حکومت کی جانب سے سیلاب متاثرین کیلئے بڑا ریلیف پیکج تیار
اشاعت کی تاریخ: 9th, September 2025 GMT
وفاقی حکومت نے سیلاب سے متاثرہ افراد کو فوری ریلیف فراہم کرنے کے لئے اہم اقدامات اٹھانے کا فیصلہ کر لیا ۔
نجی ٹی وی کی رپورٹ کے مطابق حکومت نے بجلی کے بلوں پر مختلف ٹیکسز ختم کرنے کی تجاویز تیار کر لی ہیں، جن پر جلد عملدرآمد متوقع ہے۔
رپورٹ کے مطابق بجلی کے بلوں سے جنرل سیلز ٹیکس (جی ایس ٹی )،ایف سی سرچارج اور فکس چارجز ختم کرنے پر غور کیاجارہا ہے، اس کے علاوہ فیول پرائس ایڈجسٹمنٹ پر بھی جی ایس ٹی اور ایکسائز ڈیوٹی ختم کرنے کی تجویز دی گئی ہے، بلوں میں شامل انکم ٹیکس، فاضل ٹیکس اور ریٹیلر سیلز ٹیکس کو بھی ختم کرنے کی سفارش زیرِ غور ہے۔
وفاقی وزیر رانا تنویر حسین کاکہناہے کہ سیلاب زدہ علاقوں میں فوری طور پر ٹیکسز معاف کیے جائیں گے۔ بجلی کے بلوں میں ریلیف وفاقی حکومت فراہم کرے گی جب کہ زمین سے متعلق ریونیو ٹیکسز صوبائی حکومتیں معاف کریں گی۔
انہوں نے بتایا کہ بعض متاثرہ علاقوں میں جو بل پہلے سے پرنٹ ہو چکے تھے، ان میں اضافی چارجز کا بھی نوٹس لیا جائے گا تاکہ متاثرین کو غیر ضروری مالی بوجھ سے بچایا جا سکے۔
مزید برآں وفاقی حکومت نے کسانوں کے لیے خصوصی پیکیج تیار کرنے کا فیصلہ بھی کیا ہے تاکہ سیلاب سے فصلوں اور مویشیوں کو پہنچنے والے نقصان کا ازالہ کیا جا سکے۔ رانا تنویر کے مطابق، اس پیکیج کا باضابطہ اعلان سیلاب متاثرہ علاقوں کے مکمل سروے کے بعد کیا جائے گا، جو آئندہ 7 سے 10 دن میں مکمل کر لیا جائے گا۔
ابتدائی تخمینے کے مطابق حالیہ سیلاب سے فصلوں کو ایک سے تین فیصد تک نقصان پہنچا جبکہ سب سے زیادہ متاثرہ فصل چاول کی ہے، خصوصاً گوجرانوالہ ڈویژن میں جہاں 18 فیصد تک فصل تباہ ہو چکی ہے۔
ذریعہ
ذریعہ: Daily Mumtaz
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار