محکمہ موسمیات کی بارش اور برفباری کی پیشگوئی
اشاعت کی تاریخ: 21st, January 2025 GMT
لاہور : محکمہ موسمیات نے ملک کے مختلف حصوں میں بارش اور برفباری کی پیشگوئی کی ہے۔ شمال مغربی بلوچستان، بالائی خیبر پختونخوا اور گلگت بلتستان میں بارش اور پہاڑوں پر برفباری ہو سکتی ہے، جبکہ دیگر علاقوں میں موسم سرد اور خشک رہنے کا امکان ہے۔
رات کے اوقات میں پنجاب اور بالائی سندھ کے کچھ علاقوں میں ہلکی سے درمیانی دھند چھائے رہنے کی پیشگوئی کی گئی ہے۔ محکمہ موسمیات نے خبردار کیا ہے کہ کوئٹہ، زیارت، چمن، پشین، قلعہ عبداللہ، قلعہ سیف اللہ، ناران، کاغان، چترال، دیر، سوات، کوہستان، شانگلہ اور گلگت بلتستان میں برفباری کی وجہ سے سڑکوں پر پھسلن اور ٹریفک کی روانی میں مشکلات آ سکتی ہیں۔
اسلام آباد اور اس کے گرد و نواح میں سرد موسم اور جزوی طور پر ابر آلود آسمان رہنے کا امکان ہے۔ خیبر پختونخوا کے بیشتر علاقوں میں بھی سرد موسم اور جزوی ابر آلود آسمان رہنے کی پیشگوئی ہے، جبکہ چترال، دیر، سوات، شانگلہ، کوہستان، مانسہرہ، ایبٹ آباد، بونیر اور دیگر علاقوں میں ہلکی بارش اور برفباری ہو سکتی ہے۔
بلوچستان کے بیشتر علاقے سرد اور جزوی ابر آلود رہیں گے، لیکن کوئٹہ، زیارت، چمن اور دیگر علاقوں میں تیز ہواؤں کے ساتھ ہلکی بارش اور برفباری کی توقع ہے۔ پنجاب کے بیشتر اضلاع میں سرد موسم رہے گا، جبکہ بالائی علاقوں میں آسمان جزوی طور پر ابر آلود رہنے کا امکان ہے۔ لاہور، شیخوپورہ، سیالکوٹ، گوجرانوالہ، فیصل آباد اور دیگر اضلاع میں ہلکی دھند چھا سکتی ہے۔
سندھ کے بیشتر حصوں میں موسم سرد اور خشک رہے گا، جبکہ کشمیر میں موسم سرد اور جزوی طور پر ابر آلود رہنے کی پیشگوئی کی گئی ہے۔ گلگت بلتستان میں بارش اور برفباری کا امکان ہے۔
.ذریعہ: Nai Baat
کلیدی لفظ: بارش اور برفباری کا امکان ہے علاقوں میں کی پیشگوئی برفباری کی اور جزوی ابر آلود کے بیشتر سرد اور
پڑھیں:
4، 5 نومبر کو ہلکی بارشوں اور پہاڑی علاقوں میں برف باری کی پیشگوئی، پی ڈی ایم اے نے الرٹ جاری کردیا
پنجاب ڈیزاسٹر مینجمنٹ اتھارٹی (PDMA پنجاب) نے صوبے کے بیشتر اضلاع میں 4 اور 5 نومبر کے دوران ہلکی بارشوں اور پہاڑی علاقوں میں برف باری کی پیشگوئی کے بعد موسمی الرٹ جاری کر دیا ہے۔
محکمہ موسمیات کے مطابق، لاہور، راولپنڈی، مری، گلیات، اٹک، تلہ گنگ، جہلم، سرگودھا، خوشاب، گجرانوالہ، سیالکوٹ اور نارووال سمیت پنجاب کے کئی اضلاع میں بارش کا امکان ہے۔
یہ بھی پڑھیے موسم سرما کی پہلی بارش، محکمہ موسمیات نے پیشگوئی کردی
ترجمان پی ڈی ایم اے کے مطابق، مری اور گلیات جیسے بالائی علاقوں میں برف باری بھی متوقع ہے، جس سے درجہ حرارت میں نمایاں کمی واقع ہوگی۔
سموگ میں کمی کی امیدڈی جی پی ڈی ایم اے عرفان علی کاٹھیا نے کہا کہ متوقع بارشوں سے سموگ میں کمی کے امکانات روشن ہیں۔ انہوں نے شہریوں کو ہدایت کی کہ سموگ سے بچاؤ کے لیے ماسک کا استعمال کریں، اور غیر ضروری طور پر گھر سے باہر نہ نکلیں۔
عوام اور کسانوں کے لیے ہدایاتشہری خراب موسم میں غیر ضروری سفر سے گریز کریں۔
کسان اپنی زرعی سرگرمیوں کو موسم کی صورتحال کے مطابق ترتیب دیں۔
یہ بھی پڑھیے موسم سرما میں فلو، کھانسی اور انفیکشنز سے کیسے بچا جا سکتا ہے؟
دورانِ سفر فوگ لائٹس کا استعمال لازمی کریں تاکہ حادثات سے بچا جا سکے۔
ہنگامی حالات میں شہری پی ڈی ایم اے ہیلپ لائن 1129 پر رابطہ کریں۔
ڈی جی عرفان علی کاٹھیا نے بتایا کہ پی ڈی ایم اے کنٹرول روم میں صورتحال کی 24 گھنٹے مانیٹرنگ جاری ہے اور تمام ضلعی انتظامیہ کو پیشگی تیاریوں کی ہدایت کر دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پی ڈی ایم اے موسم
کراچی، نادرن بائی پاس پر پلاسٹک کے گودام میں آگ لگ گئی