شادی شدہ پروڈیوسر نے کس کام کیلئے مجبور کیا؟ اداکارہ نے شرمناک راز سے پردہ اٹھادیا
اشاعت کی تاریخ: 10th, November 2025 GMT
بھارتی فلمی اداکارہ رینوکا شاہانے نے بھارتی فلم انڈسٹری میں اداکارؤں کے جنسی استحصال کے ایک اور واقعے سے پردہ اٹھادیا۔
زوم ٹی وی کو دیے گئے انٹرویو میں رینوکا نے بتایا کہ ایک مرتبہ ایک ساڑھی بزنس مین ان کے گھر آیا اور ایک حیران کن پیشکش کی، جس میں انہیں نہ صرف برانڈ اینڈورس کرنے کے لیے کہا گیا بلکہ یہ بھی کہا گیا کہ معاوضے کے لیے پروڈیوسر کے ساتھ رہنا ہوگا۔ رینوکا اور ان کی والدہ اس بات پر حیران رہ گئیں اور رینوکا نے یہ پیشکش ٹھکرادی۔
رینوکا نے بتایا کہ اس طرح کے حالات میں خود کو محفوظ رکھنا آسان نہیں ہوتا کیونکہ انکار کرنے پر منصوبوں سے نکالا جا سکتا ہے اور ادائیگی سے محروم بھی کیا جا سکتا ہے۔ انہوں نے کہا یہ لوگ بدلہ لینے آتے ہیں اور دوسروں سے کہتے ہیں کہ آپ کو پروجیکٹ میں نہ لیں۔
رینوکا نے مزید بتایا کہ یہ معاملہ صرف ان کے ساتھ نہیں ہوا، بلکہ معروف اداکاراؤں جیسے رویینا ٹنڈن کو بھی ایسے حالات کا سامنا کرنا پڑا۔ رویینا کو کبھی کبھار فلمی شوٹس کے دوران اپنا کمرہ بدلنا پڑتا تاکہ کوئی ان کی جگہ کا پتہ نہ لگا سکے اور پریشانی پیدا نہ ہو۔
رینوکا نے واضح کیا کہ اس واقعے کی شناخت ظاہر نہیں کی گئی اور اب یہ معاملہ ماضی کا حصہ ہے، تاہم اس سے یہ بات سامنے آتی ہے کہ بھارتی فلمی صنعت میں خواتین کو کام کے دوران غیر اخلاقی دباؤ کا سامنا کرنا پڑتا ہے۔
.ذریعہ: Express News
کلیدی لفظ: رینوکا نے
پڑھیں:
سیلینا جیٹلی کا فوجی بھائی یو اے ای میں گرفتار، بھارتی اداکارہ کا اہم بیان بھی سامنے آگیا
بھارتی اداکارہ سیلینا جیٹلی نے اپنے بھائی میجر (ریٹائرڈ) وکرانت جیٹلی کے لیے جذباتی پوسٹ شیئر کی ہے، جو 2024 سے متحدہ عرب امارات میں حراست میں ہیں۔ پوسٹ میں سیلینا نے لکھا کہ وہ ہر لمحہ اپنے بھائی کے لیے فکر مند ہیں اور انہوں نے اس کے لیے ہر ممکن کوشش کی ہے۔
انسٹاگرام پر ایک پوسٹ میں اداکارہ نے لکھا کہ ’میرا ڈمپی، مجھے امید ہے تم ٹھیک ہو، مجھے امید ہے تم جانتے ہو کہ میں تمہارے لیے ایک پتھر کی طرح کھڑی ہوں، امید ہے تم جانتے ہو کہ میں نے ایک بھی رات تمہارے لیے روئے بغیر نہیں سوئی، امید ہے تم جانتے ہو کہ میں تمہارے لیے سب کچھ قربان کر دوں گی، امید ہے تم جانتے ہو کہ ہمارے درمیان کوئی نہیں آ سکتا، امید ہے تم جانتے ہو کہ میں نے کوئی کوشش نہیں چھوڑی، مجھے امید ہے خدا آخرکار تمہارے اور میرے لیے مہربان ہوگا، میرے بھائی میں تمہارا انتظار کر رہی ہوں‘۔
View this post on Instagram
A post shared by Celina Jaitly (@celinajaitlyofficial)
یہ پوسٹ اس کے چند دن بعد آئی جب دہلی ہائی کورٹ نے مرکزی حکومت کو نوٹس جاری کرتے ہوئے 4 ہفتوں میں میجر وکرانت جیٹلی کی صورتحال پر رپورٹ جمع کروانے کی ہدایت دی۔ اداکارہ نے عدالت سے قانونی اور طبی امداد فراہم کرنے کی درخواست کی تھی۔ ہائی کورٹ نے ایک افسر کی تقرری کی بھی ہدایت دی ہے تاکہ میجر وکرانت جیٹلی کی صورتحال کا جائزہ لیا جا سکے اور انہیں مناسب مدد فراہم کی جا سکے۔
یہ بھی پڑھیں: بھارتی جیلوں میں خطرناک مجرموں کی شراب پارٹیوں نے حکومتی رٹ کا بھرم کھول دیا
سیلینا نے اپنے بھائی کے حوالے سے ایک اور پوسٹ میں کہا تھا کہ وہ حکومت پر اعتماد رکھتی ہیں اور امید کرتی ہیں کہ ان کے بھائی کو محفوظ واپس لایا جائے گا۔ انہوں نے مزید کہا کہ وکرانت جیٹلی ایک چوتھی نسل کے فوجی ہیں، جنہوں نے اپنی پوری جوانی ملک کی خدمت میں گزاری۔
اس معاملے کی مزید سماعت 4 دسمبر کو متوقع ہے۔ سیلینا جیٹلی کی نمائندگی وکلاء راگھو ککر اور ماذو اگروال نے کی۔ وکیل راگھو ککر نے بتایا کہ نودل افسر کی تقرری سے قانونی مدد اور کیس کی صورتحال سے اپ ڈیٹ فراہم کرنے میں مدد ملے گی، اور یہ اقدامات بھارت اور متحدہ عرب امارات کے تعلقات کو بھی مضبوط کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی اداکارہ بھارتی قیدی تو اے ای متحدہ عرب امارات
خود کو بدلنا ہوگا