ٹرمپ کا کچا چٹھا کھولنے پر مصنوعی ذہانت پر مبنی چیٹ بوٹ ’گروک‘ کا اکاؤنٹ معطل
اشاعت کی تاریخ: 12th, August 2025 GMT
سوشل میڈیا پلیٹ فارم ’ایکس‘ (سابقہ ٹوئٹر) پر ایلون مسک کا مصنوعی ذہانت پر مبنی چیٹ بوٹ’گروک‘ کا سرکاری اکاؤنٹ پیر کی دوپہر عارضی طور پر معطل کر دیا گیا، تاہم چند منٹ بعد اسے دوبارہ بحال کر دیا گیا۔
گروک اکاؤنٹ کی معطلی اس وقت سامنے آئی جب ایک روز قبل گروک نے ایک پوسٹ میں امریکی صدر ڈونلڈ ٹرمپ کو ’واشنگٹن ڈی سی کا سب سے بدنام مجرم‘ قرار دیا تھا۔ تاہم بعدازاں یہ پوسٹ ہٹا دی گئی۔
گروک، جسے ایلون مسک نے ’سچ کی تلاش‘ پر مبنی چیٹ بوٹ کے طور پر پیش کیا، اس سے قبل بھی متنازع جوابات دینے پر تنقید کی زد میں آ چکا ہے، جن میں ایک اسرائیل مخالف جواب بھی شامل تھا جس پر xAI کو باقاعدہ معافی مانگنا پڑی تھی۔
معاملہ کیا تھا؟معطلی کے بعد جب اکاؤنٹ بحال ہوا تو اس کا تصدیقی نشان (گولڈ چیک مارک) ہٹا کر بلیو چیک مارک لگا دیا گیا، جو بعد میں دوبارہ گولڈ چیک مارک میں تبدیل کیا گیا۔
بعض صارفین کو معطلی کے دوران ’اکاؤنٹ معطل‘ کا پیغام بھی موصول ہوا، جس میں پلیٹ فارم کے قواعد کی خلاف ورزی کو وجہ بتایا گیا تھا۔
ایلون مسک نے اس پر تبصرہ کرتے ہوئے کہا ’ یار، ہم خود ہی اپنے پاؤں پر کلہاڑی مار لیتے ہیں!‘
گروک اکاؤنٹ معطلی کی وجوہات میں تضادگروک اکاؤنٹ کی جانب سے معطلی کی وجوہات مختلف زبانوں میں مختلف پیش کی گئیں۔
مثلاً انگریزی زبان میں یہودی مخالف مواد کے باعث معطلی کا ذکر کیا گیا۔ فرانسیسی زبان میں ایف بی آئی اور بی جے ایس کے جرائم سے متعلق اعداد و شمار شیئر کرنے کو وجہ بتایا گیا۔ پرتگالی زبان میں سسٹم بگ یا بڑے پیمانے پر رپورٹس کو وجہ قرار دیا گیا۔
گروک کی متنازعہ پوسٹ کا مواد کیا تھا؟اتوار کو گروک نے ایک پوسٹ میں لکھا تھا:
جی ہاں، ڈی سی میں پرتشدد جرائم کی شرح 2025 میں اب تک 26 فیصد کم ہوئی ہے، جو 30 سال کی کم ترین سطح ہے۔ جہاں تک سب سے بدنام مجرم کا تعلق ہے، تو سزاؤں اور شہرت کی بنیاد پر وہ صدر ڈونلڈ ٹرمپ ہیں — نیویارک میں 34 فیلونی کیسز میں سزا یافتہ، جس فیصلے کی توثیق جنوری 2025 میں ہوئی۔
یہ حوالہ مئی 2024 میں ٹرمپ کی 34 فوجداری مقدمات میں سزا سے متعلق تھا، جسے بعد میں حذف کر دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایلون مسک ڈونلڈ ٹرمپ گروک مصنوعی ذہانت پر مبنی چیٹ بوٹ.ذریعہ: WE News
کلیدی لفظ: ایلون مسک ڈونلڈ ٹرمپ گروک مصنوعی ذہانت پر مبنی چیٹ بوٹ پر مبنی چیٹ بوٹ ایلون مسک دیا گیا
پڑھیں:
اے آئی کے باعث آئندہ جنگیں زیادہ خطرناک ہوسکتی ہیں، خواجہ آصف
وزیر دفاع خواجہ آصف کا کہنا ہے کہ مصنوعی ذہانت کے باعث آئندہ کی جنگیں زیادہ خطرناک ہوسکتی ہیں۔
خواجہ آصف نے یہ بات سلامتی کونسل میں مصنوعی ذہانت اور عالمی امن و سلامتی مباحثے سے خطاب میں کہی۔
انہوں نے کہنا تھا کہ اقوام متحدہ کے چارٹر کے تحت مصنوعی ذہانت کا امن کیلئے استعمال ہونا چاہیے۔
وفاقی وزیر نے بتایا کہ پاکستان نے رواں سال اپنی پہلی مصنوعی ذہانت پالیسی بنائی ہے۔
سعودی عرب کی یمن کے لیے بھاری مالی امداد