کوئٹہ سے اندرون ملک ٹرین سروس مزید 3روز کے لیے بند
اشاعت کی تاریخ: 25th, September 2025 GMT
data-id="863a0a8" data-element_type="widget" data-widget_type="theme-post-content.default">
کوئٹہ:۔ صوبائی دار الحکومت کوئٹہ سے اندرون ملک کے لیے ٹرین سروس مزید 3روز کے لیے بند کردی گئی۔ یاد رہے کہ گزشتہ تین روز سے ٹرین سروس ریلوے ٹریک پر دھماکے کے باعث بند ہے۔
مستونگ کے علاقے دشت میں دھماکے کے بعد جعفر ایکسپریس کے پٹڑی سے اترنے کے باعث ایک پُل اور ریلوے ٹریک کو شدید نقصان پہنچا تھا جس کی مرمت میں تین روز لگ سکتے ہیں۔ ڈی ایس ریلوے کوئٹہ ڈویژن عمران حیات نے بتایا کہ کوئٹہ سے اندورن ملک کے لیے ٹرین سروس پہلے ہی 3روز سے معطل ہے۔
انہوں نے بتایا کہ پل کی مرمت کے لیے 2 سے 3 دن کا وقت درکار ہے لیکن ریلوے حکام کی کوشش ہے کم سے کم وقت میں ٹرین سروس بحال کردیں تاکہ لوگوں کو سفر کے لیے درپیش مشکلات سے چھٹکارا مل سکے۔
بلوچستان کے ضلع مستونگ کے علاقے دشت میں 23ستمبر کو پشاور سے کوئٹہ آنے والی جعفر ایکسپریس ٹرین کے ٹریک پر ہونے والے دھماکے کے بعد ٹرین کی چھ بوگیاں پٹڑی سے اتری گئی تھیں اور ٹرین کی ایک بوگی الٹ گئی تھی جس کے نتیجے میں پانچ مسافر معمولی زخمی ہوئے تھے ۔
ذریعہ
ذریعہ: Jasarat News
کلیدی لفظ: کے لیے
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ