کندھکوٹ، دشمنی پر بدنام ڈاکو کابھائی قتل،2 دیہاتی زخمی
اشاعت کی تاریخ: 23rd, January 2025 GMT
کندھکوٹ(نمائندہ جسارت) کندھکوٹ کے قریب غوثپور کے کچے میں دو فریقین میں دیرینہ دشمنی پر بدنام ڈاکو کا بھائی قتل اور دو دیہاتی زخمی ڈاکوؤں نے قتل کے بدلے میں مخالفین کے 8افراد کو اٹھا لیا، اٹھانے کی ویڈیو وائرل۔تفصیلات کے مطابق کندھکوٹ کے قریب پولیس تھانہ کچو کیٹی کی حدود گاؤں یار محمد اوگاہی میں دو فریقین کے درمیان چلنے والی دیرینہ دشمنی پر فائرنگ کا تبادلہ، فائرنگ کی وجہ سے بدنام زمانہ ڈاکو سوڈھو نصیرانی کا بھائی علی حسن نصیرانی ہلاک ہو گیا جبکہ دو دیہاتی نثار اوگاہی اور فیضو اوگاہی زخمی ہو گئے ،زخمیوں کو رورل ہیلتھ سینٹر غوثپور لایا گیا جبکہ ہلاک ہونے والے ڈاکو کی لاش ان کے ساتھی اپنے ساتھ لے گئے۔ اس واقعے کے کچھ ہی دیر بعد مسلح ڈاکوؤں نے اوگاہی قبیلے سے تعلق رکھنے والے 8 افراد کو اٹھا کر لے گئے اس حوالے سے ڈاکو سوڈھو نصیرانی نے 8 افراد کو اٹھا کر لے جاتے ہوئے ویڈیو بنائی ہے جو سوشل میڈیا پر وائرل ہو گئی جس میں ڈاکو اسلحہ کے ساتھ 8 افراد کو اٹھا کر لے جاتے ہوئے دکھایا جا رہا ہے۔ انہوں نے کہا کہ اوگاہی قبیلے نے دوسری مرتبہ بڑی زیادتی کی ہے میں ان 8 افراد کو قتل کروںگا ایک کو بھی نہیں چھوڑوںگا۔ ذرائع سے معلوم ہوا کہ اوگاہی قبیلے نے بھی مخالفین کے چار افراد کو اٹھا کر یرغمال بنا رکھا ہے۔ اس حوالے سے پولیس کا کہنا ہے کہ علاقے کے دو فریقین کے درمیان چلنے والی دشمنی کے باعث یہ واقعہ پیش آیا ہے دونوں فریقین نے ایک دوسرے کے لوگوں کو اٹھایا ہے پولیس دونوں فریقین کیخلاف قانونی کارروائی کرے گی۔
.ذریعہ: Jasarat News
پڑھیں:
برطانیہ کی ٹرین میں چاقو حملہ، 10 افراد زخمی، 9 کی حالت تشویشناک
data-id="863a0a8" data-element_type="widget" data-widget_type="theme-post-content.default">
لندن: برطانیہ کے علاقے کیمرج شائر میں خوفناک واقعہ اُس وقت پیش آیا جب ایک تیز دھار آلے سے حملے کے نتیجے میں ٹرین میں سوار 10 مسافر زخمی ہو گئے، جن میں سے 9 کی حالت تشویشناک بتائی جا رہی ہے۔
عالمی میڈیا رپورٹس کے مطابق یہ افسوسناک واقعہ ڈانکاسٹر سے لندن کنگز کراس جانے والی ٹرین میں پیش آیا جو مقامی وقت کے مطابق شام 6 بج کر 25 منٹ پر روانہ ہوئی تھی، واقعے کے فوراً بعد ہنٹنگڈن اسٹیشن پر کارروائی کرتے ہوئے پولیس نے 2 مشتبہ افراد کو گرفتار کر لیا۔
پولیس اور ریسکیو ٹیمیں فوری طور پر جائے وقوعہ پر پہنچ گئیں اور زخمیوں کو قریبی اسپتال منتقل کیا، واقعے کے باعث ٹرین میں سوار متعدد مسافروں کو لندن جانے والی بسوں میں منتقل کر دیا گیا۔
کیمرج شائر پولیس نے اس واقعے کو بڑا حادثہ قرار دیتے ہوئے کہا ہے کہ انسدادِ دہشت گردی کے ماہر افسران اس حملے کی تحقیقات میں معاونت کر رہے ہیں،حملے کی وجوہات تاحال سامنے نہیں آئیں اور تحقیقات جاری ہیں، اس نے ایک شخص کو خون آلود بازو کے ساتھ بوگی میں دوڑتے دیکھا جو چیخ رہا تھا کہ ان کے پاس چاقو ہے، بھاگو اور اس کے فوراً بعد ایک اور شخص زمین پر گرا ہوا نظر آیا۔
دوسری جانب برطانوی وزیراعظم کیئر اسٹارمر نے واقعے پر گہری تشویش کا اظہار کرتے ہوئے کہا کہ یہ واقعہ انتہائی پریشان کن ہے، انہوں نے شہریوں سے اپیل کی کہ وہ مقامی حکام کی ہدایات پر عمل کریں اور افواہوں سے گریز کریں۔
پولیس کا کہنا ہے کہ اس واقعے کے محرکات اور مشتبہ حملہ آوروں کے عزائم کے بارے میں تفصیلات جلد منظرِ عام پر لائی جائیں گی۔
کراچی، نادرن بائی پاس پر پلاسٹک کے گودام میں آگ لگ گئی