ماتلی: ٹریفک قوانین کی پامالی عروج پر، بیم لائٹس کا استعمال عام ہوگیا
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
ماتلی (نمائندہ جسارت)ماتلی شہر میں ٹریفک نظم و ضبط کی خلاف ورزیاں مسلسل بڑھتی جا رہی ہیں، خاص طور پر رات کے وقت تیز اور چمکدار لائٹس والی گاڑیوں، موٹر سائیکلوں اور چنگچی رکشوں کا بے دریغ استعمال عوام کے لیے سنگین خطرہ بن چکا ہے۔ ان لائٹس کی تیز روشنی نہ صرف سامنے سے آنے والی گاڑیوں کی نظر کو متاثر کرتی ہے بلکہ ڈرائیوروں کی آنکھوں پر منفی اثر ڈال کر جان لیوا حادثات کا سبب بھی بن سکتی ہے۔شہریوں کا کہنا ہے کہ تیز لائٹس والی گاڑیاں، کوسٹرز اور موٹر سائیکلیں جب رات کے وقت مخالف سمت سے آتی ہیں تو ان کی چمکدار اور بعض اوقات نیلی، سبز یا سرخ رنگوں والی لائٹس کی وجہ سے دیگر ڈرائیوروں کو سڑک نظر آنا دشوار ہو جاتا ہے۔ بالخصوص وہ افراد جو چھوٹی گاڑیاں، رکشہ یا بائیک چلاتے ہیں، وہ اندھی روشنی کے باعث ایک لمحے کے لیے ویڑن لوس (Visibility Loss) کا شکار ہو جاتے ہیں جو کسی بڑے حادثے میں تبدیل ہو سکتا ہے۔مزید برآں، شہریوں نے اس امر پر بھی سخت تحفظات کا اظہار کیا ہے کہ بڑی گاڑیوں والے بعض افراد صرف اپنی برتری جتانے اور رعب بٹھانے کے لیے جان بوجھ کر لائٹس کو “ہائی بیم” پر رکھتے ہیں۔ یہ نہ صرف قانون کی کھلی خلاف ورزی ہے بلکہ ٹریفک شعور کی شدید کمی اور بد اخلاقی کی علامت بھی ہے۔ افسوس ناک امر یہ ہے کہ بعض تعلیم یافتہ لوگ بھی اس عمل میں پیش پیش ہوتے ہیں، جس سے ٹریفک آداب کی خلاف ورزی کا واضح پیغام جاتا ہے۔
.ذریعہ: Jasarat News
پڑھیں:
چنگان پاکستان کا گاڑیوں کی قیمتوں میں نمایاں کمی کا اعلان ، یومِ آزادی پر خصوصی آفر
اسلام آباد(ویب ڈیسک) پاکستان کی مشہور آٹوموبائل کمپنی چنگان نے یومِ آزادی کے موقع پر صارفین کے لیے خوشخبری سناتے ہوئے اپنی مقبول سیڈان چنگان السوین کے تمام ویریئنٹس پر 2 لاکھ 75 ہزار روپے تک کی رعایت دینے کا اعلان کیا ہے۔
کمپنی کے مطابق یہ محدود مدت کی آفر ہے جو 31 اگست 2025 تک ملک بھر میں موجود چنگان کے ڈیلر نیٹ ورک سے دستیاب ہوگی۔ کمپنی کا کہنا ہے کہ یہ آفر نہ صرف یومِ آزادی کی مناسبت سے متعارف کرائی گئی ہے بلکہ بڑھتی مہنگائی اور گاڑیوں کی فنانسنگ کے اخراجات کے باوجود صارفین کی دلچسپی برقرار رکھنے کے لیے بھی دی گئی ہے۔
رعایت کے بعد چنگان السوین کی ابتدائی قیمت 40 لاکھ 39 ہزار روپے مقرر کی گئی ہے۔ یہ سہولت تمام ویریئنٹس پر لاگو ہوگی اور ملک بھر کے مجاز ڈیلرز سے حاصل کی جا سکے گی۔
پاکستان میں چنگان السوین تین ویریئنٹس میں دستیاب ہے:
1.3L مینوئل کمفرٹ
1.5L ڈی سی ٹی کمفرٹ
1.5L ڈی سی ٹی لومئیر
گاڑی میں 1.3 لیٹر اور 1.5 لیٹر پیٹرول انجن کے آپشنز موجود ہیں، جبکہ ٹرانسمیشن میں 5-اسپیڈ مینوئل یا 5-اسپیڈ ڈوئل کلچ آٹومیٹک گیئر باکس شامل ہیں۔ ایندھن کی اوسط تقریباً 13 سے 15 کلومیٹر فی لیٹر بتائی جاتی ہے۔
انٹیریئر میں فیبرک سیٹس، 7 انچ ٹچ اسکرین ڈسپلے، ریئر کیمرہ، پاور ونڈوز اور اسٹیئرنگ ماؤنٹڈ کنٹرولز شامل ہیں۔ سیفٹی فیچرز میں ڈوئل فرنٹ ایئر بیگز، اے بی ایس مع ای بی ڈی، ریئر پارکنگ سینسرز اور دیگر سہولیات دی گئی ہیں۔
آٹو انڈسٹری کے ماہرین کے مطابق، چنگان کا یہ قدم نہ صرف صارفین کے لیے پرکشش موقع ہے بلکہ کمپنی کے لیے مارکیٹ میں اپنی پوزیشن مزید مضبوط کرنے کا ایک مؤثر طریقہ بھی ہے۔
Post Views: 2
باکمال لوگ لاجواب سروس، پی آئی اے کاایک اورکارنامہ سامنے آگیا