علی امین گنڈاپور کو پولیس نے گورکھ پور ناکے پر روک لیا
اشاعت کی تاریخ: 8th, May 2025 GMT
وزیراعلیٰ خیبر پختونخوا علی امین گنڈاپور — فائل فوٹو
وزیراعلیٰ خیبر پختونخوا علی امین گنڈاپور کو بانی پی ٹی آئی سے ملاقات کے لیے جاتے ہوئے راستے میں گورکھ پور ناکے پر روک لیا گیا۔
علی امین گنڈاپور کو اڈیالاجیل کی طرف پیدل مارچ کے دوران روکا گیا تو ان کے گارڈز کی پولیس کے ساتھ تلخ کلامی ہوگئی۔
اُنہوں نے پولیس سے کہا کہ یہ پاکستان ہے، میں ایک صوبے کا وزیراعلیٰ ہوں، میرے پاس کورٹ آرڈر ہے، میں اڈیالا جیل جاؤں گا، مجھے کوئی نہیں روک سکتا۔
پولیس نے وزیراعلیٰ خیبر پختونخوا سے مکالمہ کرتے ہوئے کہا کہ آپ تھوڑا انتظار کریں۔
پولیس اہلکار علی امین گنڈا پور کو مقامی ہوٹل کی طرف لے گئے جہاں پولیس اہلکاروں اور علی امین گنڈا پور کے درمیان گفتگو ہوئی۔
.ذریعہ: Jang News
کلیدی لفظ: علی امین گنڈاپور پور کو
پڑھیں:
خیبر پختونخوا میں کرایہ داروں، گھریلو ملازمین اور غیر ملکیوں کی رجسٹریشن ڈیجیٹلائز
خیبر پختونخوا حکومت نے ڈیجیٹل ٹرانسفارمیشن کے سلسلے میں ایک اور اہم قدم اٹھاتے ہوئے کرایہ داروں، گھریلو ملازمین اور غیر ملکیوں کی رجسٹریشن کو ڈیجیٹلائز کرنے کا اعلان کر دیا ہے وزیر اعلیٰ ہاؤس پشاور میں ہونے والی ایک تقریب میں کے پی آئی ٹی بورڈ اور پولیس کے درمیان مفاہمت کی یادداشت پر دستخط کیے گئے اس موقع پر وزیر اعلیٰ علی امین گنڈاپور، کابینہ اراکین، چیف سیکریٹری، آئی جی پولیس اور طلبا نے شرکت کی معاہدے کے تحت پولیس سرٹیفکیٹ، غیر ملکیوں، کرایہ داروں اور گھریلو ملازمین کی رجسٹریشن کے عمل کو ڈیجیٹل بنا دیا جائے گا اس کے ساتھ ساتھ ریئل ٹائم ٹریفک انفارمیشن، گمشدگی رپورٹ اور دیگر عوامی خدمات بھی آن لائن دستیاب ہوں گی تقریب میں وزیر اعلیٰ نے ڈی آئی خان اور سوات میں دو نئے سٹیزن فیسیلیٹیشن سینٹرز کا بھی افتتاح کیا۔ انہوں نے کہا کہ خیبر پختونخوا حکومت نے اقتدار سنبھالتے ہی تمام محکموں میں ڈیجیٹلائزیشن کا عمل شروع کر دیا تھا، جس کا مقصد عوامی سہولیات کو بہتر اور تیز تر بنانا ہے علی امین گنڈاپور کا کہنا تھا کہ ڈیجیٹلائزیشن سے جہاں سرکاری وسائل کی بچت ہو رہی ہے وہیں عوام کو خدمات تک آسان رسائی بھی مل رہی ہے۔ انہوں نے بتایا کہ اس عمل سے صوبے کو 250 ارب روپے کا اضافی ریونیو حاصل ہوا ہے وزیر اعلیٰ نے مزید کہا کہ خیبر پختونخوا پولیس سروسز کو مکمل طور پر ڈیجیٹلائز کیا جا رہا ہے اور یہ اقدام صوبے کو ملک کا پہلا مکمل ڈیجیٹل پولیس نظام رکھنے والا خطہ بنا دے گا
اسلام آباد ہائیکورٹ کا لاپتہ شہری کے اغوا کا مقدمہ درج کرنے کا حکم