منو بھائی کی ساتویں برسی آج منائی جا رہی ہے
اشاعت کی تاریخ: 19th, January 2025 GMT
لاہور : پاکستان کے مشہور کالم نگار، شاعر اور ڈرامہ نویس منو بھائی کی ساتویں برسی آج منائی جا رہی ہے۔ ان کا اصل نام منیر احمد قریشی تھا اور وہ 6 فروری 1933 کو وزیرآباد میں پیدا ہوئے۔ منو بھائی نے گورنمنٹ کالج اٹک سے گریجویشن کی اور بعد میں مختلف اخبارات میں ادارتی عہدوں پر کام کیا۔
انہوں نے پاکستان ٹیلی وژن کے لیے کئی مشہور ڈرامے لکھے، جن میں "سونا چاندی” سب سے زیادہ مقبول ہوا۔ ان کے دیگر مشہور ڈراموں میں "دشت” اور "آشیانہ” بھی شامل ہیں۔ علاوہ ازیں، منو بھائی نے سینکڑوں کالم بھی لکھے، جن میں سیاست، معاشرت اور ثقافت کے مختلف پہلوؤں پر گہرائی سے تبصرہ کیا۔
ان کی شاعری میں حقیقت نگاری کا رنگ نمایاں تھا، جس نے ان کو ادبی دنیا میں الگ شناخت دی۔ ان کی مشہور کتابوں میں "محبت کی ایک سو نظمیں”، "جنگل اداس ہے” اور "انسانی منظر نامہ” شامل ہیں۔
منو بھائی نے تھیلی سیمیا کے شکار بچوں کی مدد کے لیے سندس فاؤنڈیشن قائم کی، جس کے وہ تاحیات چیئرمین رہے۔ اس فاؤنڈیشن کے ذریعے مستحق افراد کی مدد آج بھی جاری ہے۔
صحافت اور ادب میں ان کی خدمات پر انہیں تمغہ برائے حسن کارکردگی سے نوازا گیا۔ وہ 19 جنوری 2018 کو 85 سال کی عمر میں لاہور میں انتقال کر گئے اور میانی صاحب قبرستان میں دفن ہوئے۔ آج ان کی برسی کے موقع پر ان کی خدمات کو یاد کیا جا رہا ہے۔
.ذریعہ: Nai Baat
کلیدی لفظ: منو بھائی
پڑھیں:
سلمان خان کی نئی تصویریں وائرل، ممکنہ نئی فلم پر مداحوں کے تبصرے
بالی ووڈ کے دبنگ اسٹار سلمان خان نے ایک بار پھر سوشل میڈیا پر تہلکہ مچا دیا۔ اداکار نے پلیٹ فارم ایکس (سابقہ ٹوئٹر) پر اپنی دو نئی شرٹ لیس تصاویر شیئر کیں جنہوں نے چند ہی لمحوں میں مداحوں کی توجہ کھینچ لی اور انٹرنیٹ پر وائرل ہوگئیں۔
سلمان خان نے تصاویر کے ساتھ ایک پراثر جملہ لکھا ’’کچھ حاصل کرنے کے لیے کچھ چھوڑنا پڑتا ہے۔۔۔ یہ بغیر چھوڑے ہے۔‘‘
یہ مختصر مگر معنی خیز جملہ مداحوں کے درمیان بحث کا موضوع بن گیا۔ کچھ لوگوں نے اسے سلمان کے فٹنس فلسفے سے جوڑا، جب کہ دیگر صارفین کا کہنا ہے کہ شاید اداکار اپنے نئے فلمی پروجیکٹ کے لیے اشارہ دے رہے ہیں۔
تصاویر میں سلمان خان دھوپ میں پسینے سے چمکتے بدن کے ساتھ کھڑے دکھائی دے رہے ہیں، بال جیل سے سیٹ ہیں اور ان کی باڈی لینگویج مکمل اعتماد ظاہر کرتی ہے۔ یہ مناظر نہ صرف ان کی انتھک محنت اور نظم و ضبط کا ثبوت ہیں بلکہ یہ بھی ثابت کرتے ہیں کہ تین دہائیوں کے بعد بھی سلمان خان کی فٹنس اور جوش میں کوئی کمی نہیں آئی۔
Kuch haasil karne ke liye kuch chhodna padta hai.. Yeh bina chhode hai. pic.twitter.com/4oyIWYRS83
— Salman Khan (@BeingSalmanKhan) November 3, 2025ادھر بھارتی میڈیا میں چہ مگوئیاں تیز ہیں کہ سلمان خان اور ہدایت کار کبیر خان ایک بار پھر مشہور فلم ’’بجرنگی بھائی جان‘‘ کے سیکوئل پر کام شروع کرنے والے ہیں۔
واضح رہے کہ 2015 کی فلم ’’بجرنگی بھائی جان‘‘ نے عالمی سطح پر بے پناہ کامیابی حاصل کی تھی۔ فلم کو انسانیت، محبت اور سرحد پار تعلقات کی علامت کے طور پر سراہا گیا تھا۔ اگر سلمان اور کبیر خان کی جوڑی دوبارہ بنتی ہے، تو یہ بالی ووڈ کی حالیہ تاریخ کا سب سے بڑا فلمی کم بیک قرار دیا جا سکتا ہے۔
فی الحال مداح بے صبری سے انتظار کر رہے ہیں کہ سلمان خان اپنی اگلی فلم یا ’’بجرنگی بھائی جان 2‘‘ کے حوالے سے باضابطہ اعلان کب کرتے ہیں اور ان کی یہ وائرل تصویریں شاید اسی بڑی خبر کا پیش خیمہ ہوں۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف