انٹرنیشنل فنانس ایوارڈز 2025: تیز ترین ترقی کا اعزازپاک قطر فیملی تکافل کے نام
اشاعت کی تاریخ: 24th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)پاک-قطر فیملی تکافل لمیٹڈ (پی کیو ایف ٹی ایل) کو انٹرنیشنل فنانس ایوارڈز 2025ء میں “پاکستان کی تیز ترین ترقی کرنے والی فیملی تکافل کمپنی” کے پُروقار اعزاز سے نوازا گیا ہے۔ یہ بین الاقوامی سطح پر ایک غیر معمولی اعتراف ہے، جو پی کیو ایف ٹی ایل کو پاکستان کی واحد فیملی تکافل کمپنی کے طور پر ممتاز کرتا ہے ۔ یہ کامیابی کمپنی کی مسلسل ترقی، جدید حکمتِ عملی، صارفین پر مرکوز خدمات، تکافل کے شعبے میں مؤثر قیادت، اور پاکستان میں اسلامی مالیاتی نظام کے فروغ کے لیے اس کے مضبوط عزم کی واضح عکاسی کرتی ہے۔
پاک قطر فیملی تکافل کی شاندار ترقی ایک مؤثر حکمتِ عملی اور عملی مہارت کے امتزاج پر مبنی ہے۔کمپنی نے مسلسل طور پر باصلاحیت افراد کی تربیت میں سرمایہ کاری کی ہے، اپنی ٹیموں کو مضبوط تربیتی پروگراموں اور انڈسٹری میں پہلی بار متعارف کرائے گئے مصنوعات کے ذریعے بااختیار بنایا ہے، اور ہر سطح پر ’’افراد کو اولین ترجیح‘‘ دینے کے اصول کو اپنایا ہے۔اس طرزِ عمل کے ساتھ ساتھ صارفین کی سہولت کے لیے ڈیجیٹلائزیشن نے ان کے اعتماد کو مستحکم کیا ہے۔
ٹیکنالوجی کو اپنانے اور شریعت پر مبنی نگرانی کے مضبوط نظام کو برقرار رکھتے ہوئے، پاک -قطر فیملی تکافل نے نہ صرف اپنے تمام اسٹیک ہولڈرز کے ساتھ اپنے اعتماد کو مزید پختہ کیا ہے بلکہ اپنے طریقۂ کار کو بھی مؤثر انداز میں مربوط کر کے صارف پرمرکوز خدمات کی ہموار فراہمی کو یقینی بنایا ہے۔ جدت اور عزم کا یہ امتزاج پی کیو ٹی ایف ایل کو فیملی تکافل کے شعبے میں ایک اعلیٰ معیار کا درجہ دلا چکا ہے۔
پاک- قطر فیملی تکافل لمیٹڈ کے چیف ایگزیکٹو آفیسر، جناب وقاص احمدکا کہنا تھا کہ، ”یہ ایوارڈ ہماری محنتی ٹیم کی انتھک کوششوں اور پراڈکٹ کی تیاری و صارف پر مرکوز حکمتِ عملی میں ہماری جدت کا اعتراف ہے۔“ انہوں نے مزید کہا:” بہترین کارکردگی کے لیے ہماری ٹیم کاجوش و جذبہ، اور ایک ایسے پیشہ ورانہ ماحول نے، جو اخلاقی اقدار کے ساتھ ہم آہنگ ہے، ہمیں تکافل کی پاکستانی صنعت کا پیش رو بنا دیاہے۔ ہم اپنی پراڈکٹس کو مسلسل بہتر بنا کر اور ملک بھر میں مزید خاندانوں تک رسائی حاصل کر کے نئی بلندیوں تک پہنچنے کے لیے پُرعزم ہیں۔“
انٹرنیشنل فنانس ایوارڈز مالیاتی خدمات میں مثالی کامیابیوں کو اجاگر کرتے ہیں۔ معزز جیوری کی قیادت، جدت طرازی، مالی کارکردگی اور اسٹریٹجک صلاحیت کی بنیاد پر کمپنیوں کا سخت جائزہ لیتی ہے۔
یہ ایوارڈ پاک قطر فیملی تکافل کی پاکستان کے تکافل منظرنامے میں پیش پیش مقام کے طور پر حیثیت کو مزید مستحکم کرتا ہے اور ملک بھر میں خاندانوں کو اخلاقی اور قابل اعتماد مالی تحفظ اور بچت فراہم کرنے کے اس کے مشن کو تقویت دیتا ہے۔
.ذریعہ: Jasarat News
کلیدی لفظ: کے لیے
پڑھیں:
فیفا پاکستان میں فٹبال کی ترقی کیلئے تعاون پر تیار
فٹبال کی عالمی تنظیم فیفا نے پاکستان فٹبال کی ترقی میں اہم کردار ادا کرنے کا عندیہ دے دیا۔
گورننگ باڈی کے صدر گیانی انفاٹینو کا کہنا ہے کہ پاکستان میں فٹبال کو ترقی کی نئی راہوں پر گامزن کرنے کے لیے تمام اسٹیک ہولڈرز، کانگریس اراکین اور پی ایف ایف کی نئی ایگزیکٹو کمیٹی کو ایک ساتھ مل کر کام کرنا ہوگا۔
صدر فیفا گیانی انفاٹینو اور پاکستان فٹبال فیڈریشن کے نومنتخب صدر سید محسن گیلانی کے درمیان میامی میں جاری فیفا کلب ورلڈ کپ کے موقع پر ایک نہایت اہم اور نتیجہ خیز ملاقات ہوئی، جس میں پاکستان میں فٹبال کی موجودہ صورت حال، انتظامی اصلاحات اور مستقبل کی حکمت عملی پر تبادلہ خیال کیا گیا۔
انفاٹینو نے محسن گیلانی کو حالیہ انتخابات میں کامیابی اور ایگزیکٹو کمیٹی کی تشکیل پر مبارکباد پیش کی، انہوں نے پاکستان میں فٹبال گورننس میں ہونے والی مثبت پیش رفت کو سراہتے ہوئے کہا کہ فیفا کی جانب سے پاکستان فٹبال کی بحالی، بہتری اور عالمی سطح پر اسے متحرک کرنے کے لیے ہر ممکن تعاون جاری رکھا جائے گا۔
اس موقع پر فیفا صدر کا کہنا تھا کہ پاکستان میں فٹبال کو ترقی کی نئی راہوں پر گامزن کرنے کے لیے تمام اسٹیک ہولڈرز، کانگریس اراکین اور پی ایف ایف کی نئی ایگزیکٹو کمیٹی کو ایک ساتھ مل کر کام کرنا ہوگا۔
انہوں نے اس بات کا اعادہ کیا کہ فیفا، پاکستان فٹبال کو اس کے اصل مقام تک پہنچانے میں سنجیدہ اور پرعزم ہے، اس موقع پر محسن گیلانی نے فیفا صدر کو پاکستان کے دورے کی دعوت دی جو انہوں نے قبول کر لی۔
فیفا صدر نے پاکستان میں کھیلوں کے ماحول کو جاننے، کھلاڑیوں سے ملاقات اور فٹبال انفراسٹرکچر کا جائزہ لینے میں دلچسپی کا اظہار کیا، محسن گیلانی نے ملاقات کے دوران فیفا صدر کو ان کے گرم جوش استقبال اور تعاون پر شکریہ ادا کیا۔
انہوں نے پاکستان میں فٹبال ٹیلنٹ کی تلاش، نوجوان کھلاڑیوں کی تربیت، کوچنگ ڈھانچے کی بہتری، اور انفراسٹرکچر ڈیولپمنٹ کے حوالے سے اپنا ویڑن پیش کرتے ہوئے بتایا کہ نئی قیادت کے تحت پی ایف ایف ایک مربوط روڈ میپ پر عمل پیرا ہے، جس میں مقامی لیگ سسٹم کو مستحکم کرنا، کوچنگ کورسز کا انعقاد، گراس روٹ لیول پر ٹیلنٹ کی نکھار اور بین الاقوامی روابط کو فروغ دینا شامل ہے۔
Post Views: 1
مولانا فضل الرحمان کے چھوٹے فرزند اسجد محمود پر حملے کا انکشاف