لتا کی ساڑھی نہیں تو امیتابھ بچن کا موزہ ہی دیدو؛ بشریٰ انصاری
اشاعت کی تاریخ: 12th, August 2025 GMT
سینئر اداکارہ بشریٰ انصاری ہمیشہ اپنی اداکاری، مزاحیہ انداز اور بے دھڑک بیانات کی وجہ سے خبروں میں رہتی ہیں، لیکن اس بار ان کا ایک مزاحیہ جملہ متنازع بن گیا۔
بشریٰ انصاری اپنی بہن اسماء عباس کے پروگرام ’پنجابی کُڑیاں‘ میں مہمان کے طور پر شریک ہوئیں، جہاں انہوں نے گلوکارہ ملکہ ترنم نورجہاں اور بھارتی لیجنڈ لتا منگیشکر کی تعریف کی۔
بشریٰ انصاری کے بقول میں نے اپنے دوست سُدیش سے کہا کہ میں نورجہاں کی ساڑھی پہن چکی ہوں اب اگر ممکن ہو تو لتا جی کی کوئی پرانی ساڑھی لے آؤ۔
اداکارہ بشریٰ انصاری نے مزید کہا کہ پھر لتا جی دنیا سے چلی گئیں تو میں نے کہا کہ اگر ساڑھی نہیں مل سکتی تو امیتابھ بچن کا موزہ ہی دے دو، جوڑا نہ سہی ایک پاؤں کا موزہ ہی دے دو۔
پروگرام کے دوران اس جملے پر میزبان اور حاضرین ہنسے، لیکن سوشل میڈیا پر یہ طنزیہ انداز مذاق کے بجائے متنازع بات بن گیا۔
جیسے ہی بشریٰ انصاری کا بیان وائرل ہوا، سوشل میڈیا پر تنقید کا سیلاب امڈ آیا۔ کسی نے اس کو ندیدہ پن قرار دیا تو کسی نے خود کو کم تر سمجھنے کی بیماری کہا۔
ایک صارف نے لکھا کہ کیا ہماری شوبز انڈسٹری کسی سے کم ہے جو آپ کسی اور کے خواب دیکھ رہی ہیں۔
ایک اور صارف نے لکھا کہ ابھی ابھی جنگ ختم ہوئی جس میں بھارت کو شکست فاش ہوئی اور ہماری اداکارہ ان کے ہیرو کے گن گا رہی ہیں۔
ایک صارف نے مشورہ دیا کہ اگر آپ کو رول ماڈل بنانا ہی ہے تو بالی ووڈ کے بجائے عظیم مسلمان ہستیوں کو بنائیں۔
تاحال اداکارہ بشریٰ انصاری کی جانب سے ان کمنٹس پر کوئی وضاحت یا ردعمل سامنے نہیں آیا، لیکن امکان ہے کہ سوشل میڈیا پر جاری دباؤ کے بعد وہ اس پر کوئی وضاحت دیں گی۔
.
ذریعہ: Express News
پڑھیں:
بھارتی اداکارہ کا فوجی بھائی یو اے ای میں گرفتار
بھارتی اداکارہ سیلینا جیتلی نے اپنے بھائی، میجر وکرنت کمار جیتلی کے لیے ایک جذباتی اور فکر انگیز پوسٹ شیئر کی ہے۔ ان کے بھائی کو مبینہ طور پر گزشتہ ایک سال سے متحدہ عرب امارات میں حراست میں رکھا گیا ہے۔
انسٹاگرام پر سیلینا نے لکھا، ”میرا ڈمپی، امید ہے تم ٹھیک ہو، امید ہے تم جانتے ہو کہ میں تمہارے ساتھ ایک مضبوط ستون کی طرح کھڑی ہوں، امید ہے تم جانتے ہو کہ میں نے تمہارے لیے ایک بھی رات بغیر آنسو بہائے نہیں گزاری، امید ہے تم جانتے ہو کہ میں ہر چیز قربان کرنے کو تیار ہوں…“
یہ جذباتی پوسٹ اس وقت منظر عام پر آئی ہے جب دہلی ہائی کورٹ نے مرکزی حکومت کو نوٹس جاری کرتے ہوئے کہا کہ چار ہفتوں کے اندر میجر وکرنت کمار جیتلی کے معاملے کی تفصیلی رپورٹ پیش کی جائے۔
خاندان نے حکومت سے مداخلت کی درخواست کی ہے کیونکہ انہیں خدشہ ہے کہ میجر جیتلی ابوظہبی میں مناسب قانونی یا طبی سہولیات کے بغیر حراست میں ہیں۔ سیلینا کے وکیل راگھو ککر کے مطابق، ایک نوڈل افسر مقرر کیا گیا ہے تاکہ درخواست گزار اور ان کے بھائی کے درمیان رابطہ ممکن بنایا جا سکے اور انہیں مؤثر قانونی مدد فراہم کی جا سکے۔
View this post on InstagramA post shared by Celina Jaitly (@celinajaitlyofficial)
سیلینا نے پہلے بھی اپنے انسٹاگرام پیغام میں کہا تھا، ”ایک سال تک میں تمہارے لیے کوشش کرتی رہی۔ اب میں دعا کر رہی ہوں کہ ہماری حکومت تمہارے لیے لڑے اور تمہیں محفوظ واپس لے آئے۔ میں یقین رکھتی ہوں کہ بھارت کی حکومت ہر ممکن کوشش کرے گی تاکہ ایک چوتھی نسل کے فوجی، بیٹے اور پوتے کی حفاظت ہو، جنہیں کمنڈیشن فار گیلینٹری سے نوازا گیا ہے۔“
میجر وکرنت کمار جیتلی اسپیشل فورسز میں خدمات انجام دے چکے ہیں۔ ان کا کیس 4 دسمبر کو دوبارہ سماعت کے لیے پیش کیا جائے گا، جس کی پیروی وکلاء راگھو ککر اور مدھو اگروال کریں گے۔
گوگل کا پاکستان کو ایکسپورٹ ہب کی شکل دینے کی خواہش کا اظہار، وزیر خزانہ