گیس سیکٹر کا گردشی قرضہ، عوام کو 1700ارب روپے کا ٹیکہ
اشاعت کی تاریخ: 14th, December 2025 GMT
اسلام آباد(نیوزڈیسک) حکومت کا گیس کے شعبے میں گردشی قرضے کے خاتمے کیلئے 1700 ارب روپے ایڈجسٹ کرنے کا پلان تیارGAS
تازہ ترین خبروں اور تبصروں کیلئے ہمارا وٹس ایپ چینل جوائن کریں
حکومت نے گیس کے شعبے میں گردشی قرضے کے خاتمے کیلئے 1700 ارب روپے ایڈجسٹ کرنے کا پلان تیار کرلیا۔
گیس کے شعبےمیں بڑھتے ہوئےگردشی قرضے کےخاتمے کے لیے حکومت نے بڑی تیاری کرلی ،حکومت نے 3180 ارب روپے کےگردشی قرض میں سے 1700 ارب روپے ایڈجسٹ کرنے کا پلان تیارکرلیا، 1400 ارب نان ریکوری، لائن لاسز،ٹیرف ڈیفرنشل، 3 سوارب ٹیکس اور سودشامل ہیں،پیٹرولیم ٹاسک فورس نے پیٹرولیم مصنوعات پرپیٹرولیم ڈیولپمنٹ لیوی مزیدپانچ روپے بڑھانے کی تجویز دے دی۔
ذرائع کےمطابق 5 روپے اضافی پی ڈی ایل عائد کرنے سےساڑھے 5 سو ارب روپے ریکوری کا پلان تیارکرلیا گیا ہے،ڈیویڈنڈ اور اضافی ٹیرف لگا کرتقریبا 7 سو ارب روپے گردشی قرض کیلئے ایڈجسٹ کیے جائیں گے،
ایل این جی کارگوز میں کمی لا کر 5 سو ارب روپے کے لگ بھگ بچت کی جائے گی،
گیس کمپنیوں سےحاصل ہونے والےڈیویڈنڈ کو واپس لےکرگردشی قرض کی ادائیگی میں استعمال کیا جائے گا،گیس سیکٹر کا گردشی قرض آئندہ 6 برسوں کے دوران ختم کرنے کا پلان ہے،گردشی قرضہ ختم کرنے کے پلان کی وزیراعظم آفس اور وزارت خزانہ سے منظوری لی جائے گی۔
اکتیس سو اسی ارب روپے کے گردشی قرض میں سےسترہ سو ارب روپے ایڈجسٹ کرنے کا پلان تیار کرلیا گیا
.
ذریعہ
ذریعہ: Daily Mumtaz
پڑھیں:
ارکان پارلیمنٹ کی رہائش کیلیے فیملی سوٹس؛ بجٹ میں ڈیڑھ ارب روپے مختص کرنے کی تجویز
وفاقی حکومت نے آئندہ مالی سال کے بجٹ میں پارلیمنٹ لاجز کی توسیع اور اراکین پارلیمنٹ کے اہل خانہ کے لیے اضافی رہائش گاہوں کی تعمیر کی غرض سے ڈیڑھ ارب روپے مختص کرنے کا فیصلہ کیا ہے۔
نجی ٹی وی کی رپورٹ میں سرکاری دستاویزات کے حوالے سے بتایا گیا ہے کہ اس ترقیاتی منصوبے کے تحت اسلام آباد کے سیکٹر جی فائیو ٹو میں رہائشی سہولیات فراہم کی جائیں گی۔
اس منصوبے کا مرکزی حصہ اضافی فیملی سوٹس کی تعمیر ہے، جس میں 500 کے قریب سرونٹ کوارٹرز بھی شامل کیے گئے ہیں تاکہ عوامی نمائندوں کی رہائشی ضروریات کو بہتر انداز میں پورا کیا جا سکے۔
منصوبے کی مجموعی لاگت کا تخمینہ 7 ارب 40 کروڑ روپے لگایا گیا ہے۔ حکومتی دستاویز میں واضح کیا گیا ہے کہ 30 جون 2026 تک اس منصوبے پر 2 ارب 29 کروڑ روپے کے اخراجات متوقع ہیں۔ یہ منصوبہ پارلیمنٹ لاجز کی موجودہ گنجائش میں خاطر خواہ اضافے کا باعث بنے گا۔
علاوہ ازیں موجودہ پارلیمنٹ لاجز سے ملحقہ اراکین کے لیے 104 فیملی سوٹس پہلے ہی تعمیر کیے جا رہے ہیں۔ حکام نے بتایا کہ ان سوٹس کی تعمیر کا کام اپنے آخری مراحل میں ہے اور اس وقت وہاں فنشنگ کا کام تیزی سے جاری ہے، جس سے ممبران کو فوری رہائشی سہولت میسر ہوگی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ