گوادر کے قریب چار بروڈز وہیل کی شاندار جھلک، ماہی گیر نے نایاب لمحہ کیمرے میں محفوظ کر لیا
اشاعت کی تاریخ: 24th, October 2025 GMT
بلوچستان کے ساحلی علاقے گوادر کے قریب سمندر میں ایک حیران کن منظر نے ماہی گیروں کو ششدر کر دیا، جب انہیں ایک نہیں بلکہ چاربروڈز وہیلز ایک ساتھ تیرتی نظر آئیں۔
ماہی گیر کشتی کے کپتان عامر داد نے یہ دلکش لمحہ فوری طور پر اپنے موبائل فون میں قید کر لیا، جس میں وہیلز کا ایک گروہ گوادر کے ساحلی پانیوں میں پرسکون انداز میں تیرتا دکھائی دیتا ہے۔
ورلڈ وائیلڈ لائف فنڈ (WWF) پاکستان کے مطابق یہ وہیلزبروڈز وہیلز تھیں، جو دنیا کی بڑی بالین وہیلز میں سے ایک ہیں۔ یہ وہیلز عام طور پر گرم پانیوں میں پائی جاتی ہیں، اور ان کی پاکستان کے ساحلی پانیوں میں موجودگی ایک اہم ماحولیاتی اشارہ سمجھا جاتا ہے۔
یہ پہلا موقع نہیں کہ بروڈز وہیل کو پاکستانی پانیوں میں دیکھا گیا ہو۔ نومبر 2023 میں بھی بلوچستان کے علاقے جیوانی کے قریب ایک مردہ بروڈز وہیل ملی تھی، جو پاکستان اور ایران کی سمندری سرحد کے قریب تیرتی پائی گئی تھی۔ اس سے کچھ ماہ قبل مئی 2023 میں بھی جیوانی کے قریب ایک اور وہیل کے پھنسنے کی اطلاع ملی تھی۔
ماہرین کے مطابق 2013 سے 2023 کے دوران متعدد بار بروڈز وہیلز کی پاکستان کے ساحلی پانیوں میں موجودگی ریکارڈ کی جا چکی ہے، جو اس بات کا ثبوت ہے کہ بحیرہ عرب کے گرم پانی ان دیوہیکل مخلوقات کے لیے ایک قدرتی راستہ یا عارضی مسکن بن چکے ہیں۔
WWF کے مطابق اس طرح کے مناظر اس بات کا ثبوت ہیں کہ پاکستان کے سمندری ماحولیاتی نظام میں اب بھی ایسی نایاب آبی حیات کے لیے گنجائش موجود ہے — بشرطیکہ ان کے مسکن کو آلودگی، شور اور غیر ذمہ دارانہ شکار سے محفوظ رکھا جائے۔
ذریعہ: Daily Mumtaz
کلیدی لفظ: پانیوں میں پاکستان کے کے ساحلی کے قریب
پڑھیں:
عاجز دھامرا اور فلاحی تنظیموں کے تعاون سے معذور افراد میں وہیل چیئرز تقسیم
data-id="863a0a8" data-element_type="widget" data-widget_type="theme-post-content.default">
251025-08-22
حیدرآباد (اسٹاف رپورٹر) پاکستان پیپلز پارٹی حیدرآباد ڈویژن کے صدر سینیٹر عاجز دھامرا نے سانگھڑ میں معذور اور مستحق افراد کے لیے ایک اہم فلاحی اقدام کے تحت 30 وہیل چیئرز تقسیم کیں۔ یہ تقریب سانگھڑ کے مقامی ہال میں منعقد ہوئی، جس میں بڑی تعداد میں معززین، پارٹی کارکنان، سول سوسائٹی اور معذور افراد نے شرکت کی۔تقریب کا اہتمام سینیٹر عاجز دھامراہ اور سماجی فلاحی تنظیموں کے باہمی تعاون سے کیا گیا تھا، جس کا مقصد معذور افراد کی زندگی کو آسان بنانا اور ان کی عزتِ نفس بحال کرنا تھا۔ تقریب سے خطاب کرتے ہوئے کہا کہ سندھ واحد صوبہ ہے جس نے معذور افراد کے لئے قانون سازی کی بلکے الگ سے ڈپارٹمنٹ بھی قائم کیا اس موقع پر ڈس ایبل ویلفیئر ایسو سی ایشن کے سربراہ اور تمغہ امتیاز حاصل کرنے والے جاوید رئیس، ممتاز منگی، ذوالفقار دھامرا، اعجاز زرداری ،میونسپل کمیٹی سانگھڑکے چیئرمین راشد ، صحافیوں ،سول سوسائٹی اور دیگر نے شرکت کی۔ انہوں نے مزید کہا پاکستان پیپلز پارٹی ہمیشہ پسے ہوئے طبقات، خصوصی افراد اور محروم طبقوں کے ساتھ کھڑی رہی ہے۔ ہم سمجھتے ہیں کہ ریاست کی ذمے داری ہے کہ وہ ہر شہری کو باعزت زندگی گزارنے کے مواقع فراہم کرے یہ قدم اسی سلسلے کی ایک کڑی ہے، اور ہماری کوشش ہے کہ ایسے افراد جو معاشرے میں محرومی کا شکار ہیں، انہیں سہارا دے کر معاشرے کا کارآمد فرد بنایا جائے۔ بعد ازاں عاجز دھامرا نے نورالدین عرف نورل جونیجو کے انتقال پراہلخانہ سے تعزیت کی۔
ویرات کوہلی کا آٹوگراف ملنے کے بعد کم عمر مداح خوشی سے نہال