بھارتی بحریہ کا اہلکار پاکستان کے لیے جاسوسی کے الزام میں گرفتار
اشاعت کی تاریخ: 26th, June 2025 GMT
اسلام آباد (اُردو پوائنٹ ۔ DW اردو۔ 26 جون 2025ء) بھارتی میڈیا رپورٹوں کے مطابق دہلی میں بھارتی بحریہ کے ہیڈ کوارٹرز میں تعینات ایک ملازم کو جاسوسی کے الزام میں گرفتار کیا گیا ہے۔ تفتیش کاروں نے الزام لگایا ہے کہ وہ پاکستان کی انٹر سروسز انٹیلی جنس (آئی ایس آئی) کو حساس دفاعی معلومات نیز حال ہی میں ختم ہونے والے آپریشن سیندور کے دوران خفیہ اطلاعات لیک کر رہا تھا-
بھارت: پاکستان کے لیے جاسوسی کے الزام میں ایک اور یوٹیوبر گرفتار
رپورٹوں کے مطابق، ملزم، وشال یادو، نیوی ہیڈکوارٹرز میں کلرک کے عہدے پر کام کرتا ہے اور ہریانہ کا رہائشی ہے۔
پولیس کے انٹیلی جنس ونگ نے مہینوں کی نگرانی کے بعد اسے اپنی تحویل میں لے لیا۔پولیس کا کہنا ہے کہ سی آئی ڈی انٹیلی جنس یونٹ پاکستانی انٹیلی جنس ایجنسیوں (آئی ایس آئی) کی جاسوسی کی سرگرمیوں کی مسلسل نگرانی کر رہی تھی۔
(جاری ہے)
نگرانی کے دوران، انہوں نے یادو کو پکڑ لیا، جو سوشل میڈیا کے ذریعے پاکستانی انٹیلی جنس ایجنسی کی ایک خاتون ہینڈلر کے ساتھ مسلسل رابطے میں تھا۔
پولیس کے مطابق یادو نے مبینہ طور پر بحری کارروائیوں اور دیگر دفاعی اداروں سے متعلق خفیہ معلومات ایک خاتون کے ساتھ شیئر کی تھیں، جس نے اپنی شناخت پریا شرما کے طور پر ظاہر کی تھی۔ پولیس کا تاہم خیال ہے کہ وہ آئی ایس آئی کی ایک کارکن ہے۔ پولیس نے مزید کہا کہ اس خاتون نے اسے حساس معلومات کے بدلے رقم ادا کی۔
بھارت: پاکستان کے لیے جاسوسی کے الزام میں پیرا ملٹری پولیس افسر گرفتار
رپورٹ کے مطابق، اس کے سیل فون کے فرانزک معائنے سے برسوں کے مواصلات اور ڈیٹا کی منتقلی کا انکشاف ہوا، جس میں آپریشن سیندور کے دوران لیک کی گئی معلومات بھی شامل ہیں-
پولیس کا کہنا ہے کہ ابتدائی نتائج سے پتہ چلا ہے کہ یادو آن لائن گیمنگ کا عادی تھا اور اسے کافی مالی نقصان اٹھانا پڑا تھا۔
رپورٹ میں ایک پولیس افسر کے حوالے سے بتایا گیا کہ "وہ کرپٹو کرنسی ٹریڈنگ اکاؤنٹس کے ذریعے اور براہ راست اپنے بینک اکاؤنٹس کے ذریعے رقم وصول کر رہا تھا۔"متعدد انٹیلی جنس ایجنسیاں ملزم سے پوچھ گچھ کر رہی ہیں۔ اہلکار اس بات کی تحقیقات کر رہے ہیں کہ آیا ملزم دوسرے جاسوسی نیٹ ورک میں بھی شامل تھا۔
جاسوسی نیٹ ورکس کے خلاف ملک گیر کریک ڈاؤنپہلگام میں حملے کے بعد مشتبہ پاکستانی جاسوسی نیٹ ورکس کے خلاف ملک گیر کریک ڈاؤن زوروں پر ہے۔
حالیہ دنوں میں، سوشل میڈیا اور دیگر چینلز کے ذریعے پاکستانی انٹیلیجنس کارکنوں کے ساتھ مبینہ طور پر روابط رکھنے کے الزام میں ملک بھر میں متعدد افراد کو گرفتار کیا گیا ہے۔
اس سے قبل پاکستان کے لیے جاسوسی کے الزام میں راجستھان کے جیسلمیر میں ایک ریاستی سرکاری ملازم کو حراست میں لیا گیا تھا۔ جس کی شناخت شکور خان کے نام سے ہوئی تھی۔
ہریانہ میں مقیم یوٹیوبر اور بلاگر جیوتی ملہوترا کو اسی طرح کی جاسوسی کے الزام میں حراست میں لیا گیا تھا۔ تفتیش کاروں کا دعویٰ ہے کہ وہ آپریشن سیندور کے دوران نئی دہلی میں پاکستانی ہائی کمیشن میں تعینات ایک پاکستانی افسر سے رابطے میں تھی-
جیوتی ملہوترا کی گرفتاری کے چند دنوں بعد اتر پردیش پولیس کے انسداد دہشت گردی اسکواڈ (اے ٹی ایس) نے شہزاد نامی ایک شخص کو پاکستان کی انٹیلیجنس ایجنسی کے لیے مبینہ جاسوسی کرنے اور سرحد پار سے سامان اسمگل کرنے کے الزام میں مرادآباد سے گرفتار کیا تھا۔
بھارتی صوبے پنجاب کی پولیس نے جسبیر سنگھ نامی ایک یوٹیوبر کو ایک پاکستانی جاسوسی نیٹ ورک میں مبینہ طور پر ملوث ہونے کے الزام میں موہالی سے گرفتار کیا تھا۔ جسبیر سنگھ 'جان محل ویڈیو' کے نام سے ایک یوٹیوب چینل چلاتے ہیں۔
ادارت: صلاح الدین زین
.
ذریعہ
ذریعہ: UrduPoint
کلیدی لفظ: تلاش کیجئے پاکستان کے لیے جاسوسی کے الزام میں انٹیلی جنس جاسوسی نیٹ گرفتار کیا کے دوران کے ذریعے کے مطابق
پڑھیں:
سینٹ پیٹرزبرگ انٹرنیشنل اکنامک فورم، پاکستانی اعلیٰ سطحی وفد شرکت کریگا
سینٹ پیٹرزبرگ روس کا سب سے بڑا اور عالمی سطح پر اہم اقتصادی ایونٹ، سینٹ پیٹرزبرگ انٹرنیشنل اکنامک فورم 2026ء کل 3 جون سے روس کے تاریخی شہر سینٹ پیٹرزبرگ میں شروع ہو رہا ہے، جس میں دنیا بھر کے 130 سے زائد ممالک کے حکومتی، کاروباری اور اقتصادی راہنما شرکت کریں گے، پاکستان بھی فورم میں اعلیٰ سطحی وفد کے ساتھ شرکت کر رہا ہے۔ اسلام ٹائمز۔ پاکستانی وفد کی قیادت وفاقی وزیر توانائی (پیٹرولیم ڈویژن) علی پرویز ملک کریں گے، وفد میں وزیراعظم کے معاون خصوصی برائے صنعت و پیداوار ہارون اختر، روس میں پاکستان کے سفیر فیصل نیاز ترمذی، سفارتخانے کی وزیر تجارت و سرمایہ کاری شبانہ ممتاز، قونصلر حبیب منیر، سیکنڈ سیکرٹری جوشوا ایڈون آرتھر اور سینٹ پیٹرزبرگ میں پاکستان کے اعزازی قونصل جنرل عبدالرؤف رند بھی شامل ہیں۔ 4 روزہ فورم میں عالمی معیشت، توانائی، تجارت، سرمایہ کاری، ڈیجیٹل ٹیکنالوجی، مصنوعی ذہانت، صنعتی ترقی، ٹرانسپورٹ، خوراک اور بین الاقوامی اقتصادی تعاون سمیت متعدد اہم موضوعات پر اعلیٰ سطحی اجلاس، مباحثے اور کاروباری ملاقاتیں منعقد ہوں گی۔
روسی صدر ولادیمیر پوتن فورم کے مرکزی پلینری اجلاس سے خطاب کریں گے، جبکہ دنیا کے مختلف ممالک سے تعلق رکھنے والے حکومتی راہنما، وزراء، سرمایہ کار، صنعتکار اور بین الاقوامی تنظیموں کے نمائندے بھی فورم میں شریک ہوں گے۔ پاکستانی وفد کی شرکت کو روس اور پاکستان کے درمیان اقتصادی اور تجارتی تعلقات کے فروغ کے لیے اہم قرار دیا جا رہا ہے، توقع ہے کہ فورم کے دوران پاکستانی نمائندے روسی حکام، سرمایہ کاروں اور کاروباری شخصیات کے ساتھ ملاقاتیں کریں گے، جن میں توانائی، پیٹرولیم، صنعت، تجارت اور سرمایہ کاری کے شعبوں میں تعاون بڑھانے کے امکانات پر بات چیت ہوگی۔ مبصرین کے مطابق پاکستان اس وقت توانائی، معدنیات، انفراسٹرکچر اور صنعتی شعبوں میں بیرونی سرمایہ کاری کے حصول پر خصوصی توجہ دے رہا ہے جبکہ روس کے ساتھ اقتصادی تعاون کے نئے مواقع تلاش کرنا بھی حکومتی ترجیحات میں شامل ہے۔
فورم میں شرکت پاکستان کو نہ صرف روس بلکہ دیگر ممالک کے سرمایہ کاروں اور کاروباری اداروں کے ساتھ براہ راست رابطوں کا موقع فراہم کرے گی، ماہرین کا کہنا ہے کہ ایسے بین الاقوامی پلیٹ فارمز پاکستان کے لیے سرمایہ کاری، برآمدات اور اقتصادی شراکت داریوں کے فروغ میں اہم کردار ادا کر سکتے ہیں۔واضح رہے کہ سینٹ پیٹرزبرگ انٹرنیشنل اکنامک فورم 3 سے 6 جون تک جاری رہے گا اور اسے روس کا سب سے بڑا بین الاقوامی اقتصادی فورم تصور کیا جاتا ہے، اس سال فورم کا موضوع "عملی مکالمہ ایک مستحکم مستقبل کی جانب"رکھا گیا ہے، جس میں عالمی معیشت کو درپیش چیلنجز اور مستقبل کے مواقع پر خصوصی توجہ دی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ