لاہور میں مرغا مرغی کی شادی، تیاری میں کتنے لاکھ خرچ ہوئے؟
اشاعت کی تاریخ: 4th, February 2025 GMT
دنیا میں آپ نے انسانوں کی مہنگی اور پُرتعیش شادیاں ہوتے دیکھی ہوں گی لیکن کیا آپ نے مرغا اور مرغی کی ایسی انوکھی شادی دیکھی ہے جس میں لاکھوں روپے خرچ کیے گئے ہوں۔ اور شادی کی تمام رسمیں بھی ادا کی گئی ہوں۔
لاہور میں شادی کی ایسی ہی ایک انوکھی تقریب منعقد ہوئی جو سب کی توجہ کا مرکز بن گئی۔ اس پر تعیش شادی میں مرغا اور مرغی کو پارلر سے تیار کروا کے سجی سجائی گاڑی میں شادی ہال تک لایا گیا اورہال میں پہنچتے ہی باراتیوں نے ڈھول کی تھاپ پر مرغا اور مرغی کا استقبال کیا۔
جہالت کی انتہا۔ pic.
— Muhammad Arif (@ArifRetd) February 3, 2025
مرغا اور مرغی کی دودھ پلائی اور منہ دکھائی کی رسم بھی کی گئی جس پر مرغی کو سونے کی چین پہنائی گئی، جبکہ مرغی کو 10 تولہ سونا بھی ڈالا گیا، اس موقع پر مرغی کو لال رنگ کا دوپٹہ سر پر دیا گیا اور شادی کی رسمیں کرنے کے بعد انہیں سجائے ہوئے پنجرے میں چھوڑ دیا گیا۔
مرغی اور مرغا کے مالکان کا کہنا تھا کہ مرغا اور مرغی جرمن ہیں اوران کی محبت کی شادی ہے۔ مرغا اور مرغی کو تیار کرنے کے ایک لاکھ روپے لیے گئے ہیں، میزبان نے پوچھا کے مرغی کو تیار کرتے وقت سب سے مشکل کام کیا تھا تو میک اپ آرٹسٹ نے جواب دیا کہ اس کا ہیر اسٹائل بنانا سب سے مشکل کام تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
لاہور مرغا مرغی شادیذریعہ: WE News
کلیدی لفظ: لاہور مرغا اور مرغی مرغی کو
پڑھیں:
امریکی نائب صدر وینس اور اریکا کرک کی گلے لگنے کی ویڈیو وائرل، شادی کی قیاس آرائیاں
امریکہ میں ٹرننگ پوائنٹ یو ایس اے کا ایک پروگرام اس وقت سب کی توجہ کا مرکز بن گیا جب ٹرمپ کے سابق معاون چارلی کرک کی بیوہ اریکا کرک نے نائب صدر جے ڈی وینس کو گلے لگایا۔
اریکا کرک نے کہا کہ ’میں اپنے شوہر کی کچھ مشابہت جے ڈی وینس میں دیکھتی ہوں‘۔ ان کے اس بیان نے ان کی ذاتی زندگی کے حوالے سے قیاس آرائیوں کو جنم دیا۔
Erika Kirk: “No one will ever replace my husband, but I do see some similarities of my husband in JD”pic.twitter.com/Gm4PHz4D3c
— Republicans against Trump (@RpsAgainstTrump) October 31, 2025
یہ واقعہ اس وقت پیش آیا جب اریکا نے ستمبر میں چارلی کے قتل کے بعد پہلی بڑی عوامی تقریب میں شرکت کی۔ یہ دائیں بازو کی سرگرم کارکن اور ڈونلڈ ٹرمپ کی قریبی ساتھی تھے، جو یونیورسٹی ایونٹ میں تقریر کرتے ہوئے گولی لگنے سے جاں بحق ہو گئے۔
اریکا نے کہا کہ جب ہماری ٹیم نے میرے عزیز دوست جے ڈی ونس سے آج تقریر کرنے کو کہا، تو میں واقعی نے اس پر غور کیا، کیونکہ ظاہر ہے کہ آج کا دن بہت جذباتی ہے لیکن اگلا جملہ ہی لوگوں کی توجہ کا مرکز بن گیا جس میں ان کا کہنا تھا کہ ’میں اپنے شوہر کی کچھ مشابہت جی ڈی میں دیکھتی ہوں‘۔
یہ بھی پڑھیں: امریکی پابندیوں سے چھوٹ کا خاتمہ: بھارت کی چابہار حکمت عملی پر کاری ضرب
اس موقع پر جے ڈی ونس نے اسٹیج پر اریکا کو گلے لگایا، جس کی تصاویر اور ویڈیوز فوراً وائرل ہو گئیں۔ اس کے بعد معروف صحافی شینن واٹس نے ٹویٹ کیا کہ وینس اگلے سال کے آخر تک طلاق کا اعلان کریں گے اور اریکا کرک سے شادی کریں گے۔ ٹرانس جینڈر کارکن اری ڈرینن نے بھی ٹویٹ کی کہ ’وہ پہلے نائب صدر ہوں گے جو عہدے میں رہتے ہوئے طلاق لیں گے‘۔
جے ڈی وینس کی شادی اوشا وینس سے ہوئی ہے، جو ہندو خاندان سے تعلق رکھتی ہیں، اور ان کا یہ ازدواجی رشتہ بعض شدت پسند حلقوں میں بحث کا موضوع رہا ہے۔ وینس نے حال ہی میں کہا کہ وہ امید رکھتے ہیں کہ ان کی بیوی ایک دن مسیحیت قبول کریں گی، تاہم بعد میں وضاحت کی کہ اوشا کے پاس مسیحیت اختیار کرنے کا کوئی ارادہ نہیں ہے۔
یہ بھی پڑھیں: امریکا کے کم عمر نائب صدر جے ڈی وینس کا تعارف، مسئلہ فلسطین پر ان کا طرز عمل کیا ہوسکتا ہے؟
وینس 2028 کے صدارتی انتخاب میں میگا امیدوار کے طور پر حصہ لینے کی توقع رکھتے ہیں، جب ٹرمپ اپنی آخری مدت مکمل کر رہے ہوں گے۔ ایسی صورت میں، میگا کے حامی ‘ہندو فرسٹ لیڈی’ کو قبول نہیں کر سکتے۔ یہی وجہ ہے کہ طلاق کی افواہوں کو ہوا مل رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اریکا کرک امریکی نائب صدر شادی امریکی نائب صدر طلاق امریکی نائب صدر وینس وائرل ویڈٰو
اشتہار