بلتستان کے تمام مکاتب فکر کے علماء نے لینڈ ریفارمز بل کو مسترد کر دیا
اشاعت کی تاریخ: 22nd, May 2025 GMT
۔ اجلاس میں کہا گیا کہ لینڈ ریفارمز بل کو موجودہ حکومت نے انتہائی سرعت میں پاس کیا ہے۔ انجمن امامیہ، انجمن نوربخشیہ، انجمن اہلحدیث اور انجمن اہل سنت مذکورہ بل میں موجود ان تمام ان شقوں کو یکسر مسترد کرتے ہیں جو عوامی مفادات سے متصادم ہیں۔ اسلام ٹائمز۔ بلتستان کے تمام مکاتب فکر کے علماء نے لینڈ ریفارمز بل کو مسترد کرتے ہوئے آئندہ کے لائحہ عمل کا اعلان کر دیا۔ سکرود میں صدر انجمن امامیہ بلتستان علامہ آغا سید باقر حسین الحسینی کی صدارت میں تمام مکاتب فکر کے علمائے کرام اور وکلاء برادری کا ایک اہم اجلاس منعقد ہوا جس میں لینڈ ریفارمز بل کے بارے میں گفت و شنید ہوئی۔ اجلاس میں کہا گیا کہ لینڈ ریفارمز بل کو موجودہ حکومت نے انتہائی سرعت میں پاس کیا ہے۔ انجمن امامیہ، انجمن نوربخشیہ، انجمن اہلحدیث اور انجمن اہل سنت مذکورہ بل میں موجود ان تمام ان شقوں کو یکسر مسترد کرتے ہیں جو عوامی مفادات سے متصادم ہیں۔ حکومت کو ان شقوں میں ترمیم کرنی چاہیے جن میں تحفظات موجود ہیں تاکہ سب کے لیے قابل قبول بل سامنے آئیں۔ بصورت دیگر تمام سٹیک ہولڈر سے مل کر آئندہ کا لائحہ عمل طے کرینگے۔ اجلاس میں سید باقر الحسینی، انجمن نوربخشیہ کے مولانا عارف حسین، انجمن نوربخشیہ کے غلام علی حیدری، انجمن اہلسنت کے مولانا خالد، انجمن اہلحدیث کے مولانا عبد الستار اور مولانا حبیب الرحمن، اراکین انجمن امامیہ اور وکلاء نے شرکت کی۔
.
ذریعہ
ذریعہ: Islam Times
کلیدی لفظ: لینڈ ریفارمز بل کو انجمن نوربخشیہ انجمن امامیہ
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی