سندھ حکومت اور کیمبرج کے درمیان سرکاری اسکولوں میں او اور اے لیول متعارف کروانے پر مشاورت
اشاعت کی تاریخ: 25th, September 2025 GMT
وزیر تعلیم سندھ سید سردار علی شاہ سے پاکستان میں کیمبرج اسیسمنٹ انٹرنیشنل ایجوکیشن (CAIE) کی کنٹری ڈائریکٹر عظمیٰ یوسف نے وفد کے ساتھ ملاقات کی۔
اس موقع پر سیکریٹری اسکول ایجوکیشن زاہد علی عباسی سمیت دیگر افسران بھی شریک تھے۔ ملاقات میں سندھ کے تعلیمی ڈھانچے میں بہتری، خصوصاً کریکولم ڈیولپمنٹ، اساتذہ کی تربیت (ٹیچرز ٹریننگ)، فاؤنڈیشنل لرننگ اور اسسمنٹ ریفارمز جیسے شعبوں کے حوالے سے تفصیلی تبادلہ خیال کیا گیا۔
اس مقصد کے لیے ایک جوائنٹ ورکنگ گروپ بنانے پر اتفاق کیا گیا جو مستقبل میں عملی اقدامات اور سفارشات تیار کرے گا۔
وزیر تعلیم سندھ سید سردار علی شاہ نے کہا کہ حکومت سندھ کے سرکاری اسکولوں میں کیمبرج انٹرنیشنل ایگزامینیشنز متعارف کروانے کے لیے سنجیدہ ہے۔
انہوں نے بتایا کہ اس مقصد کے لیے صوبہ کے ہر ضلع کے کم از کم ایک سرکاری اسکول میں او لیول اور اے لیول سطح کے مضامین شروع کیے جائیں گے تاکہ اسکولز کا معیار بہتر کرنے کے ساتھ پسماندہ طبقات کے طلبہ کو جدید اور عالمی معیار کی تعلیم تک رسائی آسان بنائی جائے۔
انہوں نے کہا ہم نہیں چاہتے کہ صلاحیتوں والے بچے صرف وسائل کی کمی کے باعث آگے نہ بڑھ سکیں۔ اس لیے حکومت ان کی مدد کرے گی تاکہ وہ امتحان کی تیاری اور رجسٹریشن کے اخراجات برداشت کر سکیں۔
اس موقع پر کیمبرج کی کنٹری ڈائریکٹر عظمیٰ یوسف نے اپنے خیالات کا اظہار کرتے ہوئے کہا کہ سب سے اہم پہلو اساتذہ کی تربیت ہے۔ ان کے مطابق او لیول پروگرام شروع کرنے کے لیے ارلی چائلڈ ایجوکیشن سے لے کر آٹھویں جماعت تک کئی اصلاحات کی ضرورت کرنی ہوگی تا کہ بچے اس نظام کے لیے ذہنی اور تعلیمی طور پر تیار ہو سکیں۔
انہوں نے یقین دہانی کرائی کہ کیمبرج انٹرنیشنل ایگزامینیشنز سندھ حکومت کو ہر ممکن تعاون اور مشاورت فراہم کرے گا، تاکہ صوبے کے طلبہ عالمی معیار کی تعلیم کے ثمرات حاصل کر سکیں۔
انہوں نے اساتذہ کی تربیت کو سب اہم سسٹینیبل گول سے تعبیر کرتے ہوئے کہا کہ اس کے دیرپا نتائج ملتے ہیں۔ ملاقات میں تعاون کو مزید مستحکم کرنے اور ایک دوسرے کے تجربات سے سیکھنے کے عمل کو جاری رکھنے پر اتفاق کیا گیا۔
.
ذریعہ
ذریعہ: Jang News
پڑھیں:
پنجاب حکومت کا سرکاری ملازمین اور پنشنرز کو جولائی کی ادائیگیاں قبل از وقت کرنے کا فیصلہ
پنجاب حکومت (Punjab Government)نے یکم اور 2 اگست کو ہفتہ اور اتوار کی سرکاری تعطیلات کے پیش نظر صوبے کے سرکاری ملازمین اور پنشنرز کو جولائی کی تنخواہیں، الاؤنسز اور پنشن مقررہ تاریخ سے قبل ادا کرنے کا فیصلہ کر لیا ہے۔
محکمہ خزانہ پنجاب کے مطابق تمام سرکاری ملازمین کو جولائی کی تنخواہیں اور واجب الاؤنسز 31 جولائی کو ادا کیے جائیں گے، جبکہ صوبے کے تمام پنشنرز کو بھی اسی روز جولائی کی پنشن جاری کر دی جائے گی۔
محکمہ خزانہ نے بتایا کہ اس سلسلے میں گورنر پنجاب (Governor of Punjab) نے 31 جولائی کو تنخواہوں، الاؤنسز اور پنشن کی قبل از وقت ادائیگی کی منظوری دے دی ہے تاکہ تعطیلات کے باعث ادائیگی میں کسی قسم کی تاخیر نہ ہو۔
مزیدپڑھیں:دفتری نظم و ضبط کی پابندی کی ہدایت ،نیاسرکلرجاری
فیصلے پر عملدرآمد کے لیے محکمہ خزانہ نے اکاؤنٹنٹ جنرل پنجاب (Accountant General Punjab)، تمام ضلعی ٹریژری دفاتر اور ڈسٹرکٹ اکاؤنٹس افسران کو باضابطہ ہدایات جاری کر دی ہیں۔ اس کے ساتھ متعلقہ بینکوں کو بھی ہدایت کی گئی ہے کہ وہ 31 جولائی کو سرکاری ملازمین کی تنخواہوں اور پنشنرز کی پنشن کی بروقت ادائیگی کے لیے تمام ضروری انتظامات مکمل کریں۔
حکام کے مطابق یکم اور 2 اگست کو ہفتہ اور اتوار کی تعطیلات کے باعث یہ فیصلہ کیا گیا ہے تاکہ سرکاری ملازمین اور پنشنرز کو بروقت ادائیگی یقینی بنائی جا سکے اور انہیں مالی معاملات میں کسی قسم کی دشواری کا سامنا نہ کرنا پڑے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی