’دی اکانومسٹ‘ نے فیلڈ مارشل سید عاصم منیر کو پاکستان کے عالمی کردار اور سفارتی حکمتِ عملی کا کلیدی معمار قرار دیدیا
اشاعت کی تاریخ: 4th, August 2025 GMT
بین الاقوامی جریدے ’دی اکانومسٹ‘ نے اپنے تازہ شمارے میں فیلڈ مارشل سید عاصم منیر کو پاکستان کے بدلتے عالمی کردار اور نئی سفارتی حکمتِ عملی کا کلیدی معمار قرار دیا ہے۔ مضمون میں فیلڈ مارشل کی قیادت کو سراہتے ہوئے انہیں امریکا اور دیگر عالمی طاقتوں کے ساتھ پاکستان کے تعلقات کو نئی جہت دینے والا قائد کہا گیا ہے۔
جریدے کے مطابق، فیلڈ مارشل کی 18 جون کو امریکی صدر ڈونلڈ ٹرمپ سے وائٹ ہاؤس میں ہونے والی نجی ملاقات جنوبی ایشیا میں ایک نئے سفارتی باب کا آغاز تھی۔ اسی ملاقات کے بعد ٹرمپ انتظامیہ نے بھارت کو مردہ معیشت قرار دے کر اس پر 25 فیصد ٹیرف عائد کیا، جبکہ پاکستان کے لیے صرف 19 فیصد ٹیرف نافذ کیا گیا جو ایک واضح تجارتی ترجیح کی علامت ہے۔
دی اکانومسٹ کا کہنا ہے کہ امریکا، پاکستان کے ساتھ تجارتی معاہدوں، اسلحے کی فراہمی اور انسدادِ دہشتگردی کے تعاون کی بحالی پر کام کر رہا ہے، جو خطے میں امریکی پالیسی میں بڑی تبدیلی کا مظہر ہے۔ مضمون کے مطابق، امریکی دفاعی حلقے پاکستان کی داعش کے خلاف کارروائیوں کا اعتراف کر چکے ہیں اور پاکستان کو بکتر بند گاڑیاں اور نائٹ وژن آلات فراہم کرنے پر غور جاری ہے۔
مزید پڑھیں: بھارتی حمایت یافتہ دہشتگرد پراکسیز کے خلاف فیصلہ کن کارروائی ناگزیر، فیلڈ مارشل جنرل سید عاصم منیر
دی اکانومسٹ کا کہنا ہے کہ فیلڈ مارشل عاصم منیر کی حکمتِ عملی نے پاکستان کو چین، خلیجی ریاستوں اور امریکا کے ساتھ متوازن تعلقات کی راہ پر گامزن کیا ہے۔ ان کے بھارت کے ساتھ سخت مؤقف کے بعد ان کی مقبولیت میں نمایاں اضافہ ہوا ہے۔ رپورٹ میں یہ بھی انکشاف کیا گیا ہے کہ امریکی پالیسی ساز اب بھارت کی تخریبی سرگرمیوں اور داخلی دباؤ کا ازسرنو جائزہ لے رہے ہیں۔
فیلڈ مارشل کی سفارتی کوششوں کے نتیجے میں سرمایہ کار، ٹیکنالوجی کمپنیز اور عالمی سفارت کار براہ راست ان سے رابطے میں ہیں۔ خاص طور پر امریکا کے کرپٹو اور مائننگ سیکٹرز کے سرمایہ کار پاکستان میں دلچسپی رکھتے ہیں۔
دی اکانومسٹ کا یہ مضمون اس امر کی عکاسی کرتا ہے کہ پاکستان اب خطے کا فعال پالیسی ساز اور اسٹرٹیجک پلیئر بن چکا ہے اور اس نئی شناخت کے معمار فیلڈ مارشل سید عاصم منیر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ڈونلڈ ٹرمپ دی اکانومسٹ فیلڈ مارشل سید عاصم منیر وائٹ ہاؤس.ذریعہ: WE News
کلیدی لفظ: امریکی صدر ڈونلڈ ٹرمپ دی اکانومسٹ فیلڈ مارشل سید عاصم منیر وائٹ ہاؤس فیلڈ مارشل سید عاصم منیر دی اکانومسٹ پاکستان کے کے ساتھ
پڑھیں:
پاک فوج بدلتے جنگی ماحول میں فیصلہ کن برتری برقراررکھے گی : فلڈ مارشل
اسلام آباد‘ راولپنڈی (خبر نگار خصوصی + اپنے سٹاف رپورٹر سے) فیلڈ مارشل عاصم منیر نے کہا ہے کہ پاک فوج بدلتے ہوئے جنگی ماحول میں فیصلہ کن برتری برقرار رکھے گی۔ ترجمان آئی ایس پی آر کے مطابق فیلڈ مارشل سید عاصم منیر نے ملتان گیریژن کا دورہ کیا، کور ہیڈکوارٹرز میں فیلڈ مارشل کو فارمیشن کی آپریشنل تیاری اور جاری تربیتی سرگرمیوں سے آگاہ کیا گیا۔ ترجمان آئی ایس پی آر کے مطابق فیلڈ مارشل نے اعلیٰ پیمانے کی تیاری پر اطمینان کا اظہار کیا اور پاکستان آرمی کے قومی خود مختاری اور علاقائی استحکام کے تحفظ کیلئے غیرمتزلزل عزم و ہمت کا اعادہ کیا۔ بعد ازاں فیلڈ مارشل نے دانشوروں اور سول سوسائٹی سے تعارفی سیشن میں شرکت کی جس میں انہوں نے قومی یکجہتی، سول ملٹری ہم آہنگی اور ہائبرڈ خطرات کا مقابلہ کرنے کیلئے پوری قوم کی شراکت داری کی اہمیت اجاگر کی۔ فیلڈ مارشل سید عاصم منیر نے پاکستان آرمی ایوی ایشن میںZ-10ME اٹیک ہیلی کاپٹر کی شمولیت کی تقریب کی صدارت کی، یہ سٹیٹ آف دی آرٹ آل ویدر پلیٹ فارم دن رات کے سٹرائیک آپریشنز میں درست نشانہ لگانے کی خوبیاں رکھتا ہے۔ ترجمان آئی ایس پی آر نے کہا کہ Z-10ME جدید راڈار اور الیکٹرانک وارفیئر سسٹم سے لیس ہے جس سے آرمی کی فضائی اور زمینی خطرات سے نمٹنے کی صلاحیت میں نمایاں اصافہ ہوا ہے۔ ترجمان آئی ایس پی آر کے مطابق بعد ازاں فیلڈ مارشل سید عاصم منیر نے مظفرگڑھ فیلڈ فائرنگ رینج میں Z-10ME اٹیک ہیلی کاپٹرکی فائر پاور کا مظاہرہ دیکھا، اس طاقتور سسٹم کی شمولیت آرمی ایوی ایشن کو جدید بنانے کیلئے ایک اہم سنگ میل ہے جو میدان جنگ میں دشمنوں کو فوری اور فیصلہ کن ردعمل دینے کی صلاحیت کو مزید مضبوط بناتا ہے۔ ترجمان آئی ایس پی آر کے مطابق فوجی جوانوں سے ملاقات میں فیلڈ مارشل سید عاصم منیر نے ان کے غیر معمولی عزم و ہمت، پیشہ ورانہ مہارت اور جنگی قابلیت کو بیحد سراہا۔ انہوں نے مشترکہ جنگی حکمت عملی کے کامیاب عملی مظاہرے کی تعریف کی اور بدلتے ہوئے جنگی حالات میں برتری قائم رکھنے کے فوج کے عزم کو اجاگر کیا۔ قبل ازیں ملتان گیریژن آمد پر کور کمانڈر ملتان نے فیلڈ مارشل سید عاصم منیر کا گرمجوشی سے استقبال کیا۔
بنگالی بولنے والے مسلمانوں کو بندوق کی نوک پر بنگلہ دیش بھیجا جارہا ہے، اسد الدین اویسی