حکومت سندھ کو بنجر بنانا چاہتی ہے،جماعت اسلامی
اشاعت کی تاریخ: 22nd, January 2025 GMT
ٹنڈوآدم (نمائندہ جسارت) جماعت اسلامی سندھ سمیت پاکستان کے عوام کے مفادات کی جنگ لڑ رہی ہے ، حکومت سندھ کو بنجر بنانا چاہتی ہے ، سندھ کی تباہی میں پی پی حکومت کا مرکزی کردار ہے۔ ان خیالات کا اظہار جماعت اسلامی ضلع سانگھڑ کے امیر محمد رفیق منصوری نے فنکشنل لیگ کے مرکزی رہنما سابق ایم پی اے خلیفہ فقیر وریام سے (فقیر وریامانی ) ہاؤس سنجھورو میں ان کی رہائش گاہ پر ملاقات کے بعد میڈیا سے گفتگو کرتے ہوئے کیا۔ اس موقع پر ان کے ہمراہ جماعت اسلامی ضلع سانگھڑ کے ڈپٹی جنرل سیکرٹری راجہ وسیم احمد منصوری ، جے آئی یوتھ ضلع سانگھڑ کے سابق صدر ڈاکٹر محمد سہیل ہنجراہ جبکہ خلیفہ وریام فقیر وریامانی کے ساتھ ٹاؤن کمیٹی کھڈرو کے چیئرمین نیاز حسین جونیجو بھی موجود تھے۔ امیر جماعت اسلامی ضلع سانگھڑ نے کہا کہ حکومت نے عوام کو بے یار و مددگار چھوڑ دیا، حکومت میں شامل لوگوں کی مال کی حرص کی وجہ سے قوم کا سرمایہ نوجوان منشیات کی لت میں مبتلا ہو رہے ہیں، چوری اور ڈکیتی کی وارداتوں میں مسلسل اضافہ ہو رہا ہے، پولیس خاموش تماشائی بنی ہوئی ہے، پولیس کی ناقص کارکردگی کی وجہ سے چور اور ڈاکو شہر اور مضافات میں دندناتے پھر رہے ہیں، لوگوں کا چین و سکون برباد ہوچکا ہے ، ان تمام مسائل کا ایک ہی حل ہے کہ مشکلات اور مسائل کے لیے مل جل کر جدوجہد کی جائے منشیات، گٹکے کی فروانی، ظلم، ناانصافی، لاقانونیت کے خلاف آواز اُٹھائی جائے، جماعت اسلامی دریائے سندھ پر 6 نئے کینال بنانے اور سندھ کی ہزاروں ایکڑ زمین مختلف اداروں کو تحفتاً دینے اور سندھ کی سرسبز لہلہاتے کھیتوں کو بنجر کرنے کی سازش کے خلاف 26 جنوری کو لوئر سندھ کے مرکز حیدرآباد میں اس حوالے سے سیمینار منعقد کررہی ہے جس میں سندھ کا درد رکھنے والے سیاسی ، سماجی، زراعت، پانی سمیت مختلف شعبہ جات میں ماہرین کو شرکت کی دعوت دی جارہی ہے ان شاء اللہ یہ سیمینار شعبہ زراعت کے حوالے سے سے بہترین رہنمائی کا سبب بنے گا جماعت اسلامی سندھ کے خلاف وفاقی حکومت کی کسی ناقص پالیسی کو برداشت نہیں کرے گی، ہر فورم پر سندھ کے حقوق کے لیے احتجاج کیا جائے گا۔
.ذریعہ: Jasarat News
کلیدی لفظ: جماعت اسلامی ضلع سانگھڑ
پڑھیں:
بھارت کا فالس فلیگ آپریشن ایکسپوز ہوگیا، پاکستان کشمیریوں کا مقدمہ لڑے : حافظ نعیم الرحمان
امیر جماعت اسلامی حافظ نعیم الرحمان نے کہا ہے کہ بھارت کا فالس فلیگ آپریشن ایکسپوز ہوگیا، بھارت یکطرفہ طور پر سندھ طاس معاہدہ ختم نہیں کرسکتا،پاکستان کشمیریوں کا مقدمہ عالمی سطح پر لڑے۔
جماعت اسلامی کی کال پر غزہ کے مسلمانوں سے اظہار یکجہتی کے لیے ملک بھر میں آج شٹر ڈاؤن ہڑتال کی گئی ہے۔
میڈیا رپورٹس کے مطابق جماعت اسلامی کی اپیل کی جانے والی ہڑتال کی اپیل کے نتیجے میں کراچی تا پشاور تمام چھوٹے بڑے کاروباری مراکز بند اور سڑکوں پر ٹریفک نہ ہونے کے برابر رہی، جبکہ ملک بھر کے مختلف شہروں میں احتجاج بھی ریکارڈ کروایا گیا۔
یہ بھی پڑھیں: اسرائیل کی اصولی مخالفت پر قائداعظم کی مہر بھی ثبت ہے، امیر جماعت اسلامی حافظ نعیم الرحمان
جماعت اسلامی کی کال پر لاہور میں انارکلی اور ملحقہ مارکیٹیں بھی بند ہیں، شاہ عالم مارکیٹ، برانڈرتھ روڈ، ہال روڈ اور ملحقہ مارکیٹیں بھی بند رہیں گی، ریڈی میڈ گارمنٹس، سولر مارکیٹ بھی بند ہے جبکہ شہر کی مرکزی غلہ منڈی بھی مکمل طور پر بند ہے۔
ادھر پشاور میں قصہ خوانی، خیبر بازار، پیپل منڈی، صدر، ہشت نگری اور دیگر اہم کاروباری علاقوں میں دکانیں بند ہیں جبکہ تنظیم تاجران کے مطابق رامپورہ گیٹ میں احتجاجی کیمپ بھی لگایا گیا۔
راولپنڈی کے راجہ بازار، مری روڈ، صدر اور کمرشل مارکیٹ میں دکانیں بند ہیں جبکہ سڑکوں پر ٹریفک بھی نہ ہونے کے برابر ہے، ڈرگٹ اینڈ کیمسٹ ایسوسی ایشن کی جانب سے بھی ہڑتال کی جا رہی ہے جس کے باعث بیشتر بازاروں میں میڈیکل سٹورز بھی بند ہیں۔
پاکپتن اور گردونواح میں تمام چھوٹے بڑے کاروباری مراکز بند ہیں۔
ملکہ کوہسار مری میں اہل غزہ سے یکجہتی کے لیے مکمل شٹر ڈاون ہڑتال ہے، جماعت اسلامی کی شٹر ڈاؤن ہڑتال کی کال پر تمام کاروباری مراکز بند ہیں، مال روڈ، کینٹ مارکیٹ، بھوربن مارکیٹ، علیوٹ اور پھگواڑی سمیت تمام بازار اور سڑکوں پر ٹرانسپورٹ بھی کم ہے۔
یہ بھی پڑھیں: 26 اپریل کو پورے ملک میں ہڑتال ہوگی، حافظ نعیم الرحمان کا اعلان
کوئٹہ میں بھی فلسطینیوں سے اظہار یکجہتی کیلئے ہڑتال کی جا رہی ہے، شہر میں تمام اہم بازار اور کاروباری مراکز بند ہیں، مستونگ، قلات، خضدار اور پشین سمیت بلوچستان کے مختلف علاقوں میں بھی شٹرڈاؤن ہڑتال کی جا رہی ہے۔
دوسری جانب کراچی میں کورنگی كراسنگ روڈ پر سیاسی جماعت کی جانب سے فلسطین کے حق میں دھرنا دیا جا رہا ہے جس کے باعث روڈ ٹریفک کے لیے بند ہے، مظاہرین کی جانب سے سڑکوں کو ٹائر جلا کر ٹریفک کے لیے بند کر دیا گیا ہے۔
ٹریفک پولیس کا کہنا ہے کہ دھرنے کے باعث روڈ بند ہونے کی وجہ سے ٹریفک کو گودام چورنگی اور ناصر جمپ سے چمڑا چورنگی بھیجا جا رہا ہے۔
جماعت اسلامی کے مرکز منصورہ میں پریس کانفرنس کرتے ہوئے امیرجماعت اسلامی حافظ نعیم الرحمان نے کہا کہ آج ملک بھر میں اسرائیلی مظالم کیخلاف مکمل شٹر ڈاؤن ہڑتال ہے، اسرائیل غزہ میں قتل عام کررہاہ، فلسطینیوں کے قتل عام سے غزہ میں اکثریت کو اقلیت میں تبدیل کرنے کی سازش کی جارہی ہے۔
حافظ نعیم الرحمان نے کہا کہ حماس کی بجائے اسرائیل کی حمایت کی جا رہی ہے جو افسوسناک ہے، آج کی کامیاب ہڑتال نے ثابت کیا ہے کہ وہ غزہ کے مسلمانوں کے ساتھ ہے، پاکستانی قوم فلسطینی عوام اور کشمیریوں کے ساتھ ہے ۔
امیرجماعت اسلامی نے کہا کہ بھارت نے پاکستان پر جنگ مسلط کرنے اور پانی بند کرنے کی دھمکی دے دی ہے، بھارت نے اقوام متحدہ کی قراردادوں پر کھبی بھی عمل نہیں کیا، لاکھوں کشمیری شہید ہوچکے ہیں مگر ان کا کوئی ساتھ دینے کے لیے کوئی تیار نہیں ہے۔
یہ بھی پڑھیں: وزیراعظم سے ملاقات میں کیا باتیں ہوئیں؟ حافظ نعیم الرحمان نے تفصیلات بتا دیں
انہوں نے کہا کہ بھارت کا فالس فلیگ آپریشن ایکسپوز ہو گیا، سندھ طاس معاہدہ بھارت یکطرفہ طورپر ختم نہیں کرسکتا کیوں کہ سندھ طاس معاہدے میں عالمی بینک ضامن ہے، پاکستان عالمی سطح پر کشمیریوں کامقدمہ لڑے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسرائیل بھارت جماعت اسلامی حافظ نعیم الرحمان غزہ ہڑتال
جسٹس منصور علی شاہ نے قائم مقام چیف جسٹس پاکستان کے عہدے کا حلف اٹھالیا