تولیدی اور جنسی صحت کے موضوع پر ہائبرڈ سرٹیفکیٹ کورس کی افتتاحی تقریب
اشاعت کی تاریخ: 7th, August 2025 GMT
تصویر سوشل میڈیا۔
کالج آف فیملی میڈیسن پاکستان (CFMP) نے پاکستان کی پانچ معروف طبی و علمی تنظیموں کے اشتراک سے "تولیدی اور جنسی صحت" کے عنوان سے ایک انقلابی 6 ماہ دورانیے کا ہائبرڈ سرٹیفکیٹ کورس کراچی کے ایک مقامی ہوٹل میں شروع کردیا ہے۔
یہ منفرد تعلیمی اقدام پاکستان اینڈوکرائن سوسائٹی (PES)، پاکستان سوسائٹی آف انٹرنل میڈیسن (PSIM)، ڈایابیٹک ایسوسی ایشن آف پاکستان (DAP)، سوسائٹی آف گائنا کالوجسٹس اینڈ آبسٹیٹریشن آف پاکستان (SOGP)، پرائمری کیئر ڈایابیٹس ایسوسی ایشن (PCDA) اور ہلٹن فارما کے تعاون سے پیش کیا گیا ہے۔
یہ پاکستان میں اپنی نوعیت کا پہلا کورس ہے، جس کا مقصد پرائمری کیئر فزیشنز اور پوسٹ گریجویٹ ڈاکٹروں کی تولیدی و جنسی صحت کے عام مگر حساس مسائل کے حل میں علمی اور عملی صلاحیتوں کو بہتر بنانا ہے۔
کورس کے ڈائریکٹر معروف اینڈوکرائنولوجسٹ پروفیسر ایم زمان شیخ ہیں، جبکہ کالج آف فیملی میڈیسن کی جنرل سیکریٹری ڈاکٹر شہلا نسیم اس پروگرام کی شریک ڈائریکٹر ہیں۔
تقریب کے مہمانِ خصوصی پروفیسر جاوید اکرم (صدر PSIM اور سابق وزیر صحت پنجاب) تھے۔ دیگر مہمانون میں پروفیسر عائشہ شیخ، پروفیسر علی اصغر، پروفیسر سعید مہر، پروفیسر عبدالباسط، پروفیسر شبین ناز مسعود، ڈاکٹر ریاست علی خان اور ڈاکٹر اسماء خان شامل تھے۔
تقریب سے انٹرنیشنل ڈایابیٹیز فیڈریشن کے صدر پروفیسر پیٹر شوارٹز اور تولیدی و جنسی صحت کے عالمی ماہر پروفیسر دیپک جمانی نے بھارت سے آن لائن خطاب کرتے ہوئے اس موضوع کی عالمی اہمیت کو اجاگر کیا۔
یہ کورس مرد و خواتین میں بانجھ پن، حیض کی بے قاعدگیاں، خواتین میں غیر ضروری بالوں کی زیادتی (ہیرسوٹزم)، جنسی طور پر منتقل ہونے والی بیماریاں، دونوں اصناف میں غدودی و جنسی مسائل اور پولی سسٹک اوورین سنڈروم (PCOS) جیسے حساس موضوعات کا سائنسی و عقلی بنیادوں پر احاطہ کرے گا۔
.ذریعہ: Jang News
پڑھیں:
انٹرنیشنل میری ٹائم کانفرنس کی اختتامی تقریب، 76 ارب روپے مالیت کے مفاہمتی یاداشتوں پر دستخط
ایکسپو سینٹر کشمیر مارکی میں چار روزہ بین الاقوامی میری ٹائم کانفرنس(پائیمک) کی اختتامی تقریب کا انعقاد کیا گیا جس میں وفاقی وزیر بحری امور جیند انوار چوہدری بطور مہمان خصوصی شریک ہوئے۔
تفصیلات کے مطابق تقریب میں وائس چیف آف نیول اسٹاف اور کمانڈر کراچی کے علاوہ دیگر نیول افسران بھی شریک ہوئے۔ اختتامی تقریب میں پائیمک میں شریک ملکی وبین الاقوامی اسٹالز ہولڈر کو شیلڈز دی گئیں۔
اس موقع پر کمانڈر کراچی محمد فیصل عباسی نے تقریب سے خطاب کرتے ہوئے کہا کہ پاکستان میری ٹائم ایکسپو اینڈ کانفرنس کا سیکینڈ ایڈیشن بھی بلو اکنامی کی ترقی کیلئے معاون ثابت ہوا ہے۔ پائمک میں آف شور ، فشریز ، میری ٹائم سکیورٹی سمیت دیگر اہم امور پر تبادلہ خیال کیا گیا۔
پائمک میں 37 مفاہمتی یاداشت کے معاہدے ہوئے جن کی مالیت 26 کروڑ 80 لاکھ ڈالر ہے۔ پائمک میں بزنس ٹو بزنس اور بزنس ٹو گورنمنٹ کے ذریعے اہم معاہدے ہوئے اور پاکستان کی بلو اکنامی کو بڑھانے میں عالمی مندوبین نے اعتماد کا اظہار کیا۔
وزیر بحری امور جنید انوار چوہدری کا کہنا تھا کہ پاکستان کا مستقبل سمندر سے جڑا ہے، پائیدار "بلیو گروتھ" معیشت کی نئی سمت ہے۔ سمندر پاکستان کی تجارت اور موسمیاتی لچک کا محور بن رہا ہے جبکہ پائمیک 2025، پاکستان کے میری ٹائم وژن کا عکاس ہے۔
انہوں نے کہا کہ پی این ایس سی کے بیڑے میں دو نئے جہاز شامل کیے گئے اور تین مزید جلد شامل ہوں گے۔ پہلی نجی فیری سروس کا لائسنس جاری کردیا گیا ہے اور پائیدار سمندری سفر کی سمت اہم قدم ہے۔
انہوں نے یہ بھی کہا کہ پاکستان کی بلو اکنامی کے ذریعے اربوں ڈالر کا زرمبادلہ حاصل کیا جاسکتا ہے۔ پاکستان کی بحری تجارت کو 100 ارب ڈالر تک پہنچانے کا عزم ہے۔ پاکستان کی بحری تجارت کی شرح 5 ماہ میں 60 فیصد بڑھی ہے۔
پاکستان میری ٹائم اکیڈمی کو یونیورسٹی کا درجہ دینے کا فیصلہ کرلیا ہے
مارشل آرٹس اسٹار راشد نسیم نے مزید 4 نئےعالمی ریکارڈز بنا ڈالے