پڈعیدن: سیکرٹری صحت کا سول اسپتال نوشہروفیروز کا دورہ، ایمرجنسی وارڈ کا افتتاح کیا
اشاعت کی تاریخ: 8th, November 2025 GMT
data-id="863a0a8" data-element_type="widget" data-widget_type="theme-post-content.default">
پڈعیدن (نمائندہ جسارت) صوبائی سیکریٹری صحت ریحان اقبال بلوچ نے آج سول اسپتال نوشہرو فیروز کا دورہ کیا، جہاں انہوں نے ایمرجنسی وارڈ کی تزئین و آرائش مکمل ہونے کے بعد اس کا باقاعدہ افتتاح کیا۔ اس موقع پر ڈسٹرکٹ ہیلتھ آفیسر ڈاکٹر غلام قادر چانڈیو، سول سرجن ڈاکٹر مبین احمد راجپوت، ریسکیو 1122 کی ضلعی انچارج سمیت دیگر افسران بھی موجود تھے۔صوبائی سیکریٹری نے ایمرجنسی وارڈ کے مختلف حصوں کا معائنہ کیا اور انتظامیہ کی جانب سے کیے گئے اقدامات کو سراہا۔ بعد ازاں انہوں نے ایمرجنسی، سی سی یو، آؤٹ ڈور، آنکھوں کے وارڈ، جنرل وارڈ، بچوں کے وارڈ اور ڈائلاسز سینٹر کا تفصیلی دورہ کیا۔اس موقع پر ریحان اقبال بلوچ نے اسپتال انتظامیہ کو ہدایت دی کہ صفائی ستھرائی کے نظام کو مزید بہتر بنایا جائے اور مریضوں کو سرکاری سطح پر ادویات کی فراہمی ہر صورت یقینی بنائی جائے۔میڈیا سے بات کرتے ہوئے صوبائی سیکریٹری صحت نے کہا کہ سول اسپتال نوشہرو فیروز کو ابھی تک ڈسٹرکٹ ہاسپیٹل کا درجہ نہیں مل سکا ہے، جس کے باعث انتظامی اور فنی مشکلات کا سامنا ہے۔ انہوں نے بتایا کہ کئی ڈاکٹرز ایڈوانس کورسز کے لیے مختلف شہروں میں مصروف عمل ہیں، جن کے باعث ڈاکٹروں کی عارضی کمی پیدا ہوئی ہے، تاہم جلد نئے ڈاکٹرز کی بھرتی سے یہ کمی دور کر لی جائے گی۔ایک سوال کے جواب میں ریحان اقبال بلوچ نے میڈیا نمائندوں سے اپیل کی کہ وہ جعلی ڈاکٹروں کی نشاندہی کریں تاکہ ہیلتھ کیئر کمیشن کے ذریعے ان کے خلاف مؤثر کارروائی عمل میں لائی جا سکے۔
ذریعہ
ذریعہ: Jasarat News
پڑھیں:
بلوچستان کے عوام کی قربانیوں کو ہمیشہ یاد رکھا جائے گا:شہباز شریف
ویب ڈیسک :وزیراعظم شہباز شریف نے کہا کہ بلوچستان کے لوگوں کی قربانیاں رائیگاں نہیں جائیں گی، بلوچستا ن میں بسنے والے بلوچوں اور پشتونوں نے قیام پاکستان میں کلیدی کردار ادا کیا۔
وزیراعظم شہباز شریف نے بلوچستان نیشنل ورکشاپ کے شرکا سے خطاب کرتے ہوئے کہا ہے کہ بلوچستان جغرافیائی لحاظ سے پاکستان کا سب سے بڑا صوبہ ہے، جبکہ اسلام آباد چاروں صوبوں کا مشترکہ مسکن ہے۔
انہوں نے کہا کہ بلوچستان میں بسنے والے بلوچوں اور پشتونوں نے قیامِ پاکستان میں کلیدی کردار ادا کیا، وزیراعظم کے مطابق قومی مالیاتی کمیشن (این ایف سی) ایوارڈ کے تحت پنجاب نے بلوچستان کے لیے 150 ارب روپے کا حصہ دیا، جبکہ دیگر تین صوبوں نے بھی بلوچستان کے مفاد میں اپنا حصہ ڈالا، یہ کسی پر احسان نہیں بلکہ قومی بھائی چارے اور یکجہتی کی مثال ہے۔
اوپن مارکیٹ میں مہنگائی برقرار، آٹا، گھی اور دالیں مہنگی
شہباز شریف نے بتایا کہ کراچی سے چمن تک دو رویہ شاہراہ کی تعمیر جاری ہے اور بلوچستان کے 27 ہزار ٹیوب ویلز کو سولر توانائی پر منتقل کیا جا چکا ہے تاکہ صوبے میں زرعی اور توانائی کے شعبوں کو مزید مستحکم بنایا جا سکے۔
وزیراعظم نے اس عزم کا اظہار کیا کہ بلوچستان کے عوام کی قربانیاں ہرگز رائیگاں نہیں جائیں گی، انہوں نے کہا کہ دہشت گردی کے خلاف جنگ میں پاکستان نے بے مثال قربانیاں دی ہیں اور اس جنگ میں 90 ہزار پاکستانی شہید ہوئے۔
پنجاب میں ترقیاتی منصوبوں کی منظوری کے لیے نئی گائیڈ لائنز جاری
بھارت سے جنگ اور افغانستان میں کارروائی خارج ازامکان نہیں، وزیردفاع