر رہا تھا۔ حالیہ ہفتوں میں واشنگٹن نے پہلے ہی براہِ راست کارروائیاں کرتے ہوئے وینزویلا کے ساحل کے قریب ایسے جہاز تباہ کیے ہیں جن پر منشیات کی سمگلنگ کا شبہہ تھا۔ یو ایس فیڈرل ایوی ایشن ایڈمنسٹریشن نے ہوائی کمپنیوں کو پھیلتے ہوئے بحران کے باعث احتیاط برتنے کی تاکید کرتے ہوئے ہدایت جاری کی۔ اس کے جواب میں کئی ائرلائنز نے وینزویلا جانے اور وہاں سے آنے والی تمام پروازیں منسوخ کر دیں۔ امریکی وزیرِ دفاع پیٹ ہیگستھ نے کہا کہ غیر ملکی دہشت گرد تنظیم کے طور پر نامزدگی کے اقدام سے امریکی حکومت کو منشیات کے دہشت گرد گروہوں کا مقابلہ کرنے کے لیے نئے اختیارات کا ایک مکمل گروپ مل گیا ہے۔ منشیات نیٹ ورک ڈی لاس سولز اب نامزد غیر ملکی دہشت گرد تنظیموں کی فہرست میں شامل ہو گیا ہے جس میں شدت پسند گروہوں کے ساتھ میکسیکن، ایکواڈور اور کولمبیا کے کارٹلز اور وینزویلا کے بدنامِ زمانہ ٹرین ڈی آراگوا جیسے منشیات کے طاقتور گروہ شامل ہیں۔
ذریعہ
ذریعہ: Jasarat News
کلیدی لفظ: وینزویلا کے
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار