پاکستان ریلویز نے 16 مسافر ٹرینوں سے 30 بوگیاں نکال دیں
اشاعت کی تاریخ: 27th, June 2025 GMT
data-id="863a0a8" data-element_type="widget" data-widget_type="theme-post-content.default">
لاہور: پاکستان ریلویز نے ملک بھر میں چلنے والی 16 مسافر ٹرینوں سے مجموعی طور پر 30 بوگیاں کم کر دی ہیں، جس کی وجہ مسافر کوچز کی قلت بتائی گئی ہے۔ ریلوے حکام کے مطابق بوگیوں کی اس کمی کا اطلاق فوری طور پر کر دیا گیا ہے۔
محکمہ ریلویز کی جانب سے جاری کردہ نوٹیفکیشن میں کہا گیا ہے کہ ریلوے کے پاس فی الوقت مسافر کوچز کی دستیابی میں شدید کمی ہے، جس کے پیش نظر بولان میل سمیت مختلف اہم ٹرینوں سے بوگیاں کم کرنے کا فیصلہ کیا گیا ہے۔
جن ٹرینوں کو اس فیصلے سے متاثر کیا گیا ہے ان میں خبیر میل، تیز گام، ہزارہ ایکسپریس، عوام ایکسپریس، کراچی ایکسپریس، ملت ایکسپریس، ذکریا ایکسپریس، فرید ایکسپریس، قراقرم ایکسپریس، سبک رفتار، شاہ حسین ایکسپریس، پاکستان ایکسپریس، اسلام آباد ایکسپریس اور سکھر ایکسپریس شامل ہیں۔
بولان میل جو کوئٹہ سے کراچی کے درمیان چلتی ہے، اس کی بھی تین بوگیاں کم کر دی گئی ہیں، جس کے بعد اب یہ ٹرین 12 کے بجائے 9 بوگیوں کے ساتھ سفر کرے گی۔
یاد رہے کہ وفاقی وزیر ریلوے حنیف عباسی نے 25 مارچ کو کوئٹہ کے دورے کے دوران اعلان کیا تھا کہ بولان میل کو یکم اپریل سے روزانہ کی بنیاد پر چلایا جائے گا، تاہم اب تک اس اعلان پر مکمل عملدرآمد نہیں ہو سکا۔
ریلوے ذرائع کا کہنا ہے کہ موجودہ فیصلے کا مقصد بوگیوں کی دستیابی کو متوازن بنانا ہے تاکہ ٹرینوں کی سروس میں خلل نہ آئے۔ تاہم اس اقدام سے مختلف روٹس پر سفر کرنے والے مسافروں کو مشکلات کا سامنا بھی ہو سکتا ہے۔
.ذریعہ: Jasarat News
کلیدی لفظ: گیا ہے
پڑھیں:
27 ویں ترمیم میں حکومت کو ووٹ دینے پر جے یو آئی نے سینیٹر احمد خان کو نکال دیا
اسلام آباد:27 ویں آئینی ترمیم میں پارٹی پالیسی کے برخلاف حکومت کو ووٹ دینے پر جے یو آئی نے سینیٹر احمد خان کو پارٹی سے نکال دیا۔
ترجمان جے یو آئی کے مطابق جمعیت علمائے اسلام (جے یو آئی) پاکستان نے پارٹی ڈسپلن کی خلاف ورزی کرتے ہوئے 27ویں آئینی ترمیم کے حق میں حکومتی بل کو سپورٹ کرنے پر سینیٹر احمد خان کو پارٹی سے خارج کردیا۔
ترجمان کے مطابق یہ فیصلہ جمعیت علمائے اسلام پاکستان کے پارلیمانی لیڈر سینیٹر مولانا عطاء الرحمٰن اور صوبائی امیر بلوچستان سینیٹر مولانا عبد الواسع کی سفارش پر کیا گیا۔
ترجمان کے مطابق مرکزی جماعت نے فوری طور پر سینیٹر احمد خان کو پارٹی سے خارج کرتے ہوئے کہا ہے کہ وہ فوری طور پر سینیٹ کی نشست سے مستعفی ہوں ورنہ جمعیت علمائے اسلام پاکستان سینیٹ میں ان کی ڈس کوالیفکیشن کے لیے الیکشن کمیشن سے رجوع کرے گی۔
اسلام آباد: جموں کشمیر لبریشن فرنٹ کے چیئرمین یاسمین ملک کی اہلیہ مشال ملک پریس کانفرنس کررہی ہیں