بل گیٹس کی شادی، جب تقریب کیلئے پورا ایک جزیرہ بُک کروالیا گیا
اشاعت کی تاریخ: 13th, July 2025 GMT
بل گیٹس کی شادی کا قصہ کافی دلچسپ اور شاہانہ ہے، خاص طور پر جب یہ بات سامنے آئی کہ اُنہوں نے اپنی شادی کے موقع پر پورا ایک جزیرہ بُک کروا دیا تھا۔
بل گیٹس نے 1994 میں میلنڈا فرنچ سے شادی کی تھی اور اس تقریب کو انتہائی پرائیویٹ اور پرتعیش بنانے کیلئے انہوں نے امریکی ریاست ہوائی کے ایک جزیرے لانائی کو مکمل طور پر بُک کروا لیا تھا۔
بل گیٹس اور میلنڈا کی شادی 1 جنوری 1994 کو ہوئی تھی۔ اُس وقت بل گیٹس مائیکروسافٹ کے بانی کے طور پر دنیا کے امیر ترین افراد میں شامل ہو چکے تھے۔
مختلف رپورٹس کے مطابق جزیرہ بک کرنے کیلئے 10 لاکھ امریکی ڈالرز سے زائد خرچ کیے گئے۔
شادی کی سیکیورٹی، رازداری اور مہمانوں کی سہولت کے لیے بڑی تعداد میں عملہ، پرائیویٹ جہاز، ہیلی کاپٹرز اور دیگر آسائشیں فراہم کی گئیں۔
بل گیٹس نے میڈیا سے دُور، مکمل پرائیویسی کے ساتھ شادی کو انجام دینے کیلئے جزیرے پر تمام عام سیاحوں کا داخلہ بند کروایا تھا جبکہ تمام ہوٹل، گولف کورسز اور ریزورٹس کو عارضی طور پر پرائیویٹ استعمال کیلئے مخصوص کروا لیا گیا تھا۔
فضائی فوٹوگرافی روکنے کیلئے ہیلی کاپٹرز کی پروازوں پر بھی پابندی لگوائی گئی۔
کیا یہ شادی کامیاب رہی؟
یہ شادی تقریباً 27 سال تک قائم رہی مگر 2021 میں بل اور میلنڈا گیٹس نے علٰحدگی کا اعلان کر دیا جو کہ دنیا بھر میں خبروں کی زینت بنا رہا۔
.
ذریعہ
ذریعہ: Express News
کلیدی لفظ: بل گیٹس
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی