کراچی کے مختلف علاقوں میں گیس کی فراہمی 24 گھنٹے بند رہے گی
اشاعت کی تاریخ: 11th, August 2025 GMT
ویب ڈیسک:کراچی میں 24 انچ قطر کی مین گیس سپلائی لائن کی ری روٹنگ کے باعث شہر کے متعدد علاقوں میں اتوار کی رات 10 بجے سے پیر کی رات 10 بجے تک سپلائی بند رہے گی۔
سوئی سدرن گیس کمپنی (ایس ایس جی سی) کی جانب سے جاری بیان میں کہا گیا ہے کہ کراچی کے علاقے جام صادق میں 24 انچ قطر کی مین گیس سپلائی لائن کی ری روٹنگ کے کام کا آخری مرحلہ اتوار کی رات کے لیے پلان کیا گیا ہے اور توقع ہے کہ پیر کی شام تک مکمل ہوجائے گا۔
فیلڈ مارشل عاصم منیر کادورہ امریکا،اعلیٰ سیاسی و عسکری قیادت سے ملاقاتیں
ترجمان سوئی سدرن گیس کا کہنا تھا کہ جام صادق میں گیس سپلائی لائن کے کام کو انجام دینے کے لیے 10 اگست بروز اتوار کو رات 10 بجے سے 11 اگست بروز پیر کی رات 10 بجے تک یعنی 24 گھنٹے گیس کی مکمل بندش رہے گی۔
ترجمان کی جانب سے مزید کہا گیا کہ اس دوران مندرجہ ذیل علاقوں میں گیس معطل رہے گی۔
ڈی ایچ اے فیز ون
ڈیفنس ویو
اختر کالونی
اعظم بستی
قیوم آباد
کلفٹن - بلاک 3،5،6
ترجمان کا کہنا تھا کہ اس دوران صارفین کو درپیش آنے والی تکالیف کے لیے ادارہ معزرت خواہ ہے اور صارفین سے گزارش کی جاتی ہے کہ وہ متبادل ایندھن کا انتظام کرلیں۔
صبح سویرے شہر میں بارش سے موسم خوشگوار،رواں ہفتے مزید بارشوں کی پیشگوئی
.
ذریعہ
ذریعہ: City 42
پڑھیں:
ملک کے مختلف علاقوں میں بارش، گرمی اور گلیشیائی جھیلوں کے پھٹنے کے خطرات کی پیشگوئی
ملک بھر میں شدید گرمی کی لہر جاری ہے، جہاں بلوچستان کے شہر نوکنڈی اور سبی 48 ڈگری سینٹی گریڈ کے ساتھ سب سے گرم مقامات رہے۔
محکمہ موسمیات نے کوئٹہ سمیت مختلف علاقوں میں درجہ حرارت میں اضافے کی پیشگوئی کی ہے، جبکہ این ڈی ایم اے نے آئندہ دنوں کے لیے بارش، گرمی اور ممکنہ خطرناک موسمی صورتحال کے حوالے سے الرٹ جاری کر دیا ہے۔
بلوچستان کے شہر نوکنڈی اور سبی گزشتہ روز ملک کے گرم ترین شہر رہے، جہاں درجہ حرارت 48 ڈگری سینٹی گریڈ ریکارڈ کیا گیا۔
محکمہ موسمیات کے مطابق گزشتہ روز دالبندین میں زیادہ سے زیادہ درجہ حرارت 47 ڈگری سینٹی گریڈ ریکارڈ کیا گیا، جبکہ صوبائی دارالحکومت کوئٹہ میں رواں موسم کی اب تک کی سب سے زیادہ گرمی دیکھی گئی، جہاں پارہ 39 ڈگری سینٹی گریڈ تک پہنچ گیا۔
محکمہ موسمیات نے پیشگوئی کی ہے کہ کوئٹہ میں آج زیادہ سے زیادہ درجہ حرارت 37 سے 39 ڈگری سینٹی گریڈ کے درمیان رہنے کا امکان ہے۔
دوسری جانب قومی آفات سے نمٹنے کے ادارے این ڈی ایم اے نے 7 جون تک ملک کے مختلف علاقوں میں ممکنہ موسمی صورتحال کے حوالے سے تفصیلی جائزہ رپورٹ جاری کر دی ہے۔
رپورٹ کے مطابق آئندہ ہفتے کے دوران ملک کے جنوبی اور مشرقی علاقوں میں ہواؤں کے دو الگ سلسلے داخل ہوں گے۔ ایک طرف کمزور مرطوب ہوائیں جنوبی اور مشرقی علاقوں کو متاثر کریں گی، جبکہ دوسری جانب مغربی ہواؤں کا سلسلہ ملک کے شمالی حصوں پر اثر انداز ہوگا۔
رپورٹ میں بتایا گیا ہے کہ شمالی بلوچستان کے علاقوں بارکھان اور کوہلو میں بارش کا امکان ہے۔
این ڈی ایم اے کے مطابق 3 اور 4 جون کے دوران شمالی بلوچستان، جنوبی پنجاب اور شمالی علاقوں میں موسم ابر آلود رہنے کا امکان ہے۔ اسی دوران بلوچستان، سندھ اور جنوبی پنجاب میں گرمی کی شدت میں مزید اضافہ متوقع ہے۔
مزید بتایا گیا ہے کہ بالائی خیبرپختونخوا، کشمیر، خطہ پوٹھوہار اور مشرقی پنجاب میں 5 سے 7 جون کے دوران گرج چمک کے ساتھ بارش ہو سکتی ہے۔
الرٹ میں خبردار کیا گیا ہے کہ شمالی علاقوں میں لینڈ سلائیڈنگ اور ندی نالوں میں پانی کے بہاؤ میں اضافے کا خدشہ موجود ہے۔ گلگت بلتستان اور بالائی خیبرپختونخوا میں گلیشیائی جھیلوں کے پھٹنے (گلاف) کا خطرہ بھی برقرار ہے۔
شسپر، گلکن، درکوٹ، ریشن اور بدسوات سمیت مختلف گلیشیائی علاقوں کو حساس قرار دیا گیا ہے۔ بالائی علاقوں میں بارشوں کے باعث مقامی ندی نالوں میں طغیانی اور سفر کے دوران مشکلات پیدا ہونے کا بھی امکان ظاہر کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
این ڈی ایم اے پاکستان کا موسم
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ