بدین:تاج محمد ملاح کے معاون خصوصی اور دوستوں کیخلاف مقدمہ
اشاعت کی تاریخ: 10th, January 2025 GMT
بدین (نمائندہ جسارت) محکمہ تعلیم کے ملازم ایم پی اے تاج محمد ملاح کے معاون خصوصی غلام رسول ملاح اور ان کے 3 دوستوں کے خلاف تھانہ میرپور خاص میں اغوا اور زیادتی کا مقدمہ درج کر لیا گیا ہے۔ نوکوٹ کے رہائشی نور احمد میندھرو کے بیٹے نے تھانہ میرپور خاص میں درج کرائی گئی ایف آئی آر پر کہا کہ اپنے والد کے ساتھ دوائی لینے نوکوٹ شہر جا رہی تھی کہ راستے میں موٹر سائیکل اور کار سے 4 افراد نیچے آگئے جن میں غلام رسول ملاح، سرکاری ہیڈ ماسٹر، نور محمد ملاح اور بشیر ملاح شامل تھے، جو بدین کے علاقے سیرانی کے رہائشی تھے، مجھے گاڑی میں بٹھا کر لے گئے اور بدین کے ایک ایسے مقام پر قید کر دیا جہاں بشیر ملاح مجھ سے زنا کرتا تھا، 12 نومبر کو اپنی جان بچا کر نکل گئی اور اپنے عزیز محبوب علی میندھرو کے پاس پہنچی جہاں میں نے پوری حقیقت بتائی۔ اس کے بعد میں نے سیشن جج کی عدالت میں مذکورہ ملزمان کے خلاف مقدمہ درج کرنے کی درخواست کی، عدالت نے ملزمان کے خلاف مقدمہ درج کرنے کا حکم دیا جس کے بعد میرپورخاص پولیس نے مذکورہ ملزمان کے خلاف مقدمہ درج کر کے ان کی گرفتاری کے لیے چھاپے مارے، تاہم کوئی گرفتاری عمل میں نہ آئی۔
.ذریعہ: Jasarat News
کلیدی لفظ: خلاف مقدمہ کے خلاف
پڑھیں:
طلباء کے مقابلے میں اساتذہ کی تعداد زیادہ ضلعی افسر سے وضاحت طلب
data-id="863a0a8" data-element_type="widget" data-widget_type="theme-post-content.default">
251103-2-15
بدین (نمائندہ جسارت)طلباء کے مقابلے میں اساتذہ کی غیر متناسب تعداد ، ضلعی تعلیم افسر سے وضاحت طلب۔سیکریٹری اسکول ایجوکیشن اینڈ لٹریسی ڈیپارٹمنٹ سندھ کی جانب سے ضلعی تعلیم افسر (سیکنڈری و ہائی اسکولز) بدین احمد خان زئنور سے وضاحت طلب کی گئی ہے محکمے کی جانب سے جاری کردہ خط میں کہا گیا ہے کہ گورنمنٹ گرلز لوئر سیکنڈری اسکول احمد نوح سومرو، بدین میں صرف 90 طالبات داخل ہیں، جب کہ اس اسکول میں 18 اساتذہ تعینات ہیں، جو اسکول ایجوکیشن ڈیپارٹمنٹ کی ایس ٹی آر (اسٹوڈنٹ-ٹیچر ریشو) پالیسی کی کھلی خلاف ورزی ہے خط میں مزید کہا گیا ہے کہ پالیسی کے تحت سندھ بھر میں 10 ہزار سے زائد اساتذہ کو ایک اسکول سے دوسرے اسکول میں منتقل کیا گیا تاکہ طلباء اور اساتذہ کا تناسب متوازن رکھا جا سکے، لیکن ضلعی تعلیم افسر بدین کی جانب سے اضافی اساتذہ کی منتقلی کے لیے کوئی تجویز کمیٹی کو پیش نہیں کی گئی نوٹس میں یہ بھی کہا گیا ہے کہ ضلعی سطح پر گریوینس کمیٹی میں بھی اس صورتحال کی درستگی کے لیے موقع دیا گیا، لیکن اساتذہ کی منتقلی کے لیے کوئی تجویز نہیں دی گئی، جو محکمے کی پالیسی اور قواعد کی خلاف ورزی اور غفلت کی علامت ہے، جو کہ بدانتظامی کے زمرے میں آتی ہے سیکریٹری آفس کراچی کی جانب سے جاری کردہ خط میں ضلعی تعلیم افسر کو تین دن کے اندر تحریری وضاحت پیش کرنے کی ہدایت کی گئی ہے، بصورت دیگر ان کے خلاف ای اینڈ ڈی رولز کے تحت کارروائی شروع کی جائے گی یاد رہے کہ ایسی صورتحال بدین کے کئی اسکولوں میں پائی جاتی ہے، جہاں طلباء کم مگر سفارش یا بھاری رشوت کے عوض اساتذہ زیادہ مقرر کیے گئے ہیں۔تازہ مثال بدین شہر کے گورنمنٹ بوائز لوئر سیکنڈری اسکول بیراج کالونی (سیمز کوڈ 401010891) کی ہے، جہاں ضرورت سے زیادہ اساتذہ تعینات کیے گئے ہیں میڈیا پر خبریں نشر ہونے کے باوجود محکمہ تعلیم کے کان پر جوں تک نہیں رینگی۔ دوسری جانب، پابندی سے ڈیوٹی کرنے والے اساتذہ کو مختلف بہانوں سے ہراساں بھی کیا جا رہا ہے محکمہ تعلیم بدین بدعنوانی، اقربا پروری اور ناانصافیوں کی داستانوں سے بھرا ہوا ہے شہر کے مشہور بوائز ہائی اسکول بدین میں، جہاں گریڈ 20 کے 4، گریڈ 19 کے 6 اور گریڈ 18 و 17 کے متعدد اساتذہ موجود ہیں، وہاں گریڈ 16 کی ایچ ایس ٹی شہنیلا احمد میمن کو اسکول کا ہیڈ مقرر کیا گیا ہے، جس پر شہریوں نے شدید تشویش کا اظہار کیا ہے ۔
کراچی، نادرن بائی پاس پر پلاسٹک کے گودام میں آگ لگ گئی