دلجیت دوسانجھ کی نئی فلم کے گانے ’سوہنی لگدی‘ میں ہانیہ عامر کے جلووں کے چرچے
اشاعت کی تاریخ: 25th, June 2025 GMT
پنجابی بھارتی گلوکار و اداکار دلجیت دوسانجھ کی جلد ریلیز ہونے والی فلم ’سردار جی 3‘ کا گانا ’سوہنی لگدی‘ جاری کردیا گیا ہے جس میں پاکستانی اداکارہ ہانیہ عامر جلوے بکھیرتی دکھائی دے رہی ہیں۔
اس گانے کی آفیشل ویڈیو دلجیت دوسانجھ اور ہانیہ عامر نے اپنے آفیشل انسٹاگرام ہینڈلز پر شیئر کی ہیں جو دیکھتے ہیں دیکھتے خوب وائرل ہو رہی ہے۔ مداحوں کو گانے ’سوہنی لگدی‘ میں ہانیہ کی پرفارمنس بےحد پسند آرہی ہے۔
سوشل میڈیا پر یہ گانا ریلیز ہوتے ہی چھا گیا ہے جس کے ہر طرف چرچے ہورہے ہیں اور اس کی وجہ اس گانے میں دکھائی دینے والی ہانیہ اور دلجیت کی کیمسٹری ہے۔
سردار جی 3 کو 27 جون کو بھارت کے علاوہ پاکستان سمیت دنیا کے کئی ممالک میں ریلیز کیا جارہا ہے جبکہ دلجیت دوسانجھ کو اس وجہ سے بھارت میں شدید تنقید کا سامنا بھی کرنا پڑ رہا ہے۔
A post common by Hania Aamir 哈尼亚·阿米尔 (@haniaheheofficial)
TagsShowbiz News Urdu.
ذریعہ: Al Qamar Online
کلیدی لفظ: دلجیت دوسانجھ
پڑھیں:
’سردار جی 3‘ کا ٹریلر ریلیز، ہانیہ عامر کی موجودگی پر مداح نہال
بھارتی پنجابی فلم ’سردار جی 3‘ کا آفیشل ٹریلر یوٹیوب پر ریلیز کردیا گیا ہے، جس میں پاکستانی اداکارہ ہانیہ عامر کو نمایاں طور پر دکھایا گیا ہے۔
اس فلم سے متعلق اطلاعات تھیں کہ پاک بھارت جنگ کے باعث بھارت میں پاکستانی فنکاروں پر پابندی کے بعد ہانیہ کا کردار فلم سے نکال دیا گیا اور فلم کے کچھ مناظر دوبارہ برطانیہ میں شوٹ کیے گئے، تاہم مداحوں کے لیے یہ خوشگوار حیرت کی بات رہی کہ ہانیہ عامر ناصرف فلم میں موجود ہیں بلکہ ٹریلر میں بھی واضح طور پر نظر آ رہی ہیں۔
فلم کی کاسٹ میں معروف پنجابی سپر اسٹار دلجیت دوسانجھ، نیرو باجوا، ہانیہ عامر، ناصر چنیوتی اور دیگر مشہور پنجابی اداکار شامل ہیں۔ فلم کو مکمل طور پر برطانیہ میں شوٹ کیا گیا، جس سے بین الاقوامی معیار اور لوکیشنز کی خوبصورتی کا بھرپور اظہار ہوتا ہے۔
ٹریلر کے منظرعام پر آتے ہی سوشل میڈیا پر مداحوں کی جانب سے خوشی کا اظہار کیا جا رہا ہے۔
ایک مداح نے لکھا کہ اب کہاں گئے وہ لوگ جو کہتے تھے کہ ہانیہ عامر کو فلم سے نکال دیا گیا ہے؟
ایک اور صارف نے لکھا کہ میرے ہمسفر سے لے کر کبھی میں کبھی تم اور اب پنجابی فلم انڈسٹری ہانیہ نے اپنی صلاحیتوں کا لوہا منوا لیا ہے۔
کئی پاکستانی مداحوں نے دلجیت دوسانجھ کے لیے دعائیں کرتے ہوئے کہا کہ پاکستانیوں کے دلوں میں دلجیت کے لیے بےحد عزت اور محبت ہے۔
فلم 27 جون 2025ء کو بین الاقوامی سطح پر ریلیز کی جا رہی ہے اور اس کے ٹریلر نے پہلے ہی شائقین کی توجہ حاصل کر لی ہے، فلم سے توقع کی جا رہی ہے کہ یہ باکس آفس پر شاندار کامیابی حاصل کرے گی۔
Post Views: 5
امریکا: اسٹوڈنٹس ویزا پر عائد پابندی اٹھا لی گئی