سجاول،کاروبار کو وسعت دینے کے حوالے سے سیمینار کا انعقاد
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">
سجاول(نمائندہ جسارت) سجاول میں کاروبار کو وسعت دینے کے لیے مالی اداروں تک رسائی کے عنوان سے سیمینار،گزشتہ روز سجاول میں RDF کی جانب سے ہوٹل کیفے محمدی میں “کاروبار کو وسعت دینے کے لیے مالی اداروں تک رسائی” کے موضوع پر ایک روزہ سیمینار کا انعقاد کیا گیا، جس میں مختلف بینکوں کے نمائندگان، SME مالکان، سول سوسائٹی کے اراکین اور دیگر افراد کی بڑی تعداد نے شرکت کی۔ تقریب کا آغاز تلاوتِ کلامِ پاک سے ہوا۔ اس کے بعد RDF کی پروجیکٹ آفیسر محترمہ بلقیس کھٹّی نے RDF اور GRASP منصوبے کا تفصیلی تعارف پیش کیا۔ دورانِ پروگرام بینک اسلامی، الائیڈ، بینک الحبیب، سفکو مائیکروفنانس، یو بینک مائیکروفنانس اور LOLC مائیکروفنانس بینک کے نمائندگان نے اپنے قرضہ جاتی پروڈکٹس کے بارے میں تفصیلی گفتگو کی اور SME مالکان کو قرضہ حاصل کرنے کے طریقہ کار سے آگاہ کیا۔ شرکا کی جانب سے قرضہ کے حصول سے متعلق سوالات بھی کیے گئے، جن کے بینک نمائندگان نے تسلی بخش جوابات دیے۔ اس موقع پر تقریب کے مہمانانِ خصوصی میں کے بی بہرانی ایڈیشنل ڈائریکٹر سوشل ویلفیئر، ٹھٹھہ نیاز میمن ایڈیشنل ڈائریکٹر سوشل ویلفیئر، سجاول اور ماہین اقبال ڈپٹی ڈائریکٹر سوشل ویلفیئر نے خصوصی شرکت کی۔ تقریب کے اختتام پر تمام شرکا کی تواضح دوپہر کے کھانے سے کی گئی۔
.
ذریعہ
ذریعہ: Jasarat News
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی