سٹاک مارکیٹ نئی بلند ترین سطح 146900 پوائنٹس پر بند، سونا 3600 روپے تولہ سستا
اشاعت کی تاریخ: 12th, August 2025 GMT
کراچی (کامرس رپورٹر) کاروباری ہفتے کے پہلی ہی دن پاکستان سٹاک ایکسچینج نے بلندیوں کا نیا ریکارڈ قائم کر دیا۔ کاروبار کے دوران مارکیٹ کے سرمائے میں 186ارب روپے سے زائد کا اضافہ ریکارڈ کیا گیا جبکہ 50.52 فیصد حصص کی قیمتیں بھی بڑھ گئیں۔ کے ایس ای 100 انڈیکس میں 1547پوائنٹس کا اضافہ ہوا جس کے بعد انڈیکس 145,382 پوائنٹس سے بڑھ کر 146,929پوائنٹس کی تاریخ ساز سطح پر بند ہوا۔ اسی طرح 489پوائنٹس کے اضافے سے کے ایس ای 30انڈیکس 45ہزار 104پوائنٹس اور کے ایس ای آل شیئرز انڈیکس 89ہزار 824 پوائنٹس سے بڑھ کر 90ہزار 792پوائنٹس پرجا پہنچا۔ دوسری طرف ایک تولہ سونا 3600 روپے سستا ہو گیا جس کے بعد سونے کی فی تولہ قیمت کم ہو کر 3لاکھ 58ہزار 800 روپے ہو گئی۔آل پاکستان جیمز اینڈ جیولرز ایسوسی ایشن کے مطابق پیر کو 3086 روپے کمی سے 10 گرام سونا 3لاکھ 7ہزار 613 روپے کا ہو گیا جبکہ عالمی مارکیٹ میں 36ڈالر گھٹ کر فی اونس سونا 3361ڈالر پر آگیا۔
.
ذریعہ
ذریعہ: Nawaiwaqt
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم