عینا آصف کی اصل عمر کیا ہے؟ اداکارہ کا انکشاف
اشاعت کی تاریخ: 26th, June 2025 GMT
وہ ضدی سی اور حالیہ ڈرامے پرورش سے مشہور ہونے والی پاکستان شوبز کی کم عمر اداکارہ عینا آصف نے اپنی اصل عمر بتا دی۔
حال ہی میں عینا ایک پروگرام میں شریک ہوئیں جہاں میزبان نے ان سے سوال کیا کہ آپ کی عمر سے متعلق کہا جاتا ہے کہ آپ صرف 12 سال کی ہیں جبکہ جب آپ نے ڈرامے کرنا شروع کیے تھے تب افواہیں تھیں کہ آپ 16 کی ہیں، آپ کی اصل عمر کیا ہے؟
جس پر عینا آصف نے کہا کہ کیرئیر کے شروعات سے ہی ان کی عمر لوگوں کی دلچسپی کا موضوع رہا ہے جس کی وجہ سے پہلے وہ پریشان ہوجاتی تھیں تاہم اب انہیں ان باتوں سے فرق نہیں پڑتا۔
عینا کا کہنا تھا کہ میں 16 برس کی ہوں اور اس سال 17 کی ہوجاؤں گی۔ اداکارہ نے مزید کہا کہ میں ہر سال اپنی سالگرہ مناتی ہوں ایسا نہیں ہے کہ کبھی تاریخ یا سال بدل دیا گیا ہو۔
یاد رہے کہ گزشتہ دنوں عینا آصف اور ان کے کم عمر ساتھی اداکار ثمر جعفری کے درمیان تعلقات کی افواہیں سوشل میڈیا پر گردش کر رہی تھیں جس کو ثمر جعفری نے مسترد کرتے ہوئے کہا کہ وہ اور عینا آصف صرف اچھے دوست ہیں۔
TagsShowbiz News Urdu.
ذریعہ: Al Qamar Online
پڑھیں:
سحر خان صبا قمر کے حق میں بول پڑیں، سوشل میڈیا صارفین کو خبردار کردیا
سحر خان نے اداکارہ صبا قمر کی حمایت کرتے ہوئے سائبر کرائم کے نتائج سے خبردار کیا ہے۔ یہ بیان اس وقت سامنے آیا جب صبا قمر نے ایک ہفتہ قبل صحافی نعیم حنیف کو قانونی نوٹس بھیجا، جس میں یوٹیوب پر ان کے خلاف توہین آمیز تبصروں پر معافی اور ہرجانے کا مطالبہ کیا گیا تھا۔
سحر خان نے پیر کے روز سوشل میڈیا پر اپنی اسٹوری میں لکھا کہ انہیں ان لوگوں سے احترام ختم ہوتا جا رہا ہے جو سوچے سمجھے بغیر بولتے ہیں۔ انہوں نے کہا کہ یہ ناقابل قبول ہے کہ کوئی شخص انٹرنیٹ پر آ کر کسی کے بارے میں کچھ بھی کہہ دے۔ ان کا کہنا تھا کہ ایسے انتہا پسند اور زہریلے ذہنوں کو ضرور سوال کیا جانا چاہیے۔
یہ بھی پڑھیں: بے بنیاد الزامات کیوں لگائے؟ اداکارہ صبا قمر نے صحافی کو 10 کروڑ روپے ہرجانے کا نوٹس بھیج دیا
ڈرامہ جن کی شادی ان کی شادی کی اداکارہ نے یاد دلایا کہ نعیم حنیف نے جون میں ٹک ٹاک کریئیٹر ثنا یوسف کے قتل کے بعد اس پر الزام لگایا تھا کہ اس کی سوشل میڈیا سرگرمیاں اس کی موت کی وجہ بنیں۔ ایک اور ویڈیو میں انہوں نے سماجی رابطوں کی معروف شخصیت قندیل بلوچ کے بارے میں بھی یہی الزام لگایا، جنہیں 2016 میں ان کے بھائی نے قتل کیا تھا۔
سحر خان نے ان تبصروں کو شرمناک اور گھٹیا قرار دیا اور کہا کہ ہر شخص کو سائبر کرائم قوانین کے تحت اپنے حقوق سے آگاہ ہونا چاہیے۔ انہوں نے بتایا کہ وہ اس حوالے سے آگاہی پھیلانے والے ایک منصوبے پر کام کر رہی ہیں اور انہیں صبا قمر پر فخر ہے کہ انہوں نے اس معاملے پر آواز اٹھائی۔
سحرخان نے کہا کہ ہمیں ایسے مستقبل کی طرف بڑھنا چاہیے جہاں رحم دلی اور ہمدردی، قیاس آرائی اور چغلی کی جگہ لے۔ ان کا کہنا تھا کہ الفاظ زخم بھی دے سکتے ہیں اور شفا بھی، اس لیے انہیں سمجھداری سے چننا چاہیے۔ انہوں نے سائبر کرائم ایکٹ 2016 کی دفعہ 20 کا حوالہ دیا جس کے مطابق کسی کو آن لائن بدنام کرنے پر 3 سال تک قید، جرمانہ یا دونوں سزائیں ہو سکتی ہیں۔
یہ بھی پڑھیں: ٹک ٹاکرز کی نازیبا ویڈیوز لیک ہونے پر مشی خان میدان میں آگئیں، خواتین کو اہم مشورہ
دوسری جانب سینئر اداکارہ میرا نے انسٹاگرام پر صبا قمر پر تنقید کرتے ہوئے کہا کہ وہ غلط شخص سے الجھ گئی ہیں۔ میرا نے نعیم حنیف کو اصولوں کا پکا اور پاکستانی میڈیا کی معتبر شخصیت قرار دیا۔ ان کے علاوہ تقریباً تمام شوبز شخصیات صبا قمر کے مؤقف کی حمایت کر رہی ہیں۔
اتوار کے روز صبا قمر نے اپنی انسٹاگرام اسٹوریز میں نعیم حنیف کے اداکارہ فضا علی اور جوڑی شعیب ملک و ثنا جاوید کے خلاف توہین آمیز تبصروں کو نمایاں کیا۔ انہوں نے ایک ویڈیو کلپ بھی شیئر کیا جس میں وہ ثناء یوسف کے قتل پر نامناسب گفتگو کررہا تھا۔
صبا قمر نے کہا کہ نعیم حنیف جھوٹی خبریں پھیلانے، سستی شہرت حاصل کرنے اور محنتی لوگوں کی تذلیل کرنے کی عادت رکھتا ہے۔ انہوں نے کہا کہ وہ ثناء جاوید کو ذاتی طور پر جانتی ہیں اور جانتی ہیں کہ جھوٹے الزامات نے انہیں ذہنی اذیت میں مبتلا کیا۔
صبا قمر نے کہا کہ انہیں کئی لوگوں نے بتایا ہے کہ نعیم حنیف نے آن اور آف اسکرین غیر مناسب رویہ اختیار کیا۔ انہوں نے کہا کہ اگر کسی اور کے ساتھ بھی ایسا تجربہ ہوا ہے تو وہ آگے آئیں
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اداکارہ سائبرکرائم سحر خان شادی صبا قمر
گوگل کا پاکستان کو ایکسپورٹ ہب کی شکل دینے کی خواہش کا اظہار، وزیر خزانہ