یوسف رجی کا ایران سے متعلق حالیہ مؤقف سفارتی اصولوں کے منافی ہے، لبنان کے سابق وزیرِ خارجہ
اشاعت کی تاریخ: 14th, December 2025 GMT
تسنیم نیوز کے بین الاقوامی گروپ کے مطابق عدنان منصور نے ایک گفتگو میں اسلامی جمہوریہ ایران اور اس کے وزیرِ خارجہ کے حوالے سے یوسف رجی کے حالیہ مؤقف اور طرزِ عمل پر تنقید کی اور انہیں تسلیم شدہ سفارتی اصولوں اور عرف کے منافی قرار دیا۔ اسلام ٹائمز۔ شورش زدہ عرب ملک لبنان کے سابق وزیرِ خارجہ عدنان منصور نے کہا ہے کہ ایسے کسی بھی ملک کے ساتھ ذاتی یا انتخابی انداز میں برتاؤ، جس کے ساتھ لبنان کے مکمل سفارتی تعلقات قائم ہوں، لبنان کی سرکاری سفارت کاری کی صریح توہین کے مترادف ہے۔ تسنیم نیوز کے بین الاقوامی گروپ کے مطابق عدنان منصور نے ایک گفتگو میں اسلامی جمہوریہ ایران اور اس کے وزیرِ خارجہ کے حوالے سے یوسف رجی کے حالیہ مؤقف اور طرزِ عمل پر تنقید کی اور انہیں تسلیم شدہ سفارتی اصولوں اور عرف کے منافی قرار دیا۔ منصور نے زور دے کر کہا کہ لبنان کی سرکاری سفارت کاری ہمیشہ شائستگی، توازن اور سفارتی آداب کی پاسداری پر قائم رہی ہے۔
انہون نے کہا کہ کسی ایسے ملک کے ساتھ شخصی یا امتیازی سلوک جو لبنان کے ساتھ مکمل سفارتی تعلقات رکھتا ہو، اس روایت کے خلاف ہے، وزیرِ خارجہ کا اصل کردار دشمن کے مقابلے میں لبنان کے سرکاری مؤقف کا دفاع کرنا اور عالمی رائے عامہ کے سامنے صہیونی رژیم کی جارحیت کو بے نقاب کرنا ہے، نہ کہ داخلی تنازعات میں الجھ کر اختلافات اور تقسیم کو مزید گہرا کرنا۔ لبنان کے سابق وزیرِ خارجہ نے مزید کہا کہ وزارتِ خارجہ کو مجموعی طور پر لبنانی حکومت کے مؤقف کی عکاسی کرنی چاہیے، اور اس دائرے سے ہٹ کر دیا گیا کوئی بھی بیان محض ایک شخصی رائے شمار ہوگا جس کی کوئی سرکاری حیثیت نہیں ہوتی۔
منصور نے یوسف رجی کے حالیہ بیانات پر لبنانی حکومت کی خاموشی یا واضح مؤقف اختیار نہ کرنے کو تشویشناک قرار دیا اور کہا کہ یہ خاموشی یا تو ان بیانات کی بالواسطہ تائید سمجھی جا سکتی ہے یا ان کے خطرناک نتائج سے چشم پوشی کے مترادف ہو سکتی ہے، اور دونوں صورتوں میں یہ ایک قومی مسئلہ اور چیلنج ہے۔ انہوں نے اپنے بیان کے ایک اور حصے میں مزاحمت کے ہتھیار کو ’’غیر مؤثر‘‘ قرار دینے کے دعوے کو سختی سے مسترد کرتے ہوئے کہا کہ یہ تاریخی حقائق کی کھلی نفی ہے؛ ایسے حقائق جن میں سنہ 2000 میں جنوبی لبنان کی آزادی اور صہیونی رژیم کی عسکری برتری کے تصور کا ٹوٹ جانا سرِفہرست ہے۔
ذریعہ
ذریعہ: Islam Times
کلیدی لفظ: یوسف رجی لبنان کے کے ساتھ کہا کہ
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار