کراچی، نادرن بائی پاس پر پلاسٹک کے گودام میں آگ لگ گئی
اشاعت کی تاریخ: 30th, October 2025 GMT
کراچی میں نادرن بائی پاس کے قریب پلاسٹک کے گودام میں آگ لگ گئی، 7 فائر ٹینڈرز اور واٹر باوزر آگ بجھانے کی کوششوں میں مصروف ہیں۔
فائر بریگیڈ حکام کے مطابق گودام وسیع رقبے پر پھیلا ہوا ہے اس لیے یہ نہیں بتایا جاسکتا کہ آگ پر قابو پانے میں مزید کتنا وقت درکار ہوگا۔
حکام کا کہنا ہے کہ خوش قسمتی سے آگ کے سبب کسی قسم کے جانی نقصان کی اطلاع نہیں ہے۔
.ذریعہ: Daily Mumtaz
پڑھیں:
نیب نے 2 سال 7 ماہ میں کتنے ہزار ارب کی ریکوری کی؟
قومی احتساب بیورو (نیب) نے 2 سال 7 ماہ میں 8 ہزار 397 ارب کی ریکوری کی ہے۔
اسلام آباد میں نیب حکام نے 2 سال 7 ماہ کی کارکردگی پر میڈیا کو بریفنگ دے دی، چیئرمین لیفٹیننٹ جنرل ریٹائرڈ نذیر احمد بٹ نے کہا کہ اصلاحات سے کارکردگی میں نمایاں بہتری آئی ہے۔
نیب حکام کے مطابق نیب کو مکمل طور پیپرلیس کردیا گیا ہے، تمام ریکارڈ ڈیجیٹل ہے، ادارے میں آر ٹیفیشل انٹیلی جنس (اے آئی) اپیلی کیشنز کا استعمال شروع کردیا گیا ہے۔
حکام کے مطابق بینک اکاؤنٹس کی چھان بین میں پہلے ڈیڑھ سال تک لگ جاتے تھے لیکن اب وہی کام ڈھائی منٹ میں ہوجاتا ہے۔
نیب حکام کے مطابق نیب نے 2 سال 7 ماہ میں 8 ہزار 397 ارب روپے کی ریکوری کی جبکہ قیام سے 2023ء تک ادارے نے صرف 883 ارب ریکور کیے تھے۔
حکام کے مطابق واپڈا، ریلوے، بورڈ آف ریونیو کی زمینیں واگزار کرائی ہیں، سندھ حکومت کو 30 لاکھ 92 ہزار ایکڑ زمین ریکور کرکے دی۔
نیب حکام کے مطابق سندھ میں نیشنل ہائی وے کی 1228 ایکڑ اراضی سرکار کے نام منتقل کرائی، حیدر آباد کراچی موٹروے کی جو زمینیں خریدی گئیں، وہ سرکار کے نام نہیں تھیں۔
حکام کے مطابق اسلام آباد سیکٹر ای الیون میں 29 ارب کی اراضی کیپٹل ڈیولپمنٹ اتھارٹی(سی ڈی اے) کے سپرد کی۔
نیب حکام کے مطابق کوہستان اسکینڈل میں 25 ارب کی ریکوری ہو چکی، باقی کا عمل جاری ہے، بی آر ٹی خیبر پختونخوا پر چینی کمپنی کا کیس طے کرا کے 168 ارب جرمانے سے بچایا۔
امریکی نائب صدر نے اسرائیلی پارلیمنٹ کے فیصلے کو احمقانہ قرار دیدیا