وزیراعلیٰ نے طلبہ کی ڈیجیٹل حاضری کے نظام کا افتتاح کردیا
اشاعت کی تاریخ: 7th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) وزیرِ اعلیٰ سندھ سید مراد علی شاہ نے جمعرات کے روز ’’اسٹوڈنٹ اٹینڈنس مانیٹرنگ اینڈ ریڈریس سسٹم‘‘ (ایس اے ایم آر ایس) کا افتتاح کیا جسے انہوں نے ’’ایک انقلابی تبدیلی لانے والا اور قومی سطح پر قابلِ تقلید ماڈل‘‘ قرار دیا جو تعلیم میں اصلاحات کے مرکز میں ٹیکنالوجی اور شواہد پر مبنی منصوبہ بندی کو رکھتا ہے۔ مقامی ہوٹل میں صوبائی سطح کی افتتاحی تقریب سے خطاب کرتے ہوئے وزیرِ اعلیٰ نے کہا کہ ایس اے ایم آر ایس پہلی مرتبہ سندھ یا پاکستان کے کسی بھی صوبے میں متعارف کرایا گیا ایسا جامع ڈیجیٹل نظام ہے جو طلبہ کی حاضری، اسکول کے بنیادی ڈھانچے، اساتذہ کی کارکردگی اور تعلیمی نتائج کو باہم جوڑتا ہے۔ مراد علی شاہ نے کہا کہ یہ صرف ایک مانیٹرنگ ٹول نہیں ہے بلکہ ایک ایسا نظام ہے جو ہمیں مفروضوں کے بجائے اعداد و شمار پر مبنی فیصلے کرنے کے قابل بناتا ہے۔ یہ ہمیں ہمارے بچوں کے مسائل کی واضح شناخت اور فوری و مؤثر ردِعمل کی صلاحیت فراہم کرتا ہے۔ وزیرِ اعلیٰ نے زور دیا کہ ایس اے ایم آر ایس پہلے ہی 12 اضلاع کے 600 اسکولوں میں فعال ہو چکا ہے جبکہ یونیسیف کی معاونت سے شروع کردہ ایک منصوبے کے تحت مزید چار اضلاع میں اس کا دائرہ کار بڑھایا جا رہا ہے۔ انہوں نے کہا کہ یہ نظام صرف غیر حاضری کی نگرانی کے لیے نہیں بلکہ طلبہ کے اسکول چھوڑنے کے خطرات کی پیش گوئی، ضروری اقدامات کی تجویز اور مجموعی اسکول نظم و نسق کو بہتر بنانے کے لیے تیار کیا گیا ہے۔انہوں نے کہا کہ ایس اے ایم آر ایس ایک ایسا ماڈل ہے جسے پورا پاکستان اپنا سکتا ہے۔ ہم اسے ایک نئی پالیسی کے ذریعے ادارہ جاتی شکل دے رہے ہیں تاکہ اس کی پائیداری، ملکیت اور سندھ کے تعلیمی نظمِ حکمرانی کے فریم ورک میں اس کے انضمام کو یقینی بنایا جا سکے۔
ذریعہ: Jasarat News
کلیدی لفظ: ایس اے ایم ا ر ایس نے کہا کہ
پڑھیں:
کیمبرج کی جانب سے سندھ اور بلوچستان کے طلبہ کیلئے کیمبرج لرنر ایوارڈز کا اعلان
کیمبرج نے سندھ اور بلوچستان کے طلبہ کے لیے کیمبرج لرنر ایوارڈز کا اعلان کر دیا ہے، جس کی تقریب بدھ کو کراچی میں ہوئی جس کے مہمان خصوصی صوبائی وزیر تعلیم سردار علی شاہ تھے۔
تقریب میں سندھ اور بلوچستان میں 106 سے زائد طلبہ کو غیر معمولی کارکردگی پر 120 ایوارڈز دیے گئے۔ کیمبرج آئی جی سی ایس ای، او لیول اور انٹرنیشنل اے ایس اینڈ اے لیول کے امتحانات میں دنیا میں سب سے زیادہ نمبر حاصل کرنے والے 26 طلبہ اور سندھ میں سب سے زیادہ نمبر حاصل کرنے والے 53 طلباء کو بھی اعزازت سے نوازا گیا۔
اس سال پاکستان بھر سے 317 طلباء نے غیر معمولی کارکردگی پر 355 ایوارڈز حاصل کیے۔ کیمبرج آئی جی سی ایس ای، او لیول اور انٹرنیشنل اے ایس اینڈ اے لیول کے امتحانات میں 83 طلبہ کے ساتھ عالمی ایوارڈز میں سرفہرست رہا، 63 نے ٹاپ ان کنٹری ایوارڈز اور 11 ے ہائی اچیومنٹ ایوارڈز حاصل کیے۔
دنیا بھر میں سب سے زیادہ نمبر حاصل کرنے والے سندھ اور بلوچستان کے 26 طلبہ میں جعفر پبلک سکول کے عون محمد اسد ایڈیشنل میتھ (اضافی ریاضی)، جنریشن اسکول کے محمد آیان ندیم ایڈیشنل میتھ (اضافی ریاضی)، کراچی گرامر اسکول کے عبداللہ صدیق معاشیات، جنریشن اسکول کی روشن مہناز انگریزی زبان، جب کہ ہیپی ہوم اسکول کی ایلسا عرفان، بیکن ہاؤس اسکول سسٹم کی ایمن، کراچی گرامر اسکول کی فارس احمد جمالی، فاؤنڈیشن پبلک سکول او لیولز کے حسام بن طارق، بیکن ہاؤس اسکول سسٹم کے مہد خلیل، فروبل ایجوکیشن سینٹر کے محمد سلمان، سینٹ مائیکل کانوینٹ اسکول کے محمد ایاز کاشف شامل ہیں۔
جنریشن اسکول کے محمد آیان ندیم، بیکن ہاؤس اسکول سسٹم کے محمد طلحہ طارق، کراچی گرامر اسکول کی ثنا نینسی، ہیپی ہوم او لیول اسکول کے سید محمد ہاشمی نے ریاضی کے نصاب ڈی میں، ڈیلسول دی ا سکول کے ہمدان محمد نے طبعیات، بیکن ہاؤس اسکول سسٹم کے ابراہیم طلال طبعیات، دی سیڈر اسکول PECHS کیمپس کی زویا اسفان نے انٹرپرائز، بے ویو اکیڈمی (کلفٹن کیمپس) کے ابصار احمد، دی لرننگ ٹری کی عنایہ شہزاد، بے ویو ہائی اسکول کے عبدالصمد، نکسر اسکول کی وریشہ فیصل اور بیکن ہاؤس اسکول کی زویا شیخ ریاضی (بغیر نصاب کے)، بیکن ہاؤس اسکول کی نور فاطمہ مطالعہ پاکستان، کراچی گرامر اسکول کی شانزے احمد اور نکسر کالج کی زارا عنایت نے عمرانیات کے مضمون میں ٹاپ کیا۔
مارشل آرٹس اسٹار راشد نسیم نے مزید 4 نئےعالمی ریکارڈز بنا ڈالے