امریکا اور چین کے درمیان تجارتی معاہدہ طے پا گیا
اشاعت کی تاریخ: 12th, May 2025 GMT
GENEVA:
جنیوا: سوئٹزرلینڈ کے شہر جنیوا میں جاری تجارتی مذاکرات میں اہم پیشرفت کے بعد امریکا اور چین کے درمیان تجارتی معاہدہ طے پا گیا ہے۔
امریکی حکام کے مطابق، مذاکرات میں امریکی نائب صدر، دو وزراء اور سفیر نے شرکت کی، اور امریکی صدر کو مذاکرات کے نتائج سے آگاہ کر دیا گیا ہے۔
مزید پڑھیں: امریکا-چین تجارتی جنگ ختم ہونے والی ہے؟ جنیوا میں بڑی پیش رفت
امریکی وزیر خزانہ اسکاٹ بیسنٹ نے اس پیشرفت کا اعلان کرتے ہوئے کہا کہ چین کے ساتھ مذاکرات میں نمایاں ترقی ہوئی ہے، اور تجارتی معاہدے کی تفصیلات پاکستانی وقت کے مطابق آج شما کسی وقت جاری کی جائیں گی۔
امریکی تجارتی نمائندے جیمیسن گریز نے کہا کہ اس معاہدے کا مقصد تجارتی خسارے کو کم کرنا اور دونوں ممالک کے درمیان اقتصادی تعلقات کو مزید مستحکم کرنا ہے۔
.ذریعہ: Express News
پڑھیں:
سندھ حکومت اور ٹرانسپورٹرز کے درمیان مذاکرات کامیاب، احتجاج ختم کرنے کا فیصلہ
سندھ حکومت اور ٹرانسپورٹرز کے درمیان ہونے والے مذاکرات کامیابی سے ہمکنار ہوگئے، جس کے بعد ٹرانسپورٹرز نے اپنا احتجاج ختم کرنے کا فیصلہ کرلیا۔ اس سلسلے میں سینیئر صوبائی وزیر شرجیل انعام میمن نے ٹرانسپورٹرز سے ملاقات کی اور حالیہ حادثے و پرتشدد واقعات پر اپنی تشویش کا اظہار کیا۔
یہ ملاقات کمشنر ہاؤس کراچی میں ہوئی جہاں ٹرانسپورٹرز کے وفد نے حاجی یوسف اور جام عالم کی قیادت میں شرکت کی۔
حکومت سندھ اور ٹرانسپورٹرز میں مذاکرات کامیاب، ٹرانسپورٹرز کا احتجاج ختم کرنے کا فیصلہ
سینئر وزیر شرجیل انعام میمن کی ٹرانسپورٹرز سے ملاقات، حادثے اور پرتشدد واقعات پر تشویش کا اظہار
کمشنر ہاؤس کراچی میں ٹرانسپورٹرز کے وفد نے حاجی یوسف اور جام عالم کی قیادت میں سینئر وزیر شرجیل… pic.twitter.com/adlut3NtUS
— Sindh Information Department (@sindhinfodepart) August 10, 2025
اس موقع پر کمشنر کراچی سید حسن نقوی، سیکریٹری ٹرانسپورٹ اسد ضامن، کراچی پولیس چیف جاوید عالم اوڈھو سمیت دیگر اعلیٰ حکام بھی موجود تھے۔
شرجیل انعام میمن نے حادثے میں ہونے والے جانی نقصان پر افسوس کا اظہار کرتے ہوئے واقعے کے بعد پیش آنے والے پرتشدد مناظر کی سخت مذمت کی۔ انہوں نے واضح کیا کہ سندھ حکومت ٹرانسپورٹرز کے جائز مطالبات کو ترجیحی بنیادوں پر حل کرےگی۔
ان کا کہنا تھا کہ انسانی جان کا ضیاع ناقابل تلافی المیہ ہے، اور یہ ہم سب کے لیے انتہائی افسوسناک ہے۔ انہوں نے زور دیا کہ مسائل کا حل تشدد یا توڑ پھوڑ نہیں بلکہ باہمی تعاون سے نکالا جا سکتا ہے۔ حکومت تمام متعلقہ فریقین کے ساتھ مل کر ٹرانسپورٹ شعبے کے مسائل کے حل کے لیے اقدامات کرے گی۔
شرجیل انعام میمن نے مزید کہا کہ مستقبل میں ایسے واقعات کی روک تھام کے لیے مؤثر اقدامات کیے جائیں گے۔ انہوں نے خبردار کیا کہ قانون ہاتھ میں لینے والوں اور فسادات میں ملوث افراد کے خلاف انسدادِ دہشت گردی کے تحت مقدمات قائم کیے جائیں گے۔
انہوں نے کہا کہ ڈمپر مالکان کو اپنی گاڑیوں میں کیمرے، ٹریکر، ڈرائیورز کے لائسنس اور انشورنس کو یقینی بنانا ہوگا۔
انہوں نے اعلان کیا کہ ٹرانسپورٹرز کو ہونے والے نقصان کے تخمینے کے لیے ایک کمیٹی تشکیل دی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹرانسپورٹرز ڈمپرز مالکان سندھ حکومت مذاکرات کامیاب وی نیوز
ڈاکٹر فرمان فتح پوری۔۔ادب کی ہمہ گیر شخصیت