قابض میئر بلدیاتی اداروں کے کام میں سب سے بڑی رکاوٹ ہیں، منعم ظفر خان
اشاعت کی تاریخ: 7th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان نے کہا ہے کہ لیاقت آباد کی تعمیر و ترقی کا سفر تیزی سے جاری ہے، عوامی خدمت جماعت اسلامی کا بنیادی مقصد ہے اور اسی عزم کے ساتھ شہر کے ہر علاقے میں ترقیاتی منصوبے مکمل کیے جارہے ہیں۔
منعم ظفر خان نے کہا کہ مرحوم وائس چیئرمین عمران عباس کے نام سے منسوب یہ سڑک بانٹوا نگر اور بندھانی کالونی کے عوام کے لیے جماعت اسلامی کی جانب سے تحفہ ہے، جس کی تعمیر ڈیڑھ لاکھ اسکوائر فٹ سے زائد رقبے پر مکمل کی گئی ہے،جماعت اسلامی نے محض دو سال میں لیاقت آباد کے تمام 15 پارک آباد کردیے ہیں، جو کبھی ویران تھے، اب وہاں بچے اور فیملیز خوشگوار لمحات گزارتی ہیں، اسی طرح کھیلوں کے میدانوں کی بحالی بھی جاری ہے جبکہ جلد محمدی گراؤنڈ، محمدی اسپورٹس کمپلیکس اور منصورہ ماڈل کمپلیکس کو عوام کے لیے کھولا جائے گا۔
امیر جماعت اسلامی کراچی نے سندھ حکومت پر شدید تنقید کرتے ہوئے کہا کہ ای چالان کے نام پر شہریوں پر ظلم ڈھایا جا رہا ہے اور ظالمانہ جرمانے عوام کے لیے ناقابلِ برداشت ہیں، جماعت اسلامی نے اس کے خلاف سندھ ہائی کورٹ میں پٹیشن دائر کردی ہے اور اہل کراچی کے حقوق کے لیے ہر فورم پر آواز بلند کی جائے گی۔
ان کا کہنا تھا کہ قابض میئر بلدیاتی اداروں کی کارکردگی میں سب سے بڑی رکاوٹ ہیں مگر جماعت اسلامی کے نمائندے اختیارات اور وسائل کی کمی کے باوجود ترقیاتی کام جاری رکھے ہوئے ہیں،بلدیاتی اداروں کو بااختیار بنانا ناگزیر ہے، کیونکہ عوامی نمائندوں کو اختیارات ملنے کے بغیر شہر کے مسائل حل نہیں ہوسکتے۔
منعم ظفر خان نے مزید کہا کہ جماعت اسلامی تعلیم کے شعبے میں بھی اصلاحات لارہی ہے، سرکاری تعلیمی ادارے جو ماضی میں باصلاحیت شخصیات کی نرسری ہوا کرتے تھے، آج ویران ہیں مگر جماعت اسلامی ان اسکولوں کو دوبارہ فعال اور معیاری اداروں میں تبدیل کر رہی ہے۔
انہوں نے اس موقع پر کہا کہ ہزاروں اسٹریٹ لائٹس لگا کر لیاقت آباد کو روشن کردیا گیا ہے،سیوریج، پانی اور کچرے کے مسائل صوبائی حکومت کی ذمہ داری ہیں لیکن سندھ حکومت اور مرتضیٰ وہاب جو کراچی واٹر اینڈ سیوریج بورڈ کے چیئرمین بھی ہیں، ان مسائل سے غافل ہیں، عوام کے ٹیکس کا پیسہ عوام پر ہی خرچ ہونا چاہیے، جماعت اسلامی خدمت کے مشن سے کبھی پیچھے نہیں ہٹے گی۔
ذریعہ: Jasarat News
کلیدی لفظ: جماعت اسلامی عوام کے کہا کہ کے لیے
پڑھیں:
جماعتِ اسلامی نے ای چالان سسٹم عدالت میں چیلنج کر دیا
جماعتِ اسلامی کراچی نے خودکار ’فیس لیس ٹکٹنگ سسٹم‘ (ای چالان) کو سندھ ہائیکورٹ میں چیلنج کر دیا ہے۔
امیر جماعت اسلامی کراچی منعم ظفر نے اپنے وکیل کے ذریعے دائر درخواست میں مؤقف اختیار کیا کہ شہریوں پر بغیر مناسب انفراسٹرکچر کے بھاری جرمانے عائد کیے جا رہے ہیں، جو آئین و قانون کی خلاف ورزی ہے۔
’ای چالان نظام غیر منصفانہ اور غیر شفاف‘درخواست میں کہا گیا کہ ای چالان سسٹم کے تحت خلاف ورزی کا چالان گاڑی کے مالک کو بھیج دیا جاتا ہے، چاہے گاڑی کوئی اور چلا رہا ہو۔
وکیل نے مؤقف اپنایا کہ کراچی سمیت سندھ بھر میں ہزاروں گاڑیاں اوپن لیٹر پر چل رہی ہیں اور محکمہ ایکسائز کے ریکارڈ میں پرانے مالکان کا ڈیٹا درج ہے، جس سے بے گناہ شہریوں پر غلط جرمانے عائد ہو رہے ہیں۔
’انفراسٹرکچر کے بغیر خودکار نظام غیر قانونی‘درخواست گزار نے مؤقف دیا کہ شہر میں زیبرا کراسنگ، رفتار کی حد کے نشانات اور مناسب سڑکیں موجود نہیں۔ ترقیاتی منصوبوں کے باعث کئی مقامات پر ٹریفک پولیس خود رانگ وے چلاتی ہے۔ ایسی صورت میں شہریوں کو چالان کرنا غیر منصفانہ اقدام ہے۔
بھاری جرمانے اور شہری مشکلاتمنعم ظفر کے مطابق 30 سے 40 ہزار روپے ماہانہ آمدنی والے افراد کے لیے ہزاروں روپے کے چالان ادا کرنا ممکن نہیں۔
یہ بھی پڑھیں:ای چالان یورپ جیسا اور سڑکیں کھنڈر، کراچی کے شہریوں کی تنقید
ای چالان کے تحت ایک ہفتے میں 30 ہزار سے زائد شہریوں پر جرمانے کیے گئے۔ ان کا کہنا تھا کہ شہر کی سڑکیں ٹوٹی ہوئی ہیں، ٹرانسپورٹ ناکافی ہے، مگر شہریوں کو ہی نااہلی کا خمیازہ بھاری جرمانوں کی صورت میں بھگتنا پڑ رہا ہے۔
’ای چالان کے نام پر شہریوں کی جیبوں پر ڈاکا‘جماعت اسلامی نے عدالت سے استدعا کی کہ ای چالان اور بھاری جرمانوں کو معطل کیا جائے اور مصنوعی ذہانت پر مبنی اس نظام کو غیر قانونی قرار دیا جائے۔
منعم ظفر نے کہا کہ ٹیکس دینے کے باوجود شہری بنیادی سہولتوں سے محروم ہیں، اس لیے ای چالان کے نام پر شہریوں کی جیبوں پر ڈاکا قبول نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ای چالان جماعت اسلامی کراچی منعم ظفر
ملک میں چینی کی قیمت 210 روپے فی کلو تک پہنچ گئی