پشاور: ڈبگری میں فائرنگ سے 2 افراد کے قتل کی اصل وجہ سامنے آگئی
اشاعت کی تاریخ: 19th, February 2025 GMT
پشاور کے علاقے ڈبگری میں فائرنگ سے شہری کے قتل کے بعد زخمی ہونے والے خاتون بھی اسپتال میں دم توڑ گئی۔
یہ بھی پڑھیں پشاور: باپ نے بیٹے کیساتھ مل کر بیٹی کو آشنا کے ہمراہ قتل کردیا
اب فائرنگ کے واقعے کی اصل وجہ سے بھی سامنے آگئی ہے اور پولیس نے بتایا ہے کہ مقتول وقار اور مقتولہ مسماۃ (ف) نے پسند کی شادی کی تھی جس کی پاداش میں انہیں قتل کیا گیا۔
پولیس نے بتایا کہ مسماۃ (ف) پہلے سے شادی شدہ تھی، اور بھاگ کر وقار نامی شخص سے دوبارہ شادی کرلی جس پر اسے نشانہ بنایا گیا۔
پولیس کے مطابق مقتولہ نے جس لڑکے کے ساتھ شادی کی وہ پی ڈی اے میں مالی تھا، جبکہ لڑکی کا تعلق افغانستان سے تھا۔
پولیس کے مطابق مقتولہ کے سابق شوہر زبیر اور بھائی شاہد کے خلاف مقدمہ درج کرلیا گیا ہے۔
یہ بھی پڑھیں پشاور میں تہرے قتل کی واردات، ملزمان نے کمسن بچہ بھی نہیں چھوڑا
پولیس نے بتایا کہ خاتون کے سابق شوہر نے 18 نومبر 2024 کو 496 کے تحت اسلام آباد تھانہ ن میں مقدمہ بھی درج کروایا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اصل وجہ پشاور خاتون ڈبگری فائرنگ واقعہ قتل وی نیوز.ذریعہ: WE News
کلیدی لفظ: پشاور خاتون فائرنگ واقعہ قتل وی نیوز
پڑھیں:
کراچی کلفٹن میں خاتون کا قتل — پولیس نے اہم ملزم گرفتار کر لیا
کراچی کے علاقے کلفٹن میں پیش آنے والے دل خراش قتل کے کیس میں بوٹ بیسن پولیس نے ٹیکنیکل ٹریسنگ کی مدد سے اہم کامیابی حاصل کرتے ہوئے ایک ملزم کو گرفتار کر لیا ہے۔
25 نومبر کو کلفٹن بلاک 2، چائنا پورٹ کے قریب سے ایک خاتون کی تشدد زدہ، نیم برہنہ لاش ملی تھی۔ مقتولہ شہناز مسیح گزشتہ چند روز سے لاپتہ تھیں۔ وہ 22 نومبر کو گھر سے سودا لینے نکلی تھیں لیکن واپس نہ آئیں، جس کے بعد ان کی تلاش جاری تھی۔
ایس ایچ او بوٹ بیسن انسپکٹر سید راشد علی کے مطابق گرفتار ملزم احتشام ولد صادق نے 49 سالہ شہناز مسیح کو سر پر بلاک مار کر قتل کیا۔ اپنے جرم کو چھپانے کے لیے اس نے مقتولہ کے چہرے کو بھی بلاک مار کر مسخ کیا اور لاش جھاڑیوں میں پھینک دی۔
پولیس کے مطابق مقتولہ اور ملزم ایک دوسرے کو پہلے سے جانتے تھے، اور قتل کی وجہ رقم کا لین دین بتایا گیا ہے۔ ملزم کا تعلق اختر کالونی سے ہے جبکہ اس کا آبائی ضلع اٹک ہے۔ پولیس نے ملزم کے قبضے سے مقتولہ کا موبائل فون بھی برآمد کر لیا ہے۔
گرفتار ملزم نے اعترافِ جرم بھی کرلیا ہے۔
قتل کا مقدمہ مقتولہ کے بیٹے عادل کی مدعیت میں 302 کے تحت درج کیا گیا تھا۔ شہناز مسیح کے ایک بیٹا اور ایک بیٹی ہیں جو دونوں شادی شدہ ہیں۔ پولیس گرفتار ملزم سے مزید تفتیش کر رہی ہے۔
آغاقادرداد کھجورمارکیٹ میں زہریلی فاسفورس بھٹیوں کا انکشاف