بھارت: بس کھائی میں گر نے سے 7 افراد ہلاک‘ کئی زخمی
اشاعت کی تاریخ: 4th, February 2025 GMT
نئی دہلی (انٹرنیشنل ڈیسک) بھارتی ریاست گجرات کے ڈانگ ضلع میں پیش آنے والے حادثے میں 7 افراد اپنی زندگیوں سے محروم اور کئی زخمی ہوگئے۔ حادثہ صبح تقریباً 4 بجے ساپوترا گھاٹ روڈ پر پیش آیا، جب ایک پرائیویٹ بس 200 فٹ گہری کھائی میں گرکر 2حصوںمیں تقسیم ہوگئی۔ حادثے کا شکار ہونے والی بس مدھیہ پردیش کے گنا سے ترمبکیشور کا دورہ کرنے کے بعد واپس آرہی تھی جس میں 48 سیاح موجود تھے۔ حادثے کی اطلاع ملتے ہی مقامی پولیس اور ریسکیو ٹیم فوری طور پر موقع پر پہنچ گئی اور زخمیوں کو نکال کر اسپتال منتقل کیا۔ ابتدائی تحقیقات کے مطابق ڈرائیور بس پر سے کنٹرول کھو بیٹھاتھا۔
.ذریعہ: Jasarat News
پڑھیں:
پونچھ: بارودی سرنگ کے دھماکے میں بھارتی فوجی ہلاک، جے سی او سمیت 2 اہلکار زخمی
مقبوضہ جموں و کشمیر کے ضلع پونچھ میں ایک بارودی سرنگ کے دھماکے کے نتیجے میں بھارتی فوج کا ایک اہلکار ہلاک جبکہ جونیئر کمیشنڈ آفیسر (جے سی او) سمیت 2 اہلکار زخمی ہو گئے۔
کشمیر میڈیا سروس کے مطابق، یہ دھماکہ ضلع پونچھ کے علاقے کرشنا گھاٹی میں اُس وقت پیش آیا جب بھارتی فوج کے اہلکار معمول کی گشت پر تھے۔ بھارتی فوج کی وائٹ نائٹ کور نے سوشل میڈیا پلیٹ فارم ’ایکس‘ (سابقہ ٹوئٹر) پر تصدیق کرتے ہوئے بتایا کہ گشت کے دوران للت کمار نامی اہلکار بارودی سرنگ کی زد میں آ کر موقع پر ہلاک ہو گیا، جبکہ ایک جے سی او سمیت 2 دیگر اہلکار زخمی ہوئے، جنہیں فوری طور پر طبی امداد کے لیے اسپتال منتقل کر دیا گیا ہے۔
ذرائع کے مطابق، ہلاک ہونے والا اہلکار ’اگنی ویر اسکیم‘ کے تحت فوج میں شامل کیا گیا تھا۔
بھارتی فوج کی ’اگنی ویز اسکیم‘ کیا ہے؟یاد رہے کہ بھارتی حکومت نے جون 2022 میں یہ متنازعہ اسکیم متعارف کرائی تھی، جس کے تحت 17 سے 21 سال کی عمر کے نوجوانوں کو صرف چار سالہ مختصر مدت کے لیے فوج میں بھرتی کیا جاتا ہے۔
اس اسکیم پر بھارت بھر میں خاصی تنقید ہوئی ہے، متعدد ریاستوں میں نوجوانوں نے احتجاج کیا، کیونکہ اس اسکیم کے تحت نہ تو مستقل ملازمت کی ضمانت ہے اور نہ ہی ریٹائرمنٹ کے بعد روایتی فوجی مراعات۔
ماہرین کا کہنا ہے کہ ’اگنی ویر اسکیم‘ سے نہ صرف نوجوانوں میں بے چینی پیدا ہوئی ہے، بلکہ اس سے بھارتی فوج کے پیشہ ورانہ معیار اور حوصلے پر بھی منفی اثرات مرتب ہو رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بارودی سرنگ پونچھ للت کمار مقبوضہ کشمیر
راولپنڈی:اے سی بنانے والی فیکٹری میں آگ بھڑک اٹھی،دھوئیں کے بادل چھا گئے