کورنگی کریک میں لگنے والی آگ خود بہ خود بجھ گئی
اشاعت کی تاریخ: 25th, April 2025 GMT
کراچی:
کراچی: کورنگی کریک میں 28 اور 29 مارچ کی شب پانی کی بورنگ کے دوران لگنے والی آگ ایک بار پھر خود بہ خود بجھ گئی ہے۔
ایکسپریس نیوز کے مطابق کورنگی کریک میں ترقیاتی کام کے دوران لگنے والی آگ جمعرات کی شام تک شدت سے جاری تھی تاہم رات کے وقت اچانک بجھ گئی۔
ماہرین کا اندازہ ہے کہ زیر زمین گیس کے ذخیرے کا پاکٹ ختم ہونے کے باعث آگ بجھ گئی ہے تاہم حتمی تعین اور جانچ کے بعد رپورٹ جاری کی جائے گی۔
اس سے قبل پندرہ اپریل کو بھی آگ بجھ گئی تھی تاہم حفاظتی نکتہ نظر کے تحت گیس کے اخراج کو پھیلنے سے روکنے کیلیے پندرہ اپریل کو گیس دوبارہ شعلہ دہکا دیا گیا تھا۔
حکام کادعوٰی ہے کہ کورنگی کریک میں زیرزمین گیس کے ذخائر کا پاکٹ ختم ہونے کا امکان ہے۔ جمعرات کے روز قومی تیل و گیس کی تلاش کرنے والی کمپنی کی اعلی قیادت نے کورنگی کریک کا دورہ کیا تھا اور آگ بجھانے کے لیے وضع کردہ حکمت عملی بیان کی تھی جس کے مطابق گیس کو محفوظ طریقے سے بجھانے کے لیے غیر ملکی ماہرین کی مدد لینے کا فیصلہ کیا گیا تھا۔
.ذریعہ: Express News
کلیدی لفظ: کورنگی کریک میں
پڑھیں:
اسلام آباد میں فینسی نمبر پلیٹس کے خلاف کریک ڈاؤن، خلاف ورزی پر گاڑیاں ضبط ہوں گی
وفاقی دارالحکومت میں ایکسائز ڈیپارٹمنٹ نے غیر قانونی اور فینسی نمبر پلیٹس کے خلاف بڑے پیمانے پر کریک ڈاؤن کا آغاز کر دیا ہے۔
یہ بھی پڑھیں:سندھ میں اب گاڑیوں پر صرف اجرک والی نمبر پلیٹس لگیں گی، احکامات جاری
ڈائریکٹر جنرل ایکسائز اسلام آباد عرفان میمن نے تمام فیلڈ ٹیموں کو ہدایت جاری کی ہے کہ ایسے تمام گاڑی مالکان کے خلاف فوری کارروائی کی جائے جو غیر معیاری یا غیر مجاز نمبر پلیٹس استعمال کر رہے ہیں۔
ڈی جی عرفان میمن نے واضح کیا کہ صرف ایکسائز ڈیپارٹمنٹ کی جاری کردہ نمبر پلیٹس ہی قابل قبول ہیں اور کوئی بھی دیگر پلیٹ قانوناً ناجائز ہے۔
انہوں نے شہر بھر میں آپریشن کو تیز کرنے کا حکم دیا اور کہا کہ فینسی، ترمیم شدہ ڈیزائن یا ذاتی ناموں والی پلیٹس والی گاڑیاں نہ صرف موقع پر جرمانے کی مستحق ہوں گی بلکہ ضبط بھی کی جا سکتی ہیں۔
ان کا کہنا تھا ایکسائز کی جاری کردہ پلیٹ کے علاوہ کوئی بھی پلیٹ اسلام آباد میں قابلِ قبول نہیں۔ خلاف ورزی کرنے والوں کے خلاف سخت کارروائی ہو گی، گاڑی موقع پر ضبط کی جا سکتی ہے۔
یہ بھی پڑھیں:پنجاب میں گاڑیوں کی من پسند نمبر پلیٹ اسکیم کا اجرا
انہوں نے مزید کہا کہ اس مہم کا مقصد قانون کی یکساں عملداری اور گاڑیوں کی نمبر پلیٹس کو معیاری بنانا ہے۔
شہریوں سے اپیل کی گئی ہے کہ فوری طور پر غیر معیاری یا فینسی نمبر پلیٹس ہٹا کر ایکسائز کی منظور شدہ پلیٹس حاصل کریں تاکہ قانونی کارروائی سے بچا جا سکے۔
حکام کے مطابق غیر معیاری پلیٹس کے باعث گاڑیوں کی شناخت میں مشکلات پیش آتی ہیں، جو کہ سیکیورٹی کے حوالے سے بھی خطرہ بن سکتی ہیں، خصوصاً ٹریفک چیکنگ، نگرانی اور تفتیش کے دوران۔
محکمہ ایکسائز نے یہ بھی نوٹ کیا ہے کہ بعض شہری فینسی فونٹس، لوگو یا ذاتی ناموں والی پلیٹس لگاتے ہیں جو سرکاری ڈیزائن سے انحراف کرتی ہیں، اور یہ عمل قابلِ قبول نہیں۔
اس کریک ڈاؤن کو مؤثر بنانے کے لیے شہر کے مختلف علاقوں میں انسپیکشن ٹیمیں تعینات کر دی گئی ہیں، جو موقع پر گاڑیوں کی جانچ اور خلاف ورزی پر جرمانے عائد کریں گی۔
یہ بھی پڑھیں:804 کی جعلی نمبر پلیٹ لگانے پر ٹک ٹاکر ندیم نانی والا گرفتار
مسلسل خلاف ورزی کرنے والوں کی گاڑیاں ضبط کی جا سکتی ہیں، اور ان کے خلاف قانونی کارروائی بھی کی جائے گی۔
ڈی جی عرفان میمن نے واضح کیا کہ اس آپریشن میں کوئی رعایت نہیں ہو گی۔ فینسی نمبر پلیٹس کسی بھی صورت میں قابلِ اجازت نہیں۔ قانون کی مکمل عملداری یقینی بنائی جائے گی۔
محکمہ ایکسائز نے شہریوں کو آگاہی دینے کے لیے مہم بھی شروع کر دی ہے تاکہ عوام کو یہ باور کرایا جا سکے کہ غیر معیاری نمبر پلیٹس نہ صرف ٹریفک قوانین کی خلاف ورزی ہیں بلکہ ممکنہ قانونی پیچیدگیوں کا سبب بھی بن سکتی ہیں۔
شہریوں کو ہدایت کی گئی ہے کہ وہ ایکسائز ڈیپارٹمنٹ سے جاری کردہ سرکاری نمبر پلیٹس حاصل کریں، جن پر درست فونٹ، سائز اور ڈیزائن میں رجسٹریشن نمبر واضح طور پر درج ہو۔
یہ کریک ڈاؤن آئندہ دنوں میں بھی جاری رہے گا۔ اسلام آباد کی اہم سڑکوں، مارکیٹوں اور رہائشی سیکٹرز میں گشت اور خصوصی چیک پوائنٹس قائم کیے جا رہے ہیں، جہاں گاڑیوں کی نمبر پلیٹس کی تفصیلی جانچ کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار کی آسٹریلیا کی وزیرِ خارجہ سے ملاقات, اعلیٰ سطحی سیاسی روابط بڑھانے پر اتفاق