خورشید شاہ کیخلاف کرپشن کیس ایف آئی اے کو منتقل کرنیکا فیصلہ
اشاعت کی تاریخ: 8th, November 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت)سکھر کی احتساب نے خورشید شاہ، اویس شاہ سمیت 18 ملزمان کے خلاف کرپشن ریفرنس نیب سے ایف آئی اے منتقل کرنے کا فیصلہ دیا ھے ، احتساب عدالت نے پاکستان پیپلز پارٹی کے مرکزی رہنما سید خورشید احمد شاہ، ان کے داماد و اسپیکر سندھ اسمبلی سید اویس قادر شاہ، بیٹوں، اہلِ خانہ اور دیگر کے خلاف دائر کرپشن کیس کا محفوظ فیصلہ سنا دیا۔ عدالت نے فیصلہ سناتے ہوئے یہ ریفرنس نیب کے دائرہ اختیار سے باہر قرار دیتے ہوئے ایف آئی اے کے حوالے کرنے کا حکم دے دیا۔فیصلہ احتساب عدالت سکھر کے جج غلام یاسین کولاچی نے سنایا۔ سماعت کے دوران خورشید شاہ کے صاحبزادے سید زیرک شاہ اپنے وکلاء کے ہمراہ عدالت میں موجود تھے۔ عدالت نے گذشتہ سماعت پر فیصلہ محفوظ کیا تھا جو آج سنایا گیا۔ عدالت نے کہا کہ نئے احتساب قانون کے تحت یہ ریفرنس اب نیب کے دائرہ کار میں نہیں آتا، لہٰذا اسے ایف آئی اے کے حوالے کیا جائے۔یہ ریفرنس تقریباً پانچ سال دس ماہ قبل نیب کی جانب سے دائر کیا گیا تھا۔ نیب نے الزام عائد کیا تھا کہ سید خورشید احمد شاہ اور دیگر نے اپنے عہدوں کا ناجائز فائدہ اٹھاتے ہوئے ایک ارب 23 کروڑ روپے مالیت کے اثاثے بنائے۔ تاھم نیب نے عدالت میں 19 کروڑ روپیاثاثہ جات کا حتمی چالان پیش کیا۔نیب کے مطابق جن جائیدادوں کی قیمت ایک ارب 23 کروڑ بتائی گئی تھی وہ دراصل 30 سے 40 سال قبل خریدی گئی تھیں، اور اس وقت ان کی مالیت تقریباً انیس کروڑ روپے تھی۔ اس بنیاد پر نیب نے عدالت سے مؤقف اختیار کیا کہ نئے احتساب قانون کے تحت یہ کیس نیب کے دائرہ اختیار میں نہیں آتا۔عدالت نے نیب کی اسی استدعا کی روشنی میں آج فیصلہ سناتے ہوئے ریفرنس کو نیب کے بجائے ایف آئی اے کو منتقل کرنے کا حکم دیا۔
ذریعہ
ذریعہ: Jasarat News
کلیدی لفظ: ایف ا ئی اے عدالت نے نیب کے
پڑھیں:
چینی شہریوں کی سیکیورٹی کیلیے بلٹ پروف لینڈ کروزر خریدنے کا فیصلہ
اسلام آباد:حکومت نے چینی شہریوں کی سیکیورٹی کو مزید موثر بنانے کے لیے 95.049 ملین روپے (تقریباً 9 کروڑ 50 لاکھ روپے) مالیت کی نئی بلٹ پروف ٹویوٹا لینڈ کروزر خریدنے کا فیصلہ کیا ہے۔
یہ گاڑی چین پاکستان اقتصادی راہداری (سی پیک) سیکریٹریٹ کے استعمال کے لیے حاصل کی جائے گی تاکہ چینی وفود اور ماہرین کو محفوظ سفری سہولت فراہم کی جا سکے۔
وفاقی وزیر برائے منصوبہ بندی احسن اقبال کے مطابق چینی شہریوں کا تحفظ حکومتِ پاکستان کی اولین ذمے داری ہے اسی مقصد کے تحت یہ گاڑی خریدی جا رہی ہے۔
سرکاری دستاویزات کے مطابق یہ نئی لینڈ کروزر پہلے سے موجود بلٹ پروف گاڑیوں اور کم از کم 2ہیلی کاپٹروں کے علاوہ ہوگی، جنھیں مختلف سرکاری ادارے چینی شہریوں کی حفاظت کے لیے استعمال کر رہے ہیں یا خریدنے کے عمل میں ہیں۔
سی پیک سیکریٹریٹ نے موقف اختیار کیا کہ کابینہ ڈویژن کے محدود گاڑیوں کے بیڑے کے باعث مطلوبہ وقت پر بلٹ پروف گاڑیاں دستیاب نہیں ہوتیں، جس سے اہم سرکاری ملاقاتوں، غیر ملکی وفود کے دوروں اور اجلاسوں میں تاخیر یا بعض اوقات منسوخی کی نوبت آ جاتی ہے۔
دستاویزات کے مطابق نجی مارکیٹ سے کرائے پر بلٹ پروف گاڑیاں لینا نہ صرف غیر یقینی بلکہ انتہائی مہنگا بھی ثابت ہوتا ہے، جس سے قومی خزانے پر اضافی بوجھ پڑتا ہے۔حکومت نے پبلک پروکیورمنٹ ریگولیٹری اتھارٹی (PPRA) کے رول 42(c)(vii) کے تحت براہِ راست معاہدے کے ذریعے گاڑی خریدنے کا فیصلہ کیا ہے۔
3 ٹویوٹا ڈیلرز نے قیمتیں پیش کیں، جن میں،ٹویوٹا سینٹرل موٹرز: 95.049 ملین روپے،ٹویوٹا پورٹ قاسم: 95.25 ملین روپے،ٹویوٹا سوسائٹی: 95.45 ملین روپے ہے،حکومت نے سب سے کم بولی دینے والی ٹویوٹا سینٹرل موٹرز کی پیشکش منظور کر لی۔
سی پیک سیکریٹریٹ کے پاس گاڑی کی خریداری کے لیے مطلوبہ رقم موجود نہیں تھی، جس پر وزارتِ منصوبہ بندی نے مختلف منصوبوں سے 5 کروڑ 83 لاکھ روپے منتقل کرنے کا فیصلہ کیا۔
تاہم مالی سال کے اختتام تک ضروری منظوری نہ ملنے کے باعث آرڈر جاری نہ ہو سکا۔
وزارت نے یہ رقم مختلف منصوبوں سے فراہم کرنے کا انتظام کیا، جن میں،سینٹر فار ایکسی لینس برائے سی پیک سے 1 کروڑ 88 لاکھ روپیوفاقی ایس ڈی جیز پروگرام سے 91 لاکھ روپے،مانیٹرنگ اینڈ ایویلیوایشن منصوبے سے 1 کروڑ 10 لاکھ روپے،پالیسی ریسرچ گرانٹس پروگرام سے 1 کروڑ 60 لاکھ روپے ہے ،ان میں 62 لاکھ روپے وہ بھی شامل تھے جو کنٹریکٹ ملازمین کی ادائیگی کے لیے مختص تھے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار