زرعی یونیورسٹی فیصل آباد کی طالبہ کو ’نازیبا اشارے، جنسی ہراساں‘ کرنےوالا پروفیسر گرفتار، مقدمہ درج
اشاعت کی تاریخ: 29th, November 2025 GMT
زرعی یونیورسٹی فیصل آباد بورے والا کیمپس میں جنسی اسکینڈل پر ڈسٹرکٹ پولیس افسر (ڈی پی او) وہاڑی محمد افضل نے نوٹس لے لیا۔
رپورٹ کے مطابق پولیس نے اسکینڈل میں ملوث گرفتار پروفیسر یحییٰ خان کے خلاف مقدمہ درج کرکے ملزم کو گرفتار کرلیا۔
پولیس نے بتایا کہ پروفیسر کے خلاف سب انسپکٹر دلشاد کی مدعیت میں مقدمہ درج کیا گیا، تھانہ شیخ فاضل میں درج مقدمہ میں پانچ مختلف دفعات شامل کی گئی ہیں۔
پولیس کے مطابق مقدمہ میں دفعہ509,292, 293,294اور354شامل ہیں۔
یاد رہے کہ گزشتہ دنوں زرعی یونیورسٹی فیصل آباد بورے والا کیمپس میں جنسی اسکینڈل سامنے آیا تھا اور پروفیسر کی جانب سے مبینہ طور پر طالبہ کو نازیبا اشارے کرنے، اور جنسی ہراساں کرنے کی ویڈیو وائرل ہوگئی تھی۔
معاملے پر رد عمل دیتے ہوئے یونیورسٹی انتظامیہ نے کہا تھا کہ طالبہ نے 31 اکتوبر کو پروفیسر کے خلاف تحریری درخواست گزاری۔
یونیوسٹی انتطامیہ نے مزید بتایا کہ جنسی حراسگی میں ملوث پروفیسر یحییٰ کو معطل کردیا گیا ہے اور ان کا داخلہ یونیورسٹی میں بند کردیا گیا ہے۔
پرنسپل نے کہا کہ وائس چانسلر کے پاس حراسمنٹ کمیٹی معاملے کی انکوائری کررہی ہے، تاحال پروفیسر کے خلاف کوئی حتمی انکوائری رپورٹ سامنے نہیں آئی ہے۔
پروفیسر یحییٰ خان کی طالبہ کو نازیبا اشارے کرنے کی ویڈیو وائرل ہوگئی تھی، پروفیسر یحییٰ نے طالبہ سے اپنی گفتگو میں کہا تھا کہ ‘پیپرز میں 2 نمبر اضافی لگانے پر مجھے کیا دو گی‘۔
.ذریعہ: Express News
کلیدی لفظ: کے خلاف
پڑھیں:
ٹنڈوجام، زرعی یونیورسٹی میں ایک روزہ مفت طبی کیمپ کا قیام
data-id="863a0a8" data-element_type="widget" data-widget_type="theme-post-content.default">
ٹنڈوجام (نمائندہ جسارت) سندھ زرعی یونیورسٹی ٹنڈوجام میں اسریٰ یونیورسٹی حیدرآبادکے تعاون سے فری میڈیکل کیمپ کا انعقاد کیا گیا، جس کا افتتاح رجسٹرار سندھ زرعی یونیورسٹی غلام محی الدین قریشی نے ربن کاٹ کر کیاشدید سردی اور موسمی تبدیلیوں کی وجہ وہائی امراض میں اضافہ ہوا ہے تفصیلات کے مطابق شدید سردی میں بیماریوں سے بچاو کے لیے سندھ زرعی یونیورسٹی ٹنڈوجام میں ایک فری میڈیکل کیمپ لگایا گیا جس افتتاح زرعی یونیورسٹی ٹنڈوجام کے رجسٹرار غلام محی الدین قریشی نے کیاافتتاحی تقریب میں اسریٰ یونیورسٹی کے ایڈمنسٹریٹر کرنل (ر) افتخار احمد، ایگریکلچر ریسرچ انسٹیٹیوٹ کے ڈائریکٹر امداد علی سوہو سمیت مختلف شعبہ جات کے افسران اور نمائندے موجود تھے۔افتتاح کے بعد رجسٹرار اور مہمانوں نے کیمپ کے مختلف حصوں کا معائنہ کیا جہاں ماہر ڈاکٹروں اور کنسلٹنٹس کی ٹیموں نے مرد، خواتین اور بچوں کے چیک اپ، تشخیص ٹیسٹ اور علاج کی سہولیات فراہم کیں کیمپ میں تقریباً 600 مریضوں کا معائنہ کیا گیا اور انہیں ضروری ٹیسٹوں سمیت مفت ادویات فراہم کی گئیںاس موقع پرانھوں نے صحافیوں سے گفتگو کرتے ہوئے کہا کہ اچانک شدید سردی کے موسم اور موسمی تبدیلیوں اور ہماری عدم احتیاط کی وجہ سے بیماریوں میں اضافہ ہو رہا ہے، اور آج کل ڈینگی سمیت دیگر موزی امراض اور مختلف وائرل بیماریوں میں نمایاں اضافہ ہو رہا ہے جس کو محسوس کرتے ہوئے ہم نے یہ لوگوں کے لیے فری میڈیکل کیمپ لگایا ہے انہوں نے اسریٰ یونیورسٹی کے ڈاکٹرز اور پیرامیڈیکل ٹیم کی تعریف کرتے ہوئے کہا کہ اسریٰ یونیورسٹی کی جانب سے فراہم کی جانے والی میڈیکل سروسز نہ صرف قابلِ تحسین ہیں بلکہ کمیونٹی ویلفیئر کا بہترین نمونہ بھی ہیں انہوں نے مزید کہا کہ سندھ زرعی یونیورسٹی تعلیم، تحقیق اور سماجی خدمت کے شعبوں میں ہمیشہ فعال کردار ادا کرتی رہی ہے اور انسانیت کی خدمت کے ایسے پروگرام مستقبل میں بھی جاری رہیں گے رجسٹرار نے کیمپ کے شاندار انتظامات پر سندھ زرعی یونیورسٹی اور اسریٰ یونیورسٹی کیافسران اور دیگر عملے کی کوششوں کو سراہا اس موقع پر سینئر میڈیکل افسرڈاکٹر فیصل نور انصاری، ڈائریکٹر کیمپس محمد اشرف رستمانی، ڈائریکٹر اسپورٹس انوار حسین خانزادہ، یوسی چیئرمین سید حیدر شاہ، اسرار سولنگی، وقار علی ہالیپوٹو، ایڈیشنل ڈائریکٹر ایچ آر قربان علی لاکھیرو، کالونی ویلفیئر افسر مختیار علی سیلرو، پی آر او گل شیر لوچی اور دیگر موجود تھے۔
ضمنی انتخابات کے لئے پولنگ کا وقت ختم: سخت سیکورٹی میں ووٹوں کی گنتی شروع