آئرش فٹبال ایسوسی ایشن نے اسرائیل کی معطلی کی قرارداد منظور کر لی
اشاعت کی تاریخ: 9th, November 2025 GMT
آئرلینڈ کی فٹبال کی اعلیٰ تنظیم فٹبال ایسوسی ایشن آف آئرلینڈ کے ارکان نے بھاری اکثریت سے ووٹ دے کر اپنی بورڈ کو ہدایت کی ہے کہ وہ یوایفا سے فوری طور پر اسرائیل کو یورپی مقابلوں سے معطل کرنے کا مطالبہ کرے۔
ایف اے آئی کے بیان کے مطابق، یہ قرارداد بوہیمین ایف سی نامی آئرش کلب نے پیش کی، جس کے حق میں 74 ووٹ ڈالے گئے، 7 ارکان نے مخالفت کی جبکہ 2 نے ووٹنگ سے پرہیز کیا۔
یہ بھی پڑھیے: برطانوی پابندی کے باوجود آئرش مصنفہ سیلی رونی کی فلسطین ایکشن کے ساتھ یکجہتی
قرارداد میں الزام لگایا گیا ہے کہ اسرائیلی فٹبال ایسوسی ایشن نے یوایفا کے قوانین کی 2 شقوں کی خلاف ورزی کی ہے؛ ایک نسل پرستی کے خلاف مؤثر پالیسی پر عملدرآمد میں ناکامی، اور دوسرا اسرائیلی کلبوں کا مقبوضہ فلسطینی علاقوں میں بغیر اجازت میچ کھیلنا۔
یوایفا کے ترجمان نے اس معاملے پر تبصرے سے گریز کیا۔ تاہم، اطلاعات کے مطابق گزشتہ ماہ یوایفا نے اسرائیل کو یورپی مقابلوں سے معطل کرنے پر غور کیا تھا، لیکن 10 اکتوبر کو امریکہ کی ثالثی سے ہونے والی جنگ بندی کے بعد یہ بحث مؤخر کر دی گئی۔
دیگر ممالک کی حمایتآئرش فٹبال ایسوسی ایشن کا یہ اقدام ناروے اور ترکی کی فٹبال تنظیموں کے اُن مطالبات کے بعد سامنے آیا ہے جنہوں نے ستمبر میں اسرائیل کو بین الاقوامی مقابلوں سے معطل کرنے کی اپیل کی تھی۔
یہ بھی پڑھیے: روس پر پابندی لگی تھی تو اسرائیل پر کیوں نہیں؟ قانونی ماہرین کا اسرائیلی فٹ بالز کلبز پر پابندی کا مطالبہ
اقوامِ متحدہ کے ماہرین نے بھی فیفا اور یوایفا سے اسرائیل کے خلاف کارروائی کرنے کی اپیل کی تھی، ان کے مطابق اقوامِ متحدہ کی تحقیقاتی رپورٹ نے کہا تھا کہ اسرائیل نے غزہ کی جنگ کے دوران نسل کشی کی۔
اسرائیل نے ان الزامات کو جھوٹا اور شرمناک قرار دیا ہے۔
اگر یوایفا نے اسرائیل پر پابندی عائد کی تو اسے امریکی حکومت کی سخت مخالفت کا سامنا کرنا پڑ سکتا ہے۔ امریکا 2026 کے فیفا ورلڈ کپ کا شریک میزبان ہے اور اسرائیل کے خلاف کسی بھی اقدام کی مخالفت کرتا ہے۔
یہ بھی پڑھیے: اسرائیل کے غزہ پر وحشیانہ حملے جاری، فٹبالر سمیت مزید 150 فلسطینی شہید
امریکی ریپبلکن سینیٹر لِنزی گراہم نے ایف اے آئی کے فیصلے کو شدید تنقید کا نشانہ بناتے ہوئے کہا کہ وہ ایسے تمام اداروں کو معاشی نقصان پہنچانے کے لیے اپنا اثر و رسوخ استعمال کریں گے جو کھیلوں میں اسرائیل کو الگ کرنے کی کوشش کر رہے ہیں۔
آئرلینڈ طویل عرصے سے یورپی یونین میں اسرائیل کے غزہ میں اقدامات کا سب سے سخت ناقد رہا ہے، تاہم ذرائع کے مطابق امریکہ کے دباؤ کے بعد آئرش حکومت کی جانب سے اسرائیلی بستیوں پر ممکنہ پابندیوں کا بل نرم کرنے پر غور کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل پابندی غزہ فٹ بال فلسطین.
ذریعہ
ذریعہ: WE News
کلیدی لفظ: اسرائیل پابندی فٹ بال فلسطین فٹبال ایسوسی ایشن اسرائیل کے اسرائیل کو کے مطابق
پڑھیں:
دفتری نظم و ضبط کی پابندی کی ہدایت ،نیاسرکلرجاری
اسٹیبلشمنٹ ڈویژن(Establishment Division) نے دفتری نظم و ضبط اور پیشہ ورانہ ماحول کو بہتر بنانے کے لیے نیا سرکلر جاری کرتے ہوئے تمام افسران اور اہلکاروں کو مقررہ دفتری اوقات، بائیومیٹرک حاضری اور لباس کے ضوابط پر سختی سے عمل کرنے کی ہدایت کر دی ہے۔
جاری کردہ سرکلر کے مطابق تمام ملازمین کے لیے صبح 8 بجے سے شام 4 بجے تک کے سرکاری اوقاتِ کار پر مکمل عمل درآمد لازمی ہوگا، جبکہ مقررہ وقت پر دفاتر میں حاضری یقینی بنانے کے لیے بائیومیٹرک حاضری کے نظام پر سختی سے عمل کرنے کی بھی ہدایت کی گئی ہے۔
سرکلر میں سرکاری ملازمین کے لیے ڈریس کوڈ بھی واضح کیا گیا ہے۔ ہدایات کے مطابق افسران اور اہلکار یا تو لاؤنج سوٹ پہنیں یا پھر شلوار قمیض کے ساتھ ویسٹ کوٹ زیب تن کریں تاکہ دفاتر میں پیشہ ورانہ اور باوقار ماحول برقرار رکھا جا سکے۔
مزیدپڑھیں:آج کہاں کہاں بادل برسیں گے ،محکمہ موسمیات نے بڑی پیشگوئی کردی
اسٹیبلشمنٹ ڈویژن نے دفتری ماحول کو بہتر بنانے کے لیے راہداریوں میں شور شرابے اور بلند آواز میں گفتگو سے بھی گریز کرنے کی ہدایت کی ہے، تاکہ سرکاری امور کی انجام دہی کے دوران پرسکون اور منظم ماحول برقرار رہے۔
سرکلر میں واضح کیا گیا ہے کہ یہ تمام ہدایات فوری طور پر نافذ العمل ہیں اور متعلقہ افسران کو ان پر مکمل عمل درآمد یقینی بنانے کی ذمہ داری سونپی گئی ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم