رائے ونڈ عالمی تبلیغی اجتماع 6نومبر کو ہوگا،تیاریاں آخری مراحل میں
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
رائے ونڈ:۔ رائے ونڈ عالمی تبلیغی اجتماع جمعرات 6نومبر کو ہوگا، تیاریاں آخری مراحل میں داخل ہو گئیں، حکومت کا شرکاءاجتماع کو تمام سہولیات فراہم کرنے کا اعلان، شرکاءاجتماع کے لیے الیکٹرک بسیں بھی چلائی جائیں گی، اجتماع میں دنیا بھر سے لاکھوں افراد شرکت کریں گے، امسال اجتماع دو حصوں میں ہوگا ۔
تفصیلات کے مطابق تبلیغی جماعت کا سالانہ عالمی اجتماع کا پہلا مرحلہ 6 نومبر بروز جمعرات کو بعداز نمازِ عصر رائے ونڈ سندر روڈ پر وسیع و عریض میدان میں شروع ہوگا، اور9 نومبر بروز اتوار دعا پر اختتام پذیرہوگا،
پہلے مرحلے میں دیر، باجوڑ، بونیر، چترال، سرگودھا، خوشاب، بھکر، میانوالی صوبہ سندھ کے تمام اضلاع (علاوہ کراچی) راولپنڈی، اسلام آباد، چکوال، جہلم، اٹک، کشمیر کے تمام اضلاع ، لیہ، مظفر گڑھ، بھکر، کرک کے اضلاع کے کارکنان شرکت کریں گے۔
جبکہ دوسرا مرحلہ 13 نومبر بروز جمعرات کو شروع ہوگا اور 16 نومبر بروز اتواردعا پر اختتام پذیر ہوگا، دسرے مرحلے میں گوجرانوالہ، گجرات، سیالکوٹ، نارووال، منڈی بہاالدین، شیخوپورہ، حافظ آباد گلگت بلتستان کے مکمل اضلاع، مانسہرہ، ایبٹ آباد، ہری پور، کوہستان، بٹگرام، بہاولپور، بہاولنگر، رحیم یار خان، لودھراں، کوہاٹ، بنوں، اورکزئی، کرم ،مردان، صوابی، مالاکنڈ جنوبی کے اضلاع کے افراد اجتماع میں شرکت کریں گے، اجتماع گاہ کی تیاری کا عمل اگلے ماہ شروع ہو جائے گا۔
امسال اجتماع میں 10لاکھ افراد کے قیام وطعام کے انتظامات ہوں گے دنیا بھر سے لاکھوں افراد دس روزہ اجتماع میں شرکت کریں گے، پاکستان ریلوے اس موقع پر خصوصی ٹرینیں چلائے گا، اجتماع میں تمام نان اسٹاپ ٹرینیں رائے ونڈ جنکشن پر رکیں گی۔
وزیر اعلیٰ پنجاب نے شرکاء اجتماع کےلئے تمام ضروری سہولیات کی فراہمی کا اعلان کیا ہے، ضلعی انتظامیہ سمیت دیگر اداروں کی جانب سے پنڈال میں خصوصی کیمپ لگائے جائیں گے، واپڈا کی جانب سے اجتماع گاہ کو بلا تعطل بجلی کی فراہمی کے لیے تین فیڈرز اور خصوصی جنریٹر کا بھی اہتمام ہوگا، شرکاءاجتماع کو پنڈال میں داخل ہونے سے پہلے واک تھرو گیٹ سے گزارا جائے گا، مشتبہ افراد کی نگرانی کےلئے پنڈال سمیت اہم مقامات پر کلوز سرکٹ کیمرے نصب کئے جائیں گے ۔
ذریعہ: Jasarat News
کلیدی لفظ: شرکت کریں گے
پڑھیں:
2025 کی آخری انسدادِ پولیو مہم، ساڑھے 4 کروڑ بچوں کو ویکسین پلانے کا ہدف
پاکستان کل یعنی 15 دسمبر سے ملک گیر سطح پر پولیو سے بچاؤ کی آخری قومی مہم کا آغاز کرے گا، جس کے دوران 5 سال سے کم عمر 4 کروڑ 50 لاکھ سے زائد بچوں کو پولیو کے قطرے پلانے کا ہدف مقرر کیا گیا ہے۔
قومی ایمرجنسی آپریشنز سینٹر کے مطابق یہ 7 روزہ مہم رواں برس کی 5ویں اور آخری ملک گیر انسدادِ پولیو مہم ہوگی، جو ملک کے تمام صوبوں اور علاقوں میں بیک وقت چلائی جائے گی۔
سرکاری اعداد و شمار کے مطابق سال 2025 میں اب تک پولیو کے 30 کیسز رپورٹ ہوئے ہیں، جبکہ 2024 میں یہ تعداد 74 تھی، رواں سال پولیو کا تازہ ترین کیس اکتوبر میں سامنے آیا تھا۔
یہ بھی پڑھیں: ملک میں پولیو کیسز 74 سے کم ہو کر 30 رہ گئے ہیں، وزیر صحت
این ای او سی کے مطابق پنجاب میں 2 کروڑ 30 لاکھ سے زائد، سندھ میں ایک کروڑ 6 لاکھ سے زیادہ، خیبر پختونخوا میں تقریباً 72 لاکھ جبکہ بلوچستان میں 26 لاکھ سے زائد بچوں کو پولیو کے قطرے پلائے جائیں گے۔
وفاقی دارالحکومت اسلام آباد میں تقریباً 4 لاکھ 60 ہزار بچوں کو پولیو سے بچاؤ کے قطرے دیے جائیں گے۔
جبکہ گلگت بلتستان میں 2 لاکھ 28 ہزار سے زائد اور آزاد جموں و کشمیر میں 7 لاکھ 60 ہزار سے زیادہ بچوں کو مہم کے دوران ویکسینیشن دی جائے گی۔
مزید پڑھیں: لاہور: پولیو ورکر پر حملے کا واقعہ، خاتون اور اس کے بیٹوں کے خلاف ایف آئی آر درج
ملک بھر میں گھر گھر جا کر ویکسینیشن اور مقررہ مراکز پر خدمات انجام دینے کے لیے 4 لاکھ سے زائد مرد و خواتین پولیو ورکرز تعینات کیے جائیں گے۔
این ای او سی نے والدین سے پولیو ورکرز کے ساتھ مکمل تعاون کی اپیل کی ہے تاکہ پاکستان کو پولیو فری مستقبل کی جانب لے جایا جا سکے۔
والدین کو ہدایت کی گئی ہے کہ مہم کے دوران 5 سال سے کم عمر تمام بچوں کو لازمی پولیو کے قطرے پلوائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیو پولیو ورکرز جموں و کشمیر قطرے قومی ایمرجنسی آپریشنز سینٹر گلگت بلتستان ویکسینیشن
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر