ملک وقوم کی فلاح کیلیے اسلامی نظام ناگزیرہے‘عرفان احمد
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(پ ر) جماعت اسلامی ضلع گڈاپ کے امیر عرفان احمد نے کہا ہے کہ جماعت اسلامی کا مینار پاکستان کے سائے تلے سالانہ اجتماع عام *بدل دو نظام* فرسودہ غلامانہ نظام کی تبدیلی کی تحریک اور جدوجہد میں اہم سنگ میل ثابت ہوگا یہ اجتماع عوام کی فلاح و بہبود معاشرے اور حکومت کے بگاڑ کی اصلاح کی امنگوں کا ترجمان ہے۔ انہوںنے کہاکہ جماعت اسلامی کا مینار پاکستان کے سائے تلے سالانہ اجتماع عام *بدل دو نظام* غلامانہ فرسودہ نظام کی تبدیلی کی تحریک اور جدوجہد میں اہم سنگ میل ثابت ہوگا یہ اجتماع عوام کی فلاح و بہبود معاشرے اور حکومت کے بگاڑ کی اصلاح کی امنگوں کا ترجمان ہے۔ پارٹیوں اور چہروں کے ردو بدل سے تبدیلی ممکن نہیں ہے ملک و قوم کی فلاح وبہبود کے لیے ، رسول کریم ﷺ کے نافذ و پیش کردہ قرآن،حدیث و سنت کا مکمل اسلامی نظام کے نفاذ کی ضرورت ہے۔یورپ و امریکا کی ذہنی و معاشی غلامی سے نکل کر اللہ اور رسول ﷺ کی اطاعت کی میں ہی تمام تر نظام ہائے زندگی کی اصلاح اور تبدیلی کا حل موجود ہے اب وقت آگیا ہے اٹھو جہاں بدل دو۔ بدل دو نظام عوام دشمن فرسودہ نظام سے چھٹکارا حاصل کرنے کے لیے متحد اور منظم ہوکر جدوجہد تیز کرنی ہے۔ اجتماع عام کی عوامی مقبولیت اور عوام کے تعاون کے لیے رابطہ عوام ملاقاتوں اور سوشل میڈیا پلیٹ فارم سے بھی مدد لیں۔ نظام کی تبدیلی تک ہمارا نعرہ ہے بدل دو نظام۔ یہی ملک و قوم کی بقا اور ترقی کی امید ہے۔ یہ بات انہوں نے جامع مسجد ابو مسجد و حذیفہ گلشن معمار میں منعقد ہر سطح کے اجتماع ناظمین سے خطاب کرتے ہوئے کہی۔اجتماع ناظمین سے ضلعی نائب امراء طارق رحمٰن،خالد صدیقی اور جنرل سیکریٹری ابوالخیر ملک نے بھی خطاب کیا۔ پورے ضلعے سے ہر سطح کے ناظمین اپنی پوری ٹیم کے ساتھ شریک تھے
ذریعہ: Jasarat News
کلیدی لفظ: کی فلاح
پڑھیں:
امیر جماعت اسلامی کا 21 دسمبر کو موجودہ نظام کے خلاف احتجاج کا اعلان
data-id="863a0a8" data-element_type="widget" data-widget_type="theme-post-content.default">
امیر جماعت اسلامی حافظ نعیم الرحمان نے اعلان کیا ہے کہ جماعت اسلامی 21 دسمبر سے موجودہ نظام کے خلاف ملک گیر احتجاجی تحریک کا آغاز کرے گی۔ لاہور میں کارکنوں کے اعزاز میں دیے گئے استقبالیہ سے خطاب کرتے ہوئے انہوں نے کہا کہ اس فرسودہ اور ناانصافی پر مبنی نظام کے خلاف پوری قوم کو متحد ہو کر کھڑا ہونا ہوگا۔
حافظ نعیم الرحمان نے زور دیا کہ بلدیاتی نظام کا مؤثر نفاذ ناگزیر ہے اور خاندانی سیاست کا خاتمہ وقت کی اہم ضرورت بن چکا ہے، کیونکہ اسی سیاست نے بلدیاتی نظام کو کمزور کر دیا ہے۔ ان کا کہنا تھا کہ چاہے شہر ہو یا دیہی علاقے، ہر ووٹر کو اس کے ووٹ کا حقیقی حق ملنا چاہیے اور جسے عوام ووٹ دیں، وہی پارلیمان تک پہنچے۔ انہوں نے سوال اٹھایا کہ نواز شریف نے مبینہ طور پر 70 فیصد سے زائد ناجائز ووٹ لیے، اس کا احتساب کون کرے گا۔
امیر جماعت اسلامی نے کہا کہ بہتر روزگار کے لیے بیرونِ ملک جانا قابلِ فہم ہے، مگر مایوسی کے باعث وطن چھوڑنا انتہائی تشویشناک ہے۔ انہوں نے نوجوانوں کے لیے روزگار کے مواقع پیدا کرنے اور کھیل کے میدان آباد کرنے کے عزم کا اظہار کیا۔
انہوں نے کہا کہ چند طاقتور افراد نے دولت اور اختیار کے زور پر پوری دنیا کو یرغمال بنا رکھا ہے اور جماعت اسلامی اسی ظلم و جبر کے خلاف جدوجہد کرے گی۔ ان کا کہنا تھا کہ اسلام ایک مکمل ضابطۂ حیات ہے جس میں ہر فرد کو اس کا حق ملتا ہے۔
حافظ نعیم الرحمان نے عدالتی نظام پر تنقید کرتے ہوئے کہا کہ غریب آدمی کے لیے انصاف تک رسائی مزید مشکل ہو گئی ہے، خاص طور پر 26ویں اور 27ویں آئینی ترامیم کے بعد عدالتیں مزید کمزور ہو چکی ہیں۔ انہوں نے سوال کیا کہ جب نوجوانوں پر معمولی معاملات میں بھاری جرمانے عائد کیے جا رہے ہیں تو جمہوریت کی کھلی خلاف ورزی کرنے والوں کا احتساب کون کرے گا۔
انہوں نے لاہور اجتماع کے انعقاد پر کارکنوں کی کاوشوں کو سراہتے ہوئے کہا کہ سب نے مل کر محنت کی اور اس کا اجر اللہ تعالیٰ دے گا۔ ان کا کہنا تھا کہ جماعت اسلامی دنیا کو یہ پیغام دینا چاہتی ہے کہ وہ پوری طرح متحرک ہے اور پاکستان کے نظام کو تبدیل کرنے کی صلاحیت رکھتی ہے۔ حافظ نعیم الرحمان کے مطابق یہ اجتماع پاکستان کی تاریخ کا سب سے بڑا اجتماع تھا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر