پاکستان کے تمام علاقے دہشت گردوں سے مکمل طور پر پاک کیے جائیں گے؛ آرمی چیف
اشاعت کی تاریخ: 30th, October 2025 GMT
سٹی 42 : آرمی چیف (فیلڈ مارشل) سید عاصم منیر نے پشاور کا دورہ کیا، جس کے اُنہوں نے قبائلی عمائدین سے ملاقات کی۔
پشاور آمد پر فیلڈ مارشل سید عاصم منیر کا استقبال کمانڈر پشاور کور نے کیا۔ دورے کے دوران 11 کور ہیڈکوارٹرز میں آرمی چیف کو سیکیورٹی صورت حال پر بریفنگ دی گئی۔ اسکے علاوہ آرمی چیف کو سرحدی علاقوں کی صورتحال، آپریشنل تیاری اور انسدادِ دہشت گردی کی کارروائیوں پر تفصیلی بریفنگ دی گئی۔
وزیراعظم شہباز شریف سے وزیر داخلہ محسن نقوی کی ملاقات
سید عاصم منیر نے قبائلی عوام کی بہادری، قربانیوں اور دہشت گردی کے خلاف غیر مشروط تعاون کو زبردست خراجِ تحسین پیش کیا۔ انہوں نے کہا کہ قبائلی عمائدین نے پاکستانی افواج کے ساتھ بھرپور یکجہتی کا اظہار کیا اور افغان طالبان کی زیادتیوں کے خلاف بھی کھل کر بات کی۔
آرمی چیف نے کہا کہ پاکستان تمام ہمسایوں سے امن چاہتا ہے مگر افغان سرزمین سے دہشت گردی برداشت نہیں کرے گا۔ پاکستان نے تعلقات بہتر بنانے کے لیے افغان حکومت کو بارہا سفارتی و معاشی تعاون کی پیشکش کی۔ انہوں نے کہاکہ افغان طالبان حکومت بھارتی حمایت یافتہ دہشت گرد گروہوں فتنہ الخوارج اور فتنہ الہندستان کی پشت پناہی کر رہی ہے۔ خیبر پختونخوا اور پاکستان کے تمام علاقے دہشت گردوں اور ان کے سہولت کاروں سے مکمل طور پر پاک کیے جائیں گے۔
چارکروڑانسانوں کےکھانےکی امدادبند؛ سپرپاورکی گلیوں میں کہرام کا آغاز
قبائلی عمائدین نے آرمی چیف کے دوٹوک مؤقف کو سراہا اور کہا کہ فتنہ الخوارج کی گمراہ کن سوچ کو قبائل میں کوئی پذیرائی نہیں۔
سورس : آئی ایس پی آر
.ذریعہ: City 42
پڑھیں:
خاران میں آج کامیاب آپریشن میں تین دہشت گردوں کو گرفتار کیا گیا، حمزہ شفقات
ایڈیشنل سیکریٹری داخلہ بلوچستان حمزہ شفقات کا کہنا ہے کہ خاران میں آج کامیاب آپریشن میں 3 دہشت گردوں کو گرفتار کیا گیا ہے۔
ایڈیشنل چیف سیکریٹری داخلہ اور ڈی آئی جی سی ٹی ڈی بلوچستان نے کوئٹہ میں نیوز کانفرنس کرتے ہوئے بتایا کہ دہشت گرد ایس ایچ او سٹی خاران کے قتل میں ملوث ہیں۔
ڈی آئی جی سی ٹی ڈی بلوچستان نے کہا کہ تینوں دہشت گردوں کو عدالت میں پیش کیا جائے گا، ایس ایچ او سٹی خاران ان دہشت گردوں کے خلاف کارروائی کر رہے تھے۔
ایڈیشنل چیف سیکرٹری داخلہ نے کہا کہ بلوچستان میں 700 دہشت گردوں کو ہلاک کیا گیا، بلوچستان میں خفیہ اطلاعات پر 78 ہزار آپریشن کیے گئے، خاران میں آج کامیاب آپریشن میں 3 دہشت گرد گرفتار کیے گئے، صوبائی حکومت قیام امن کےلیے اقدامات کر رہی ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر