ترکیہ میں ریلوے انقلاب: 2026 میں پہلی مقامی ہائی اسپیڈ ٹرین چلانے کا اعلان
اشاعت کی تاریخ: 7th, November 2025 GMT
data-id="863a0a8" data-element_type="widget" data-widget_type="theme-post-content.default">
ترکیہ نے ایک اور شاندار پیش رفت کا اعلان کرتے ہوئے کہا ہے کہ وہ 2026 میں اپنی پہلی مکمل طور پر مقامی طور پر تیار کردہ ہائی اسپیڈ ٹرین متعارف کرانے جا رہا ہے۔
یہ عظیم الشان منصوبہ ترکیہ کی صنعتی ترقی، ٹیکنالوجی میں خود انحصاری اور ریلوے کے شعبے میں جدت کی طرف ایک بڑی علامت سمجھا جا رہا ہے۔ ترکیہ کی حکومت نے اس منصوبے کو اپنے صدارتی سالانہ پروگرام 2026 میں شامل کر کے اسے قومی ترجیح قرار دیا ہے۔
میڈیا رپورٹس کے مطابق ترکیہ کا ہدف ہے کہ وہ آئندہ سال نہ صرف 9 الیکٹرک ٹرینیں متعارف کرائے گا بلکہ اس کے ساتھ ساتھ پہلی ہائی اسپیڈ ٹرین کو بھی پٹڑی پر لائے گا۔ یہ ٹرین مکمل طور پر مقامی ماہرین، انجینئرز اور ترکیہ کی صنعتی استعداد کے تحت تیار کی جا رہی ہے، جس سے ملکی سطح پر تحقیق و ترقی کے شعبے کو بھی نئی تقویت ملے گی۔
مزید تفصیلات میں بتایا گیا ہے کہ اس ہائی اسپیڈ ٹرین کی زیادہ سے زیادہ رفتار 225 کلومیٹر فی گھنٹہ ہوگی، یعنی تقریباً 140 میل فی گھنٹہ۔ یہ رفتار ترکیہ کے ریلوے نظام میں ایک نیا معیار قائم کرے گی اور ملک کے مختلف شہروں کے درمیان سفر کے اوقات میں نمایاں کمی لائے گی۔
حکومت کا کہنا ہے کہ اس منصوبے کا مقصد صرف تیز رفتار سفر فراہم کرنا نہیں بلکہ ملکی معیشت کو مضبوط بناتے ہوئے ٹرانسپورٹ کے جدید دور میں قدم رکھنا ہے۔
اس جدید منصوبے میں مرکزی کردار توراساس نامی کمپنی ادا کررہی ہے، جو ترکیہ کی قومی ریلوے انڈسٹری کا اہم ادارہ ہے۔ اس کمپنی نے صوبہ سیکریا میں ایک جدید ترین فیکٹری قائم کی ہے جہاں ہائی اسپیڈ ٹرینوں کی تیاری جاری ہے۔
یہ فیکٹری تقریباً 15 ہزار مربع میٹر کے رقبے پر پھیلی ہوئی ہے اور سالانہ 12 ٹرینوں کی تیاری کی صلاحیت رکھتی ہے۔ ماہرین کا کہنا ہے کہ اس فیکٹری سے ترکیہ مستقبل میں نہ صرف اپنے لیے ٹرینیں تیار کر سکے گا بلکہ برآمدات کے نئے دروازے بھی کھول سکے گا۔
ترکیہ کے اس اقدام کو خطے میں ریلوے ٹیکنالوجی کے میدان میں ایک بڑا سنگ میل قرار دیا جا رہا ہے۔ ماہرین کے مطابق یہ منصوبہ چین، جاپان اور یورپ کے بعد ترکیہ کو اُن ممالک کی فہرست میں شامل کر دے گا جو اپنی ہائی اسپیڈ ٹرین ٹیکنالوجی خود تیار کرتے ہیں۔
.
ذریعہ
ذریعہ: Jasarat News
کلیدی لفظ: ہائی اسپیڈ ٹرین ترکیہ کی
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ