وزیراعظم کی چینی سفیر سے ملاقات، سیکیورٹی معاملات پر بات چیت
اشاعت کی تاریخ: 31st, January 2025 GMT
اسکرین گریب بشکریہ فیس بُک
وزیرِ اعظم شہباز شریف نے چین کے پاکستان میں تعینات سفیر جیانگ زیڈونگ سے ملاقات کی۔
ملاقات کے دوران دونوں ممالک کے درمیان اقتصادی اور سیکیورٹی تعاون سے متعلق امور پر تبادلہ خیال کیا گیا۔
وزیرِ اعظم شہباز شریف نے چینی سفیر کو چینی سالِ نو کی مبارکباد دی۔
وفاقی وزیر منصوبہ بندی احسن اقبال نے کہا ہے کہ چین ،پاکستان اقتصادی راہداری (سی پیک)کے پہلے مرحلے میں 43 منصوبے مکمل کرلیے گئے۔
وزیرِ اعظم شہباز شریف نے نئے سال پر چینی قیادت، عوام اور پاکستان میں مقیم چینی شہریوں کے لیے نیک خواہشات کا اظہار کیا۔
وزیرِ اعظم شہباز شریف نے کہا کہ نیا سال پاکستان اور چین کے درمیان دوستی کے رشتے کو مزید مضبوط کرے گا، چینی نیا سال دونوں ممالک کے عوام کے لیے خوشحالی لائے گا۔
دوسری جانب چینی سفیر نے اپنی حکومت اور عوام کے لیے نیک تمناؤں پر وزیرِ اعظم پاکستان اور عوام کا شکریہ ادا کیا۔
.ذریعہ: Jang News
کلیدی لفظ: اعظم شہباز شریف نے
پڑھیں:
ٹرمپ نے امریکی کمپنیوں کو پاکستان میں فوری سرمایہ کاری کی ہدایت دی، وزیرِ اعظم شہباز شریف
وزیرِ اعظم شہباز شریف نے کہا ہے کہ امریکا پاکستان کے آئی ٹی اور دیگر اہم شعبوں میں سرمایہ کاری کے لیے تیار ہے اور ان کی صدر ڈونلڈ ٹرمپ سے ملاقات دوطرفہ تعلقات کے لیے سنگِ میل ثابت ہوئی ہے۔
نیو جرسی میں میڈیا سے گفتگو کرتے ہوئے وزیرِ اعظم نے بتایا کہ صدر ٹرمپ نے امریکی کمپنیوں سے فوری طور پر پاکستان میں سرمایہ کاری کرنے کی درخواست کی ہے۔
سرمایہ کاری کے مواقع زراعت، آئی ٹی، معدنیات اور توانائی کے شعبوں میں پیش کیے گئے، جبکہ معدنیات کی قیمت کا تعین دونوں ممالک کے درمیان منصفانہ طور پر کیا جائے گا۔
شہباز شریف نے کہا کہ مستقبل کے تجارتی معاہدے امریکہ کے ساتھ باہمی مفاد پر مبنی ہوں گے تاکہ تمام شعبوں میں متوازن تعاون یقینی بنایا جا سکے۔
وزیرِ اعظم نے کہا کہ امریکہ میں ان کا خیرمقدم ان کے ماضی کے سعودی عرب کے تجربے سے بھی بڑھ کر تھا، اور اسے ’چالیس سال میں بے مثال‘ قرار دیا۔
انہوں نے پاکستان آرمی کے کردار کو سراہا اور کہا کہ آرمی چیف فیلڈ مارشل عاصم منیر کی قیادت نے بھارت کے ساتھ تنازع سے بچایا۔ انہوں نے امریکی کردار کو بھی تسلیم کیا اور کہا کہ امریکی سیکریٹری آف اسٹیٹ نے 10 مئی کو بھارت کا جنگ بندی پیغام پہنچایا۔
وائٹ ہاؤس میں صدر ٹرمپ کے ساتھ ملاقات میں نائب صدر جے ڈی وینس اور سیکریٹری آف اسٹیٹ مارکو روبیو بھی شامل تھے۔
اس ملاقات میں علاقائی سلامتی، انسداد دہشت گردی، انٹیلی جنس شیئرنگ اور تجارتی تعلقات پر بات ہوئی۔ وزیرِ اعظم نے صدر ٹرمپ کو پاکستان آنے کی دعوت بھی دی۔
شہباز شریف نے ٹرمپ کی قیادت کو سراہتے ہوئے کہا کہ ان کی جرأت مند اور فیصلہ کن حکمت عملی نے پاکستان اور بھارت کے درمیان بڑے بحران سے بچایا اور جنوبی ایشیا کو بڑے نقصان سے محفوظ رکھا۔
قبل ازیں، وزیرِ اعظم نے اقوامِ متحدہ کے سیکریٹری جنرل انتونیو گوتریس سے ملاقات کی اور پاکستان میں بھارتی دہشت گردی کے مسئلے کو اجاگر کیا، کشمیر کے تنازع کے منصفانہ حل کے لیے زور دیا اور موسمیاتی متاثرہ ممالک کے لیے مزید مالی معاونت کی تجویز دی۔
چینی وزیرِ اعظم لی چیانگ کے ساتھ غیر رسمی ملاقات میں شہباز شریف کے یو این خطاب کو سراہا گیا اور دونوں رہنماؤں نے دوطرفہ تعاون کی توثیق کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جراثیم سے بھرپور غذا جو عمر بڑھانے میں مددگار ثابت ہوسکتی ہے