عمران خان کی سابقہ اہلیہ نے طلاق کے تجربے پر لب کشائی کردی
اشاعت کی تاریخ: 11th, January 2025 GMT
بھارت(نیوز ڈیسک)بالی وڈ اداکار عمران خان نے 2011ء میں اوانتیکا ملک سے شادی کی تھی لیکن 2019 میں دونوں نے علیحدگی اختیار کر لی۔حال ہی میں اوانتیکا نے اپنی زندگی کے ایک مشکل وقت کے بارے میں بات کی، حالانکہ انہوں نے عمران خان یا ان کی طلاق کا براہ راست ذکر نہیں کیا لیکن انہوں نے انکشاف کیا کہ سال 2019ء نے انہیں توڑ کر رکھ دیا تھا۔اوانتیکا نے فوٹو اینڈ ویڈیو شیئرنگ ایپ انسٹاگرام پر ایک جذباتی پوسٹ شیئر کی جس میں لوگوں کو معاف کرنے اور زندگی کا سامنا کرنے کی بات کی گئی۔
ان کی پوسٹ میں لکھا تھا کہ حقیقت یہ ہے کہ یہاں ہماری زندگی دراصل زیادہ نہیں ہے تو اگر آپ کو اس دنیا میں اپنی عمر بڑھانے کا موقع ملے تو آپ اس کے لیے تیار رہیں، یہاں اپنے وقت کے ساتھ انصاف کریں، اپنے دل کو خطرے میں ڈالیں، اظہار کریں، دوسروں کا خیال رکھیں اور انہیں بہتر حالت میں چھوڑیں جتنا کہ آپ نے انہیں پایا تھا، وہ سب کچھ بنیں جو آپ ہیں، اسی طرح محبت کریں جیسا آپ محبت کرنے کی امید رکھتے ہیں اور لوگوں سے ارادے اور گہرائی کے ساتھ محبت کریں۔
انہوں نے لکھا کہ آخری بار جب انہوں نے مجھے 2019 میں دیکھا تھا، وہ سال جب میں ٹوٹ گئی اور بکھر گئی تھی اور پھر انہوں نے مجھے اب دیکھا اور دونوں نے مجھ سے یہی کہا کہ وہ آخرکار مجھے حقیقی طور پر دیکھ رہے ہیں، جو کہ میری اصل شخصیت ہے اور جو خوشی وہ دیکھتے ہیں وہ میری آنکھوں میں جھلک رہی ہے، لیکن سب سے بہترین بات جو انہوں نے کہی، وہ یہ تھی کہ میں زندگی جی رہی ہوں۔اوانتیکا نے مزید لکھا کہ ان کے دوستوں کے مشاہدات نے انہیں اس مقام تک پہنچنے کے سفر پر غور کرنے پر مجبور کیا۔واضح رہے کہ عمران خان اور اوانتیکا ملک بچپن کے دوست تھے، شادی کی ایک شاندار تقریب میں وہ دونوں رشتہ ازدواج میں منسلک ہوئے تھے، تاہم شادی کے 8 سال بعد دونوں نے علیحدگی کا فیصلہ کیا، ان کی ایک بیٹی عمارہ ہے۔
ٹک ٹاک نے 19 جنوری کو امریکا میں ایپ بند کرنے کا عندیہ دیدیا
.ذریعہ: Daily Ausaf
کلیدی لفظ: انہوں نے
پڑھیں:
اداکارہ خوشبو خان کا ارباز خان سے طلاق کے بیان پر یوٹرن
پاکستانی فلم انڈسٹری کی ماضی کی مقبول اداکارہ خوشبو خان نے اپنی طلاق سے متعلق زیرِ گردش خبروں کو مسترد کر دیا۔حال ہی میں اداکارہ نے مقامی صحافی کو انٹرویو دیا اور علیحدگی سے متعلق اپنے ماضی کے بیان پر یوٹرن لے لیا۔انہوں نے کہا کہ بعض میڈیا اداروں نے خبر چلائی کہ میری اور ارباز کی طلاق ہوگئی، جبکہ میں نے اس وقت کہا تھا کہ آپ اس بارے میں ارباز سے سوال کریں، میں ارباز کے خلاف نہ کبھی گئی ہوں اور نہ جاؤں گی، وہ میرے بچوں کے باپ ہیں اور میں ابھی بھی ان کے نکاح میں ہوں۔اداکارہ خوشبو نے واضح کرتے ہوئے کہا کہ ارباز نے مجھے طلاق نہیں دی۔واضح رہے کہ اس سے قبل خوشبو نے ایک انٹرویو میں ارباز خان پر دھوکا دہی کا الزام عائد کیا تھا اور کہا تھا کہ ارباز میرے لئے سب کچھ تھے لیکن جب بھی کسی مشکل وقت میں مجھے ان کی ضرورت پیش آئی تو وہ میرے ساتھ نہیں تھے، جس پر مجھے بہت افسوس ہوتا ہے۔انہوں نے یہ بھی کہا تھا کہ میرا اور ارباز کا کوئی جھگڑا نہیں ہوا وہ بس بغیر بتائے کہیں چلے گئے اور واپس نہیں آئے، انہیں گئے ہوئے 5 برس بیت چکے ہیں لیکن آج بھی وہ میری یادوں میں میرے ساتھ ہیں، مجھے اس بات کا بہت دکھ ہے کہ مجھے کئی برسوں سے انہیں دیکھنے کا موقع بھی نہیں ملا، مجھے سمجھ نہیں آتی کہ وہ ہمیں چھوڑ کر کیوں چلے گئے۔
پاکستان میں آئندہ حج سستا ہونے کا امکان