سہیل آفریدی کی تقریر زمینی حقائق کے منافی تھی، امیر مقام
اشاعت کی تاریخ: 15th, December 2025 GMT
مسلم لیگ ن خیبرپختونخوا کے صدر انجینئرامیر مقام—فائل فوٹو
مسلم لیگ ن امیر مقام نے کہا ہے کہ وزیرِ اعلیٰ سہیل آفریدی اپنے صوبے کے اسپتالوں اور صحت بحران پر بات سے گریزاں ہیں۔ سہیل آفریدی کی تقریر زمینی حقائق کے خلاف تھی۔
مسلم لیگ ن خیبرپختونخوا کے صدر انجینئر امیر مقام کا کہنا ہے کہ زیرو کرپشن کے دعوؤں کے باوجود بی آر ٹی اور صحت کارڈ اسکینڈلز سامنے آئے ہیں، اسی طرح بلین ٹری، گندم اور دیگر اسکینڈلز نیب وعدالتی رپورٹس میں موجود ہیں۔
مسلم لیگی رہنما نے صوبائی حکومت پر تنقید کرتے ہوئے کہا کہ خیبر پختونخوا میں سب کچھ شفاف ہے تو نوجوان دربدر کیوں ہیں؟
وزیراعلیٰ خیبرپختونخوا سہیل آفریدی نے اعلان کیا کہ صوبے میں موجود کرپٹ عناصر کا خاتمہ کریں گے۔
امیر مقام نے کہا کہ مریم نواز آئینی اور منتخب وزیرِاعلیٰ ہیں، ان پر ذاتی حملے ناکامی کا ثبوت ہیں۔
انہوں نے کہا کہ سہیل آفریدی کی تقریر زمینی حقائق کے خلاف تھی۔
امیر مقام کا کہنا تھا کہ عوام نعروں اور دھمکیوں سے آگے بڑھ چکے ہیں اور ریاست کو بلیک میل کرنے کی سیاست اب نہیں چلے گی۔
.ذریعہ: Jang News
کلیدی لفظ: سہیل ا فریدی
پڑھیں:
عمران خان اور ان کی اہلیہ مسلسل آئسولیشن میں رکھا جا رہا ہے، سہیل آفریدی
وزیر اعلیٰ خیبر پختونخوا محمد سہیل آفریدی نے صوبائی کابینہ سے خطاب کرتے ہوئے کہا کہ عمران خان اور ان کی اہلیہ بشریٰ بی بی کو ناحق قید اور مسلسل آئسولیشن میں رکھا جا رہا ہے۔ ان کے مطابق قیدی کو سردیوں کا مناسب سامان بھی نہیں مل رہا اور عمران خان کی بہنوں پر واٹر کینن چلانا اور بے عزتی کرنا شرمناک اقدام ہے، جس کی صوبائی حکومت بھرپور مذمت کرتی ہے۔
یہ بھی پڑھیں:خیبرپختونخوا میں مالی بحران شدید، وزیراعلیٰ سہیل آفریدی کے اعلانات غیر یقینی کا شکار
سہیل آفریدی نے این ایف سی اجلاس میں صوبائی حقوق کے لیے سب کمیٹی قائم کرنے کا اعلان کیا، جس کی سربراہی صوبائی مشیر خزانہ کریں گے اور واجبات کے حوالے سے سفارشات وفاق کو پیش کی جائیں گی۔ انہوں نے واضح کیا کہ صوبے کے حقوق کے لیے تمام سیاسی و قانونی راستے اختیار کیے جائیں گے۔
وزیر اعلیٰ نے این ایچ پی اور این ایف سی بقایاجات پر محکمہ خزانہ کو ہر ہفتے وفاق کو خط ارسال کرنے کی ہدایت بھی کی۔
انہوں نے کہا کہ ضم اضلاع کے لیے سالانہ 100 ارب روپے کا وعدہ کیا گیا تھا، لیکن سات سال میں صرف 168 ارب روپے دیے گئے اور 532 ارب روپے اب بھی بقایاجات کے طور پر باقی ہیں۔
یہ بھی پڑھیں:سینیٹر مشتاق کو انگلی دکھانے والے پولیس آفیسر کو سہیل آفریدی نے ڈانٹ دیا
اجلاس میں نئے تعینات شدہ سیکرٹریز بھی موجود تھے، جنہیں سہیل افریدی نے میرٹ کی بنیاد پر تقرری دینے کا ذکر کرتے ہوئے کہا کہ اسی طرح ان سے میرٹ کی بالادستی کی توقع بھی کی جاتی ہے۔ انہوں نے محکموں کو ہدایت دی کہ اگر کسی کرپشن کی شکایت موصول ہوئی تو فوری قانونی کارروائی کی جائے۔
وزیر اعلیٰ نے تمام محکموں کو سال 2026-27 کے ترقیاتی منصوبوں کی سفارشات فروری کے وسط تک پیش کرنے اور عوامی مفاد کے منصوبوں کو ترجیح دینے کی ہدایت کی تاکہ تمام ترقیاتی کام شہریوں کی سہولت کے لیے ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ بی بی خیبر پختونخوا سہیل آفریدی عمران خان کابینہ اجلاس
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر